REZULTATET LIVE
Shiko listen e plote

Ambasadori i RSH në Turqi zbulon për EDS emocionet e fitores së kuqezinjve dhe marrëdhëniet me Turqinë

14 Nëntor 2017 18:22

Kombëtarja shqiptare zhvilloi një ndeshje të madhe të hënën mbrëma në “Antalya Stadium” duke mposhtur me rezultatin 3-2 Turqinë në miqësore. Një kundërshtar dinjitoz, por që Shqipëria e zvogëloi në fushë veçanërisht në pjesën e parë duke treguar një nivel të lartë.

Golat e kuqezinjve ngritën peshë tifozët e pakët shqiptar në stadium, por sigurisht edhe teleshikuesin, që e ndoqi nga ekrani. Një tifoz i veçantë në “Antalya Stadium” ishte edhe Ambasadori i Shqipërisë në Turqi, Z.Genti Gazheli, i cili u konsiderua si “hajmalia” e kuqezinjve nga shefi i FSHF-së, z.Armand Duka.

Në një intervistë të dhënë ekskluzivisht për eduasportin.com Gazheli flet për emocionet e përjetuara në stadium, bisedën me kreun e FSHF-së, si dhe zbulon marrëdhëniet diplomatike mes Turqisë edhe Shqipërisë, që siç duket edhe në media janë të shkëlqyera.

Z.Gazheli përshëndetje! Besoj se suksesi i kuqezinjve ështe një kënaqësi e madhe për ju, cila është ndjesia që ju dha fitorja ndaj Turqisë?

Së pari më lejoni që t’ju falenderoj për intervistën. Ndeshjen miqësore midis dy ekipeve kombëtare të Turqi–Shqipëri e ndoqa nga shkallët e stadiumit “Antalia Stadium”. Është kënaqësi të ndjekësh ekipin kombëtar në kompeticione të ndryshme, por ndjesia dhe kënaqesia është e veçantë kur ekipi yt i zemres fiton dhe luan denjësisht me një ekip të fortë si ekipi Kombëtar Turk. S’mund të ndjeja tjetër gjë, veçse një emocion të pakrahasueshëm dhe krenari.

Përpara ndeshjes ju zbritët në fushë së bashku me presidentin e FSHF, Armand Duka, ai tha se ishit “hajmalia” e kuqezinjve. Komenti juaj për këtë?

Është shumë e vërtetë. Përpara fillimit të ndeshjes sëbashku me Presidentin e FSHF z.Duka zbritëm në fushën e blertë për të bërë një foto. Duke qeshur më tha: “Uroj që prania juaj në këtë ndeshje Ambasador të na sjellë fat!”. Siç duket kam patur këmbën e mbare siç thotë populli.

Si janë marrëdhëniet diplomatike mes Turqisë dhe Shqipërisë?

Marrëdhëniet midis dy vendeve tona të bazuara në miqësinë dhe lidhjet tradicionale, kanë fituar tashmë një dimension të ri, atë të Partneritet Strategjik, që i hap rrugë institucionalizimit të marrëdhënieve dypalëshe në çdo fushe. Shqipëria si edhe Turqia përballen me sfida të përbashkëta, siç ështe lufta kundër terrorizmit.

Të përgëzuan miqtë turq për fitoren e kombëtares pas ndeshjes?

 Patjetër! E përshëndetëm njëri-tjetrin shumë miqësisht!

Besoj kombëtaren e keni ndjekur edhe më parë, si e shikoni të ardhmen e kuqezinjve me Kristian Panuçin në krye?

Jam një ndjekës i hershëm i ndeshjeve të Kombëtares Shqiptare që në fëmijëri. Realisht kuqezinjtë kanë nisur një rrugëtim shumë të mirë me trajner Kristian Panuçi. Mos të harrojmë, që është një projekt, që sapo ka filluar dhe kërkon shumë angazhim nga të gjithë lojtarët dhe stafi drejtues i skuadrës. Unë mendoj se më e rëndësishme është, që të kenë një mentalitet fitues.

I uroj Ekipit Kombëtar Shqiptar, stafit drejtues dhe Presidentit Duka fitore dhe suksese në të ardhmen!

 

Intervistoi: Drilon Xhepollari

 

Jeni i lutur të hyni në llogari që të lini një koment
Fiton edhe Crotone e Ajetit, por shqiptari ishte në stol

Çmendet Quagliarella, thyen i vetëm Fiorentina-n

21 Janar 2018 17:06

Sampdoria e nisi vitin 2018 me fitore duke mposhtur 3-1 Fiorentina-n në “Luigi Ferraris” me tripletën e Quagliarella. Me këtë sukses të besuarit e Marco Giampaolo u ngjitën në kuotën e 33 pikëve në vend të gjashtë pas 20 ndeshjesh. Ish-ylli i Juventusit, Fabio Quagliarella zhvilloi një ndeshje të shkëlqyer duke realizuar tre gola.

