Allegri te Chelsea? Conte e ka një përgjigje

Ti mund ta lexosh kete ne 1 min.
12 Janar 2018 16:06
Italiani i pasigurt për të ardhmen

Antonio Conte përgatit rikthimin e tij në Itali. Largimi nga Chelsea merr gjithnjë e më shumë formë, e ky është epilog i një dashurie që kurrë nuk shpërtheu.

Atë e do Milani, por të shumtë janë edhe italianët që e duan në stolin e Italisë.

Ndërsa presidenti Roman Abramovich kërkon në vendin e tij Max Allegri-n.

“Ende ka një vit kontratë për gjithçka është e mundur. E rëndësishme është që të jesh gjithnjë gati.

Ky është futbolli. Ne kemi një punë shumë të vështirë, e gjithçka ndryshon në pak kohë. Gjithnjë më pyesni për të ardhmen, por kjo është normale kur trajnon Chelsea-n.

Ne vjet fituam Premier League-n dhe shkuam në finalen e FA Cup. Historia e Chelsea-t flet vetë.

Jam i qetë, pastaj në futboll gjithçka mund të ndodhë. Pra duhet të jesh gati”, tha Conte në konferencën për shtyp përpara sfidës kundër Leicester City-t ditën e nesërme.

David De Gea 'prenoton' çmimin individual në Premier League

Ti mund ta lexosh kete ne 1 min.
27 Prill 2018 00:36
Zbuloni çmimin

Portieri i Manchester United, David De Gea është në prag të sigurimit të një çmimi individual. Nëse e mban portën të paprekur kundër Arsenalit këtë fundjavë do të ishte shumë afër fitimit të një trofeu, që flet për cilësinë e tij si portier. Spanjolli ka qënë në “Old Trafford” për shtatë sezone dhe megjithëse e ka treguar veten si një lojtar jetik për “Djajtë e Kuq” gjatë viteve të fundit, nuk e ka fituar këtë çmim. De Gea është një nga portierët më të mirë në botë dhe ky do të ishte çmimi i parë për të. Çmimi i jepet portierit që e ka ruajtur portën të paprekur në ndeshjet në kampionat. De Gea ka gjithsej 17 ndeshje pa pranuar gola dhe ka katër ndeshje të tjera për ta përmirësuar këtë rekord. Vetëm tre portierë të tjerë kanë ende mundësinë për ta kapur atë: Ederson (24) Man City, Lloris Spurs (13) dhe Courtois Chelsea (13).

Manchester United përballet me Arsenalin të dielën, me “Topçinjtë”, që ndoshta do të mendojë më shumë për ndeshjen e dytë të Europa League kundër Atlético Madrid dhe trajneri Wenger mund të lërë pushim lojtarët kryesorë. Me stilin mbrojtës të trajnerit Jose Mourinho dhe me klasin e padiskutueshëm të De Gea, Doreza e Artë për vitin 2018 tashmë ka një ndjenjë spanjolle në lidhje me të. Me vendin e dytë në Premier League pothuajse të garantuar, në finale të FA Cup kundër Chelsea-t në maj dhe me një Kupë të Botës përpara, David mund të festojë shumë më tepër. /EDS/

Luis Enrique drejt pankinës, por ka një kusht që nuk është në natyrën e Arsenal

Ti mund ta lexosh kete ne 2 min.
26 Prill 2018 21:31
Kërkesa e bujshme e teknikut

Luis Enrique është favorit për të marrë vendin e Arsene Wenger, i cili pati një karrierë prej 22 vitesh nën drejtimin e Arsenal. Ish-trajneri i Barcelona-s, Enrique, planifikon të bëjë shumë ndryshime në skuadër në rast se ai do të marrë drejtimin e “Topçinjve”.

Vetëm linja e sulmit do të mbetet e paprekur, pasi udhëhiqet nga blerja 60 milionë paundëshe me Pierre-Emerick Aubameyang dhe Alexandre Lacazette, të cilët janë duke e bërë shumë mirë punën e tyre.

Porta, mbrojtja dhe mesfusha do të shkunden, ndërsa mesfushori i Roma-s, Radja Nainggolan është qëllimi i parë i merkatos së londinezëve. Ky është një devijim nga stili i Wenger, i cili në mënyrën e tij menaxhuese përjashtonte lojtarët me moshë të madhe, duke preferuar gjithnjë emra të rinj.

Kushdo që do të marrë vendin e Wenger i duhet që për sezonin tjetër të bëjë disa ndryshime në skuadër për të kthyer fuqinë e skuadrës në “Emirates”. Së bashku me ish-trajnerin e Barcelona-s pritet që të afrohet edhe Raul Sanellhi, ish-drejtori sportiv i blaugranave që e njeh mirë Enrique-n dhe që pritet të bëjë menaxhimin e parave të Arsenal-it.

Te Arsenal nuk kanë në natyrë që të bëjnë blerje me shifra të mëdha gjatë periudhës së merkatos, por që të rrëmbejnë talente të mëdhenj për pozicionet e preferuara. Afrohen shumë talente dhe më pas secili ka shansin e vet për të qëndruar në këtë klub.

