Ajax tenton transferimin e Meritan Shabanit

05 Janar 2019
Ajax tenton transferimin e Meritan Shabanit

Meritan Shabani mund të largohet nga Bayern Munichu gjatë afatit kalimtar të janarit.

Mesfushori ofensivë nga Kosova, ka debutuar edicionin e kaluar me fanellën e Bayernit në Bundesliga.

Këtë edicion Shabani kryesisht ka luajtur në Regional liga me Bayern II, ndërsa numëron dy ndeshje me ekipin e parë.

Por forma e mirë me ekipin e dytë të Bayernit si duket i ka lënë përshtypje gjigantit holandez Ajax Amsterdam.

Meritan Shabani me fanellën e Kombëtares së Gjermanisë U19

Mediat gjermane kanë raportuar se Ajax ka kërkuar informacione shtesë te Bayerni për talentin Shabani.

Kampionët e shumëfishtë të Holandës po e duan transferimin e Shabanit qysh na afatin kalimtar të janarit.

Por Bayerni nuk është i interesuar ta lë të lirë të largohet ylli i tyre i ri.

Bavarezët janë të gatshëm ta lënë të largohet Shabani vetëm si huazim për të fituar sa më shumë përvojë. /Telegrafi/

www.telegrafi.com