Në studimet që janë bërë vitet e fundit, gazetaria ka qenë një nga profesionet më të keq paguara dhe më pak të preferuara jo vetëm në vendin tonë, por në të gjithë botën. Aq keq kanë filluar njerëzit të flasin për të, sa edhe të rinjtë e talentuar e punëtorë që e kanë ëndërr e pasion, po fillojnë të tërhiqen prej saj.
Të jesh gazetar është gjëja më e bukur…
Nëse kjo fjali që shkrova pak më lart ju duket e cuditshme dhe pak e vështirë për t’u besuar, lexojeni shkrimin deri në fund se ku i dihet, ndoshta ndryshoni mendim. Po, është e vërtetë që vendet e mira të punës nuk janë me shumicë dhe si pasojë ka goxha njerëz që luftojnë për to. Po, është e vërtetë që në fillimet e karrierës pagat nuk janë shumë të kënaqshme, por në cilin profesion pagat janë të kënaqshme kur je ende amator? Po, është e vërtetë që oraret mund të jenë të zgjatura dhe ka raste edhe të crregullta. Po, është e vërtetë edhe që industria për të cilën po flasim po kalon në një gjendje krize, shumë vende pune po mbyllen dhe ato që po hapen po kërkojnë aftësi të tjera, ndonjëherë të ndryshme nga të vjetrat. Por asnjë nga këto më lart nuk e ndryshon thelbin e këtij shkrimi. Për ata që janë të prirur për të, gazetaria është gjëja më e bukur dhe më unike që mund të ndodhë.
Është një karrierë e mrekullueshme dhe këto janë arsyet se pse:
Së pari, je gjithmonë duke mësuar gjëra të reja. E mban mend kohën e universitetit? Në cdo semestër të ri mësojë dicka të re nga një profesor tjetër.Nëse ke qenë me fat, profesor mund të kesh pasur ndonjë gazetar me emër dhe vjetërsi në profesion. Truri yt vetëm “thithte” informacione, mendonte të shkruante top lajme dhe jo vetëm. E ndjeje që sa vije edhe kishe më shumë informacion apo vetëbesim. Epo gazetaria është e tillë… Je gjithmonë duke bërë muskuj truri. E fillon me një lajm amatoresk si një fëmijë i vogël dhebrenda disa muajsh shkruan top lajme si gazetar profesionist që ka vite që bënkëtë punë.
Së dyti, paguhesh që të lexosh. Pothuajse cdo gazetar që unë njoh e fillon ditën njësoj, me një filxhan të madhe kafe dhe top lajme me gazeta në duar, pastaj Twitter apo portale serioze dhe prestigjioze. Jam i sigurt që edhe shumë njerëz të tjerë e fillojnë në të njëjtën mënyrë, por ata duhet ta mbyllin si proces para se të fillojnë punë. Ja pra, një arsye tjetër e mirë pse gazetaria është e bukur.
Së treti, takon njerëz shumë interesantë dhe të ndryshëm. Sa më shumë të rritesh profesionalisht, aq më shumë njerëz do takosh dhe aq më shumë do e shijosh punën. Do vijë një pike që nuk do e shohësh më si burim lekësh, por si realizim ëndrre, si argëtim dhe lumturi.
Së katërti, nuk quhet stres, por entuziazëm. Sic e thashë edhe pak më lart, jo të gjithë janë të prirur të jenë gazetarë dhe jo të gjithë ata që kanë studiuar gazetari duhet të quhen të tillë. Nuk e di për ju, por unë e shijoj shumë të jem në një dhomë me gazetarë të tjerë ku të gjithë të jenë duke shkruar top lajme si “të cmendur” sepse edhe sekonda vlen dhe ka rëndësi në profesionin tonë. Më mire adrenaline dhe të dalë zemra nga vendi, sesa të “cmendesh” nga mërzia në një punë të gjatë e pa aksion fare.
Së pesti, je gjithmonë në lëvizje apo udhëton. Konferenca, takime me njerëz të ndryshëm, intervista, investigime, mbledhje informacioni, etj, tj. Të gjitha këto kërkojnë të jesh në lëvizje të vazhdueshme dhe në kontakt me njerëz për të nxjerrë në fund top lajme.
Së gjashti, shpreh opnionin tënd dhe mund të ndryshosh edhe jetë njerëzish. Një shkrim që ti bën, një informacion tejet të rëndësishëm që ti jep, një raportim që e përcjell te njerëzit, mund të ketë impact të paimagjinueshëm te të tjerët. Aq sa mund t’u ndryshosh jetën për mire e përgjithmonë.
Këto të gjashta janë disa nga shumë e shumë arsyet se pse gazetaria është një profesion shumë i bukur, i vecantë dhe se pse studentët dhe të rinjtë e apasionuar nuk duhet të lejojnë asnjë e asgjë t’i ndryshojë mendjen dhe t’i ulë ambicien.
