60 vjet pas tragjedisë ajrore të Manchester United

Ti mund ta lexosh kete ne 1 min.
6 Shkurt 2018 18:06

Manchester United zhvilloi sot një ceremoni përkujtimor në “Old Trafford” duke kujtuar 23 njerëzit të cilët u vranë në katastrofën ajrore të Mynihut 60 vjet më parë. Trajneri Jose Mourinho dhe yjet e tij aktuale ishin prezent, ndërsa legjendat e “Old Trafford” si Sir Bobby Charlton, i cili mbijetoi në rrëzimin e avionit si dhe Sir Alex Ferguson morën pjesë gjithashtu. United nderoi 23 personat që vdiq tragjikisht më 6 shkurt 1958.

Ish-trajneri i United, Ferguson mbajti një fjalim përpara se Mourinho dhe kapiteni Michael Carrick të vendosnin kurora në nder të viktimave në terrenin e United, “Old Trafford”. United vlerësoi se atje ishin 2.000 tifozë të klubit. Të pranishmit mbajtën një minutë heshtje në orën 15:04, orë në të cilën u rrëzua avioni gjashtë dekada më parë. /EDS/

FOTO / Emery prezantohet në 'Emirates' dhe bën një premtim

Ti mund ta lexosh kete ne 2 min.
23 Maj 2018 22:01

Në prezantimin e tij zyrtar tek Arsenal, Unai Emery falenderoi së pari Arsene Wenger për trashëgiminë që ka lënë në klub, duke zbuluar se vendimin përfundimtar për të marrë drejtimin e klubit londinez e mori pas takimit me pronarët në Atlanta këtë javë.

Ulur përkrah shefit ekzekutiv Ivan Gazidis, Emery e nisi konferencën në spanjisht: “Faleminderit Arsene. Puna e tij është si pikë referimi dhe kam mësuar prej gjithçka nga futbolli. Anglishtja ime lë pak për të dëshiruar, por mund t’u them tifozëve që jam shumë i lumtur”.

Gazidis shpjegoi se Arsenal kishte tetë kandidatë të cilët u intervistuan të gjithë në datat 25 prill – 15 maj. Por takimi që i bëri të gjithë të binin dakord, ishte me familjen Korenke në Atlanta të martën. “E kam ndjekur karrierën e Unai-t nga afër, që kur drejtonte Valencia-n. Ka qnë gjithmonë në radarët e mi dhe mund të them se skuadrat që ai drejton përmirësohen me kalimin e kohës”, tha Gazidis.

Emery vlerësoi shumë marrëdhënien e krijuar menjëherë me klubin: “Pati një shkëndijë fantastike mes nesh. Arsenal ka një histori të mrekullueshme dhe besoj që të ketë edhe një të ardhme të tillë”. Megjithatë, spanjolli e pranon se e di mirë çfarë e pret, pasi duhet të konkurrojë me 17 trofe të fituar në 22 vite nga Ëenger. “Sfida është e madhe”, tha ai. “Por kam punuar edhe më parë me projekte të mëdha dhe jam krenar që po marrë detyrën këtu pas Wenger-it”./EDS/

****************

Ndalohet ribotimi apo kopjimi i këtij artikulli pa lejen me shkrim nga eduasportin.com apo edhe riprodhimi i lajmit pa autorizimin tonë. Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Mesfushori tradhton Pep për Mourinho, ja kush është ëndrra e tij

Ti mund ta lexosh kete ne 2 min.
23 Maj 2018 16:45

Mesfushori i Manchester City, Yaya Toure ka refuzuar të përjashtojë një lëvizje te Manchester United në merkaton e verës. Ai ka njoftuar tashmë se do të largohet nga kampionët e Anglisë, pasi kaloi tetë vjet me ta. 35-vjeçari nuk është në planet e trajnerit spanjoll Pep Guardiola, ndërsa në sezonin e fundit është aktivizuar me pikatore. Jose Mourinho humbi mesfushorin Michael Carrick, pasi anglezi tani do të bashkohet me stafin teknik të Manchester United. Toure u pyet nëse ka ndonjë mundësi, që ai të luajë për rivalët e qytetit të Manchester City dhe ai nuk e refuzoi mundësinë. "Po, sapo u largova. Le të shohim, le të shohim. Unë nuk i përjashtoj ekipet e mëdha jashtë. Ekipet e mëdha janë shumë të rëndësishme për mua. Ajo që ata duan të arrijnë, mënyra se si ata duan të shkojnë, për mua është shumë e rëndësishme", tha Toure gjatë një interviste për “Manchester Evening News”.

