60 vjet pas tragjedisë ajrore të Manchester United

Ti mund ta lexosh kete ne 1 min.
6 Shkurt 2018 18:06

Manchester United zhvilloi sot një ceremoni përkujtimor në “Old Trafford” duke kujtuar 23 njerëzit të cilët u vranë në katastrofën ajrore të Mynihut 60 vjet më parë. Trajneri Jose Mourinho dhe yjet e tij aktuale ishin prezent, ndërsa legjendat e “Old Trafford” si Sir Bobby Charlton, i cili mbijetoi në rrëzimin e avionit si dhe Sir Alex Ferguson morën pjesë gjithashtu. United nderoi 23 personat që vdiq tragjikisht më 6 shkurt 1958.

Ish-trajneri i United, Ferguson mbajti një fjalim përpara se Mourinho dhe kapiteni Michael Carrick të vendosnin kurora në nder të viktimave në terrenin e United, “Old Trafford”. United vlerësoi se atje ishin 2.000 tifozë të klubit. Të pranishmit mbajtën një minutë heshtje në orën 15:04, orë në të cilën u rrëzua avioni gjashtë dekada më parë. /EDS/

Sarri ndryshon rregulloren e ekipit, ''fshin'' Conten

Ti mund ta lexosh kete ne 1 min.
15 Gusht 2018 14:59

Chelsea i Maurizio Sarri vazhdon të jetë një kantier i hapur, diçka normale, pasi italiani ka vetëm një muaj që ka marrë drejtimin. Mënyrat e tij të stërvitjes po adoptohen gradualisht nga lojtarët, por revolucioni i trajnerit toskan nuk ka të bëjë vetëm me mënyrën e lojës. Mospërputhja me paraardhësin e tij  mund të shihet edhe në mënyrën e komunikimit me lojtarët, veçanërisht nga pikëpamja e rregullave. The Telegraph ka shpjeguar masat e ndërrmara për të krijuar një klimë më pozitive.

Krahasuar me Antonio Conte-n, ka rregulla më pak të rrepta. Natën para ndeshjeve të mbrëmjes në shtëpi, nuk është më e detyrueshme të grumbullohen së bashku në hotelin  Chelsea Harbour. Ky rregull i mëparshëm nuk ishte pritur mirë nga lojtarët, që tani kanë mundësi të flenë në shtëpi dhe të bashkohen me shokët e tyre në mëngjes. Një tjetër aspekt shumë i rëndësishëm i revolucionit është dieta: Sarri ka shtuar llojet e ushqimit që mund të konsumohen në restorantin e ekipit, duke ‘’injoruar’’ rregullin e Antonio Conte-s. Sipas gazetës angleze ish trajneri i Napolit me këto truke po përpiqet të krijojë një ambient  më relaksues, në mënyrë që lojtarët të asimilojnë më shpejt  filozofinë e tij të futbollit. /EDS/

***********************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Manchester City, incident diplomatik: Drejtuesi akuzohet për racizëm

Ti mund ta lexosh kete ne 1 min.
15 Gusht 2018 12:07

Manchester City shkakton incident diplomatik? Protagonisti është Dean Ramsdale, kreu i rekrutimit të lojtarëve të rinj, i cili gjatë një takimi me agjentë të ndryshëm, duke folur për talentet e rinj, ka përdorur, sipas asaj që raporton Mirror, një gjuhë të papërshtatshme referuar futbollistëve me ngjyrë, duke i quajtur BBQ: të mëdhenj (big) të zinj (black) dhe të shpejtë (quick).

Historia daton në fillim të qershorit të kaluar. Gjuha e përdorur nga Ramsdale, nuk është pëlqyer nga të pranishmit në mbledhje, pasi janë vënë në siklet nga fjalët e përdorura. Një nga të pranishmit është bezdisur aq shumë sa ka bërë një ankesë zyrtare. City e ka pezulluar menjëherë drejtuesin, por mbetet për t'u parë nëse incidenti diplomatik është zgjidhur.

