Armando Sadiku nis stërvitjet, por ngjan si "Gladiatori"

Ti mund ta lexosh kete ne 0 min.
7 Mars 2018 12:16
Sulmuesi i Levantes

Sulmuesi shqiptar i Levantes, Armando Sadiku ka nisur sot seancat stërvitore me skuadrën e tij për ndeshjen e radhës ndaj Getafes, ku synon të ketë sërish minuta në dispozicion. Sadiku ka vënë edhe një maskë, pasi në ndeshjen e fundit pësoi një frakturë në fytyrë. /EDS/

 

Shkëlqeu ndaj Polonisë, Mina ka një mesazh për Barcelonën

Ti mund ta lexosh kete ne 2 min.
25 Qershor 2018 15:08
Mbrojtësi është i vendosur

Mbrojtësi kolumbian, Yerry Mina bëri një ndeshje fantastike mbrëmjen e djeshme ndaj Polonisë me përfaqësuesen e tij në kuadër të ndeshjes së dytë ne Grupin H. Në përballjen e parë fatkeqësisht humbën 2-1 ndaj Japonisë pasi luajtën me një lojtar më pak që nga minuta e tretë e takimit, pas daljes me të kuq të mesfushorit Carlos Sanchez.

Mina ishte një nga lojtarët që spikati më shumë në fitoren 3-0 ndaj Polonisë në “Kazan Arena”, edhe pse “Lojtari i ndeshjes” u shpall mesfushori i Real Madrid i huazuar te Bayern Munich, James Rodriguez. Ai shënoi edhe golin e avantazhit për ekipin në minutën e 40-të të takimit, i pasuar nga Falcao (70’) dhe Juan Cuadrao (75’). Skuadra e Pekerman ia doli që të fitojë tre pikë me shumë vlerë që i mbajnë akoma me shpresa për të kaluar raundin, por kjo do të shihet nëse arrijnë fitore në takimin e fundit ndaj Senegalit.

23-vjeçari në përfundim të takimit ka folur edhe për aventurën e tij të re me ekipin e Barcelonës.

“Për mua Barcelona është skuadra më e mirë në botë. Nuk dua të largohem nga “Camp Nou” dhe kurrë nuk kam dashur të bëj diçka të tillë. Më pëlqen ai klub, qyteti, njerëzit dhe shokët e skuadrës... gjithçka”- tha lojtari pas ndeshjes së fituar me polakët.

Mina shtoi më tej se ishte i lumtur shumë për arritjen e fitores dhe mbështetjen që i japin shokët e skuadrës.

“Është e mrekullueshme, sepse gjithnjë më mbështesin dhe këto janë momente gëzimi për mua. Tani jam i qetë. I kam bërë gjërat në mënyrën time më të mirë dhe gjithmonë përpiqem që të përmirësohem për të kapur nivelin tim, e cila është ajo që dua më shumë”- përfundoi ylli i ri i katalanasve. /EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Ky gjest i Maxi Lopez indinjon fansat e Real Madridit

Ti mund ta lexosh kete ne 1 min.
25 Qershor 2018 11:16
Me sa duket, argjentinasi bën tifo për Barçën

Është e sigurt se Maxi Lopez është një tifoz i Barcelonës. Sulmuesi argjentinas ka bërë një gjest që e vërteton këtë. Dhe sigurisht që ka tërbuar tifozët e shumtë të Real Madridit.

Sulmuesit, të cilit i mbaron kontrata me Udinese-n dhe që ka një të kaluar te Barça, ka kaluar disa ditë si turist në Madrid. Sigurisht që në kryeqytetin spanjoll, shtëpi e Realit dhe e Atletico-s ka hasur edhe në një stemë të klubit 13 herë fitues i Ligës së Kampioneve. Siç do të vepronin shumë njerëz, ai ka vendosur të bëjë një foto. Por si rrallë ndonjëherë për një futbollist, ai në foto ka dalë duke i treguar gishtin e mesit logos së “galaktikave”.

