Abidal dhe sëmundja e rëndë: Isha si kufomë, Messi bëhej keq...

Ti mund ta lexosh kete ne 2 min.
11 Janar 2018 18:14
Mbrojtësi francez është rrëfyer në një intervistë për “Canal +”: U nisa një video shokëve para ndeshjes, Leo më kërkoi të mos e bëja më...

Eric Abidal që ngre trofeun e Champions League të vitit 2011, kapiten nga rastësia pasi ishte kthyer nga operacioni i parë për shkak të tumorit në mëlçi, është një nga imazhet më të bukura të futbollit gjatë viteve të fundit. Pas atij triumfi, në fushë dhe ndaj sëmundjes, mbrojtësit francez iu desh të luftonte sërish, derisa bëri një transplant të mëlçisë një vit më pas. Tani, në një intervistë për “Canal Plus” me ish-kolegun e kombëtares, Olivier Dacourt, ka treguar momentet më të vështira të atyre muajve derisa një moment dukej “si një kufomë që ecte”.

MESSI DHE HENRY – Në veçanti ai ka përzgjedhur dy episode. Një herë i dërgoi një video ku inkurajonte shokët, por reagimi i tyre e bëri të kuptonte se në ç’gjendje ishte katandisur: “Disa prej shokëve më kanë parë shumë të dobësuar. Regjistrova një video para një ndeshjeje të rëndësishme, ku i thosha të mos shqetësoheshin për mua, sepse ishte njësoj sikur të isha me ta në fushë. E dini si m’u përgjigj Messi? Të mos u dërgoja më, sepse video kishte dhënë efektin e kundërt. Unë mendoja se dukesha mirë në video, teksa u thosha shokëve: ‘Forca djem’. Por ata shikonin që unë isha si një kufomë dhe kjo i trishtonte shumë”. Më tej, ma treguar emocionet e një vizite të HenryNju Jork: “Kur e pashë në fund të korridorit nisa të qaj si një fëmijë. Nuk doja të më shikonte ashtu, por në të vërtetë u gëzova aq shumë që erdhi të më takonte”. Abidal shpjegon edhe luftën e tij me sëmundjen e rëndë: “Kisha këtë dhimbje, që nuk e kisha ndjerë kurrë më parë në jetën time. Ishte e padurueshme, si një thikë që ngulet gradualisht në një plagë të hapur. Kur doktori më tha se duhet të bëja një tjetër operacion, isha paradoksalisht i lumtur”./EDS/

Kërkesa për kod të ri
Ne ju kemi dërguar një link për të ndërruar kodin. Ju lutem kontrolloni postën tuaj elektronike