Enrique nuk ka qenë në punë që kur është larguar nga Barcelona kur kontrata e tij skadoi në marsin e vitit të shkuar, teksa tashmë është i fiksuar që të kthehet pas në lojë. Por, gjithashtu ai kërkon që të paguhet me të njëjtat para, 9 milionë paund, ashtu siç shpërblehej për një kohë të gjatë Arsene Wenger, i cili vetëm në shtatë vitet e fundit përfitoi këtë pagesë edhe pse i kushtoi 22 vite të jetës së tij “Topçinjve”. /EDS/

E kërkon Barça dhe Juve, Bellerin ka një kërkesë të veçantë për Arsenalin

Ti mund ta lexosh kete ne 2 min.
26 Prill 2018 20:38
Ai po shkëlqen

Ylli i Arsenalit, Hector Bellerin ka një kërkesë të veçantë për të qëndruar në “Emirates Stadium”. Në një intervistë të dhënë për kanalin në “Youtube” të Arsenalit, në mes të thashethemeve që e lidhin atë me lëvizjet drejt Barcelonës dhe Juventusit, spanjolli zbuloi, se ai dëshiron fanellën me numrin 2. Bellerin ka qenë një pjesë thelbësore e “Topçinjve” që kur u bashkua nga Barcelona në vitin 2011. 23-vjeçari ka mahnitur me performancat e tij, që kur ai hyri në ekipin e parë nën drejtimin e Arsene Wenger. Këtë sezon, spanjolli është shfaqur 32 herë, duke shënuar dy gola dhe duke ndihmuar me një asist, duke u bërë një nga lojtarët më të qëndrueshëm në klub. Ai është titullar i padiskushtëm dhe pas kësaj deklarate, duket se ai ka hedhur poshtë të gjitha spekulimet, që e lidhin me një rikthimin në “Camp Nou”, apo me “Zonjën e Vjetër”, me drejtuesit e Juves, që kërkojnë një lojtar cilësor për krahun e djathtë të mbrojtjes.

Dëshira e Bellerin duket, se është të qëndrimi në Londër dhe të bëhet flamur i Arsenalit. Në një intervistë me kanalin zyrtar të Arsenalit, Bellerin u shpreh: "Në verë unë dua të pyes për numrin 2, ata e dinë që unë e dua". Pra një deklaratë e tillë tregon qartë, se objektivi i tij është të qëndrojë në “Emirates Stadium” dhe të fitojë trofe me “Topçinjtë”, që këtë sezon rrezikojnë edhe pjesëmarrjen në Champions League. Gjithsesi kanë një shans nga Europa League, nëse fitojnë trofeun. Performanca e Bellerin si një nga lojtarët më të mirë të Premier League ka tërhequr vëmendjen nga Barça dhe Juve, të cilët dëshirojnë të nënshkruajnë me spanjollin në verën e ardhshme. Bellerin nënshkroi një marrëveshje të re në “Emirates” në verën e vitit 2016 dhe kontrata e tij me londinezët përfundon në verën e vitit 2023. /EDS/

E duan në Londër, Simeone zbulon të vërtetën pë ofertën e Arsenal

Ti mund ta lexosh kete ne 1 min.
26 Prill 2018 16:40
Tekniku argjentinas

Diego Simeone ka mohuar zërat e ditëve të fundit, për një kalim të mundshëm te Arsenal. Arsene Wenger deklaroi të premten e kaluar se do të largohet nga “Emirates Stadium” në fund të sezonit. Menjëherë mediat hulumtuan për emrin e ri të trajnerit që do të marrë drejtimin e “Topçinjëve”. Në listë i pari ishte Luis Enrique dhe së dyti, argjentinasi i Atletico Madrid, Diego Simeone.

Në deklaratën për shtyp, para gjysmëfinales së Ligës së Evropës, që do të luajnë sonte ndaj Arsenal, 47-vjeçari foli edhe për mundësinë e zëvendësimit të teknikut francez.

“Jo, nuk kam pasur kontakte me asnjë nga drejtuesit e Arsenal. E vetmja gjë që më vjen në mendje për Wenger, është admirim. Ai duhej të rindërtonte vetën. E shoh vetën si një trajner të ri dhe dua t’a vëzhgoj atë dhe të mësoj nga ai. Vendi që ka zënë në futboll është i mrekullueshëm. Duke pasur parasysh dashurinë që ka dhënë për Arsenal, ai vazhdon me dëshirë të madhe që ekipi i tij të fitojë. Është e mrekullueshme të marrësh ide dhe këshilla nga një trajner si ai. Jemi të gjithë të motivuar. Arsenali do të na kërkojë që të japim më të mirën tonë”- ka përfunduar tekniku i madrilenëve.

Legjenda e Manchester United, Gary Neville në një prononcim për median britanike, pak ditë më parë deklaroi se: Simeonë është zëvendësuesi i denjë për Arsenal. Trajneri i gjigantëve të La Liga-s, flitet se mund të shkëpusë kontratën me Atleticon, pasi ka kërkuar një aventurë të re në një tjetër kampionat, dhe pse jo ai anglez do të ishte i duhuri për të.

Arsenal – Atletico Madrid, luajnë sonte në orën 21:05 në “Emirates Stadium” në kuadër të ndeshjes së parë gjysmëfinale të Europa League. /EDS/