Agjenti: Thiago Silva mund të rikthehet te Milani

06 Prill 2020

Agjenti i Thiago Silvas ka konfirmuar se mbrojtësi mund të rikthehet te Milani në këtë verë.

Mbrojtësi brazilian kishte bërë emër pikërisht ter Rossonerët, madje ishte bërë kapiten i skuadrës shkaku që ishte lojtar vendimtar.

Silva kishte fituar Scudetton me Milanin në vititn 2011, ndërsa një vit më vonë kishte kaluar te Paris Saint-Germain.

35-vjeçari është i gatshëm që të largohet nga Parku i Princave në këtë verë, derisa skuadra italiane është e gatshme që ta rikthejë atë në San Siro.

“Në futboll gjithçka është e mundur, por ai duhet të pres dhe të shikojë se çfarë do të ndodhë me situatën e krijuar nga pandemia”, ka thënë agjenti Paulo Tonietto.

“Ai është një admirues i madh i Milanit, vitet atje ishin fantastike për të dhe fitojë shumë respekt në San Siro”.

Lexo po ashtu: Thiago Silva flirton me Milanin, gati rikthimi në San Siro

“Është i njohur për të gjithë tifozët dhe për ndikimin që kishte bërë aty”, ka shtuar më tej ai.

Edhe pse Silva mund të arrijë si transferim i lirë nga PSG, paga e tij e lartë do të ishte një problem për Milanin. /Telegrafi/

www.telegrafi.com