Fotoja nuk ishte në profilet e tij në rrjetet sociale, por ajo u gjet dhe u publikua nga e pritshmja spanjolle “AS”. Kjo foto e ish bashkëshortit të Wanda Nara-s, u bë menjëherë virale. Blaugranat e përshëndetën, kurse madrilenët u tërbuan. Fotoja e fundit e Maxi Lopez-it në rrjetet sociale ishte urimi që ai i bëri yllit të Barçës, Lionel Messi që festoi 31 vjetorin. Në foto ishte Maxi Lopez dhe një Leo Messi i ri. /EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Barça nuk heq dorë nga Pjanic, ofron dy lojtarë dhe para

Ti mund ta lexosh kete ne 2 min.
24 Qershor 2018 23:28
Juventusi heziton

Thashethemet për një mbërritje të mundshme të Miralem Pjanic në Barcelonë ndjekin njëri-tjetrin në Spanjë. Sipas faqes sportive “Don Balon”, drejtuesit e Barcelonës po mendojnë të përfshijnë edhe dy mesfushorë të saj për të ulur pretendimet e drejtuesve të Juventusit, që mësohet se kërkojnë 80 milionë euro për boshnjakun. Është folur për Andrè Gomes dhe Lucas Digne, i pari u provua verën e kaluar nga Juventusi, i dyti luajti një vit në Romë. Të dy kanë përfunduar jashtë projektit të trajnerit Ernesto Valverde, i cili do të donte t'i përfshinte ata për të ulur kërkesën në të paktën 50 milionë euro. Një shifër që do të gjykohej e arsyeshme për rëndësinë e lojtarit boshnjak. Juventusi kërkon të përfitojë sa më tepër nga transferimi i Pjanic, për më tepër duke ditur shifrën që Barcelona ishte e gatshme të nënshkruante me sulmuesin francez Antoine Griezmann.

Drejtori ekzekutiv i Juventusit, Giuseppe Marotta deklaroi kohët e fundit se në merkaton e verës do të shiten vetëm ata lojtarë të cilët dëshirojnë të largohen nga klubi, por përjashtoi shitjen e mesfushorit boshnjak Miralem Pjanic. Gjithsesi “Zonja e Vjetër”, në rast se vjen oferta e duhur do të pranojë të shesë 28-vjeçarin që ka shkëlqyer në vitet e fundit. Drejtuesit bardhezinj do të bënin një biznes të mirë, pasi përveç se do të merrnin në këmbim dy lojtarë do të mbushnin edhe arkat e klubit. Në këtë sezon 28-vjeçari ka grumbulluar 31 ndeshje në Serie A, ndërsa ka shënuar edhe 5 gola, ndërkohë në Champions League ka zbritur tetë herë në fushë duke e dërguar vetëm në një takim topin në rrjetë. Pjanic pak kohë më parë mbushi 28 vjeç dhe është nën kontratë me Juven deri në qershor 2021. Ai u bashkua me bardhezinjtë në verën e vitit 2016 kur ata aktivizuan klauzolën e lirimit prej 32 milionë eurosh në kontratën e tij me Romën. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Nuk ndalet Maxi Lopez, gjest i shëmtuar ndaj stemës së Realit

Ti mund ta lexosh kete ne 1 min.
24 Qershor 2018 21:22
Argjentinasi drejt lamtumirës

Maxi Lopez ndodhet në Spanjë dhe në rrjetet sociale i ka dedikuar gishtin e mesit stemës së Real Madridit. Argjentinasi, i cili është 34 vjeç dhe që ka një mesatare golash 0.26 në ndeshje në të gjithë karrierën e tij (11 gola në 421 ndeshje), është miku i Messi-t teksa ka kaluar dy vite në Spanjë (Barcelona dhe Mallorca). Më pas ai u transferua në Rusi, Brazil dhe Itali, në total tetë ekipe. Atij i ka përfunduar kontrata me Udinese-n dhe mund të rikthehet te River Plate për të varur këpucët në gozhdë.

“Jam i qetë sepse sa herë kam luajtur kam dhënë gjithçka për gjithçka”, tha ai kur u largua nga Barcelona në vitin 2006. Maximiliano Lopez me Barcelona-n regjistroi 14 ndeshje në La Liga, tre në Champions League dhe dy në Kupën e Mbretit.

Bilanci i tij i golave të shënuar është reduktuar vit pas viti në Europë apo edhe në Kupë. Në La Liga ai gjatë një viti te Mallorca shënoi vetëm tre gola në 29 ndeshje. Maxi Lopez u transferua te Barcelona për 6.5 milion euro që nga River Plate. Me katalanasit ai regjistroi 19 aktivizime dhe arriti që të shënonte vetëm 1 gol, shifra të varfra për një sulmues. Pasi u aktivizua një sezon në formë huazimi te Mallorca, Barcelona vendosi ta shiste te FC Moska për 2 milion euro. /EDS/

*********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.