Fillimisht ai i kaloi vendasit në avantazh kur u mbush gjysmë ore lojë pas asisit të Ramirez. 45’ minutat e para u mbyllën me avantazhin minimal, ndërsa në të dytën Sampdoria shënoi edhe dy herë të tjera me 34-vjeçarin. Brenda 8’ minutash Quagliarella realizoi dy gola mjaft të bukur duke e vendosur në kasafortë fitoren (60’, 68’). Në fund Fiore shënoi golin e nderit me anë të Sanchez pas asisit të ish-milanistit Saponara (80’).

Në ndeshjet e tjera Sassuolo barazoi 1-1 me Torino-n në shtëpi, me të njëjtin rezultat përfundoi edhe takim mes Udinese dhe Spal, ndërsa Crotone e Ajetit shkatërroi 3-0 në transfertë Verona-n. Mbrojtësi i kombëtares nuk u preferua për këtë takim, duke e ndejkur ndeshjen nga stoli. /EDS/

Jeni i lutur të hyni në llogari që të lini një koment
Qendërmbrojtësi vlonjat nuk gjen më hapësira në ekip

Luftëtari plotëson çdo repart, gati largimi në mbrojtje

21 Janar 2018 17:03

Luftëtari bëri disa prurje gjatë merkatos së janarit, duke përforcuar të gjithë repartet ku kishin boshllëqe gjatë fazës së parë. Por, numri i futbollistëve tashmë ka kaluar shifrën 25, kështu që klubi është i detyruar që të bëjë disa largime.

Përveçse ka huazuar disa lojtarë në Kategorinë e Parë, tashmë pret që të heq nga grupi edhe një tjetër emër, të cilin e kanë në pronësi. Valdo Zeqaj, i afruar gjatë merkatos së verës, tashmë nuk po gjen hapësira në ekip.

Kështu, klubi është duke kërkuar skuadër në elitë për ta dhënë “borxh” për pjesën e mbetur të kampionatit. Pritet që në ditët në vijim të vijë dhe zyrtarizimi i vlonjatit, i cili dëshiron të mbetet pjesë e elitës. /EDS/

Jeni i lutur të hyni në llogari që të lini një koment
Asnjë pilot për sezonin 2018

E çuditshme, një kontinent mungon në F1

21 Janar 2018 16:31

“Momentalisht nuk është gati asnjë pilot amerikan për sezonin e ri të Formula 1”. Fraza e shprehur një javë më parë nga Gunther Steiner, drejtues në ekipin Haas, ka provokuar reagime të ndryshme në SHBA.

Nuk kanë munguar kritikat për fjalët e të parit të kësaj skuderie, i cili shprehu gjithashtu se nuk ka mundur që të gjejë një amerikan që është në lartësinë e duhur për ta pasur në skuderinë e tij.

Në mbrojtje të pilotëve amerikanë ka dalë në mbrojtje piloti i IndyCar, Sebastian Bourdais. Nuk është amerikan, por ka eksperiencë të gjatë në SHBA dhe ka provuar që të bëjë hapin e madh në Formula 1 pa pasur suksese të rëndësishëm. /EDS/

Jeni i lutur të hyni në llogari që të lini një koment
Kandidati për postin e presidentit të FSHF thekson se drejtësia është prioritet për të

Gara për kreun e FSHF, Fino: Mëkat që disa figura të sportit janë keqpërdorur

21 Janar 2018 16:17

Kandidati për president në Federatën Shqiptare të Futbollit, Bashkimi Fino, ka reguar nëpërmjet një statusi në faqen zyrtare në “Facebook” për çështjen e shoqatave fantazmë. Deputeti thotë se i vjen keq që disa figura të njohura të futbollit janë përdorur nga institucion që drejton futbollin në vend.

“Pastërtia dhe drejtësia në futboll është pika më kryesore e platformës sime. Më vjen keq që për kaq vite është abuzuar me ilegalitet dhe shoqata fantazmë. Më vjen keq që për kaq vite është mashtruar një komunitet i tërë futbolli. Më vjen keq që disa persona kanë pretenduar në mënyrë joligjore që janë përfaqësues të disa organizimeve që merren me fëmijët. Me të ardhmen e vendit tonë. Më vjen keq që disa figura të njohura të sportit janë keqpërdorur ligjërisht. Të gjithë këto figura të njohura të sportit kanë thënë njëzëri: - "Nuk dimë gjë për pjesën e regjistrimit dhe pjesën ligjore. Ato i ka marrë përsipër Federata". Drejtësia vonon, por nuk harron. Deri në fund, për një futboll të pastër dhe të ligjshëm”, shkruan Fino. /EDS/

Jeni i lutur të hyni në llogari që të lini një koment