City, ndër të tjera, është një nga shoqëritë më të vëmendshme në çështjen e racizmit. Një numër i madh operatorësh të specializuar, punojnë në trajnimin e punonjësve, duke përfshirë multikulturalizmin dhe marrëdhëniet ndërkombëtare. Ramsdale, nga ana tjetër, është një ish futbollist i cili ka punuar me zbulimin e talenteve për më shumë se 20 vjet, duke u kujdesur personalisht për zhvillimin e lojtarëve të rinj. /EDS/

***********************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Trent Alexander-Arnold, e ardhmja e Anglisë

Ti mund ta lexosh kete ne 1 min.
14 Gusht 2018 22:41

Pozicioni i mbrojtësit të djathtë ka qenë një problem i vazhdueshëm për ekipin anglez të Liverpool, që prej që largimit të Glen Johnson në verën e vitit 2015. Drejtuesit anglez transferuan Nathaniel Clyne nga Southempton për të rregulluar sadopak situatën, por lojtari për shkak të dëmtimeve  të  shpeshta, nuk i ka përmbushur pritshmëritë. Të ndodhur në këtë situatë gjermani Jurgen Klopp në mungesë të Clyne vendosi të aktivizonte Trent-Arnold. Lojtari ja shpërbleu besimin duke shpërthyer në momentin e duhur.

Mbrojtësi 19-vjeçar ‘’debutoi’’ në arenën e të mëdhenjve sezonin e kaluar në ndeshjen kundër Hoffenheim e vlefshme për fazën kualifikuese të “Champions League”, ku shënoi një gol fantastik nga goditja e dënimit. Që prej atij momentit, Arnold ka nuk e ka humbur asnjëherë vendin e titullarit.

Liverpol sezonin e kaluar zhvilloi një sezon fantastik duke arritur deri në finalen e Champions League. Arnold gjatë sezonit të kaluar ë krahun e djathtë është ndihmuar gjithashtu edhe nga Mohamed Salah. Pas shkëlqimit në sezonin e kalur, tashmë janë të gjithë të bindur se ai është e ardhmja e futbollit anglez. Ai u grumbullua gjithashtu në Botëror nga Southgate, duke qenë një nga lojtarët më të rinj të kompeticionit. /EDS/

***********************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Për çfarë duhen tifozët? Gjysma e klubeve të Premier League nuk kanë nevojë për ta

Ti mund ta lexosh kete ne 2 min.
14 Gusht 2018 21:25

Gjysma e klubeve të Premier League mund të kishin luajtur sezonin e kaluar pa asnjë tifoz në shkallët e stadiumit dhe përsëri do ta kishin mbyllur vitin me fitim për sa i përket të ardhurave.

Rezultati tronditës vjen pas një kërkimi të realizuar nga BBC, pas marrëveshjes së re që skuadrat angleze kanë bërë për të drejtat e transmetimit të ndeshjeve në TV. Në sezonin 2016-2017, klubet e Premier League kanë përfituar nga të drejtat televizive plot 8,3 miliardë paund, ndërsa të ardhurat nga biletat kanë qenë në një raport 20 qindarka për 1 paund të fituar nga të drejtat televizive.

Numri i klubeve që do të kishin dalë me fitim edhe nëse nuk do të kishin arkëtuar asnjë qindarkë nga çmimet e biletave u rrit nga 2 që ishte në sezonin 2015-2016, në 11 në sezonin 2016-2017.

Dr. Rob Wilson, specialist i financave sportive në Universitetin “Hallam” të Shefilldit, thotë që ndryshimi është paralajmëruar që në marrëveshjen e mëparshme të nënshkruar në vitin 2012, me vlerë mbi 3 miliardë paund. “Ai ka qenë çasti kyç ku fokusi u kalua nga biletat e stadiumit te gjenerimi i të ardhurave televizive”, thotë ai për BBC Sport. “Kur merr 120 milionë paund nga Premier League për të luajtur me top, atëherë mund ta bësh këtë edhe në një stadium bosh. Për sa i përket të ardhurave, klubet nuk mbështeten më tek biletat”, shtoi ai.

Në sezonin e kaluar ishin 10 klube që do të kishin realizuar fitim edhe pa asnjë tifoz në stadiumet e tyre: Leicester, 76,03 milionë paund; West Brom, 33,03; Burnley, 21,46; Hull, 19,68; Southampton, 19,10; Everton, 16,60; West Ham, 14,87; Tottenham, 12,55; Bournemouth, 9,46; Swansea, 5,89 milionë paund. Listës mund t’i shtohet edhe Crystal Palace, që edhe pse luante në kategorinë e dytë sezonin e kaluar, do të kishte realizuar një fitim prej 1,21 milionë paundësh pa çmimet e biletave.

Për të kuptuar më mirë shifrat e çmendura të futbollit anglez, mjafton të përmendim që Bournemouth, skuadra me stadiumin më të vogël në Premier League, vetëm 11 450 vende, siguroi një fitim neto sezonin e kaluar prej 136,5 milionë paundësh, prej kësaj, vetëm 5,2 nga biletat, ose më pak se 4 qindarka për çdo paund të fituar./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.