“Unë dua të shkoj diku ku mund të fitoj dhe të kem sukses. Do të jetë e vështirë për të luajtur kundër City, por unë duhet ta bëj këtë, është pjesë e punës sime", vazhdoi mesfushori afrikan duke zbuluar një dëshirë. “Më pëlqen shumë Paul Pogba", tha ai. "Unë e dua edhe Kevin De Bruyne dhe David Silva. Silva ishte lojtari im. Është e vështirë sepse duhet të jesh i mirë në të gjitha gjërat. Silva është i shkurtër dhe i fortë”, shtoi Toure. “Ne nuk kemi të njëjtat karakteristika, sepse unë përfshihem në të gjitha aksionet, unë vrapoj kudo. Pogba ka të njëjtën madhësi, fuqi - por ka një mënyrë të ndryshme sesi dëshiron të shkojë te porta. Teknikisht është i mirë, ka aftësi edhe për të shënuar gola. Është një lojtar me të cilin dua të luaj, të jem i sinqertë, vetëm t'i mësoj disa gjëra", deklaroi 35-vjeçari. /EDS/


***********************************
Ndalohet ribotimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Nuk ka fjalë me Mourinhon, portugezi i prerë me lojtarët

Ti mund ta lexosh kete ne 2 min.
23 Maj 2018 15:59
Trajneri portugez i qartë

“Ose me mua ose kundër meje”- pikërisht kështu u drejtohet Jose Mourinho lojtarëve në raste kundërshtimi. Sipas “The Sun”, tekniku portugez ka shpërthyer ndaj lojtarëve pas dështimeve që ka radhitur këtë sezon nën drejtimin e Manchester United. Pas eliminimit nga Champions League, mungesës së titullit në Premier League, së fundmi u mposht edhe në finalen e FA Cup nga Chelsea, me një penallti të Eden Hazard. “Special One” edicionin e tij të parë United arriti të ngrejë trofeun e Europa League me “Djajtë e kuq”, EFL Cup dhe FA Community Shield, por këtë herë nuk ja doli që të arrijë asnjërin nga objektivat e caktuar në fillim.

Siç shkruan tabloidi britanik ai ka mbetur zhgënjyer nga një numër i caktuar lojtarësh, ku mes tyre ishte edhe Romelu Lukaku. Për këtë ai vendosi që t’a lërë jashtë finales së Kupës që zhvilloi ndaj londinezëve të Antonio Contes. “The Sun” shkruan se tekniku portugez mësohet t’i ketë thënë sulmuesit që nuk është i aftë të luajë në atë sfidë, duke preferuar Rashford dhe Sanchez në fushë.

Po afron merkato e verës dhe drejtuesit e United kanë hapur “thesin” për t’i siguruar lojtarët që Mourinho ka renditur në listën e tij të “dëshirave”. Por, për të afruar përforcimet që luzitani kërkon më parë duhet të bëjë disa largime. Dhe, siç raportojnë prej kohësh mediat angleze, Paul Pogba është njëri prej lojtarëve që pritet të largohet nga “Old Trafford”. Megjithatë, mbetet të presim deri në verë, nëse mesfushori do të vazhdojë apo do të rikthehet në Serie A, tek Juventus. Gjigantët italianë kanë kërkuar që t’a rikthejnë përsëri në “Allianz Stadium” 25-vjeçarin, i cili shihet si një përforcim tejet i mirë për të ndihmuar bardhezinjtë që të arrijnë objektivin Champions League sezonin e ardhshëm. /EDS/

Ndalohet ribotimi apo kopjimi i këtij artikulli pa lejen me shkrim nga eduasportin.com. Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Zyrtare/ Unai Emery është trajneri i ri i Arsenalit

Ti mund ta lexosh kete ne 2 min.
23 Maj 2018 11:19
Spanjolli firmosi kontratë 3 vjeçare

Arsenali e ka vendosur. Unai Emery do të jetë trajneri i ri i skuadrës. Kështu spanjolli do të marrë frerët e klubit i cili për 22 vite u drejtua nga Arsene Wenger. Trajneri 46 vjeçar firmosi një kontratë 3 vjeçare dhe do të përfitojë 15 milion sterlina.

Ish trajneri i PSG-së u përzgjodh nga drejtuesit e klubit për këtë detyrë me rëndësi, duke fituar konkurrencën kundër Mikel Arteta-s, ish mesfushor i “topçinvje”.

Do të jetë një detyrë mjaft e vështirë për Emery-n, i cili tani do të duhet që të mbushë boshllëkun e madh të lënë nga largimi i francezit.

Lajmi nga Arsenali u bë publik në mëngjesin e sotëm në orën 09:00.

“Një agim i ri. Një epokë e re. Një kapitull i ri” ishte njoftimi i “topçinvje”.

Emery në lidhje me detyrën e re u shpreh mjaft i emocionuar.

“Jam mjaft entuziast që po bëhem pjesë e një prej klubeve më të mëdha të futbollit. Arsenali dashurohet dhe pëlqehet anembanë botës për stilin e të luajturit, përkushtimin ndaj të rinjve, stadiumin fantastik dhe mënyrën se si klubi menaxhohet.

Jam i emocionuar që po më jepet përgjegjësia për të nisur këtë kapitull të ri në historinë e Arsenalit. Jam takuar me Stan dhe Josh Kroenke dhe është e qartë që ata kanë ambicie të mëdha për klubin dhe janë të përkushtuar për të sjellë këtu sukses.

Jam i paduruar për atë çfarë mund të bëjmë bashkë dhe që t’i dhuroj kujtdo që e dashuron Arsenalin disa momente speciale dhe kujtime të bukura”, ishin fjalët e para të Emery-s pas zyrtarizimit të detyrës së tij të re për mediet. /EDS/

*****************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

 

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli