Arrihet marrëveshja mes Interit dhe Unitedit për Alexis?

03 Gusht 2020

Interi ka arritur marrëveshje me Manchester Unitedin për transferimin e përhershëm të Alexis Sanchez – raporton Corriere della Sera.

Sipas këtij njoftimi, drejtori i Nerazzurrëve, Giuseppe Marotta, ka arritur marrëveshje me Djajtë e Kuq dhe zyrtarizimi pritet të bëhet pas ndeshjes së Ligës së Evropës kundër Getafes.

Zikaltrit pritet që të paguajnë rreth 15 milionë euro për shërbimet e kiliani, ndërsa – sipas La Gazzetta dello Sport – vet lojtari është pajtuar ta zvogëlojë pagën e majme që merrte te Unitedi dhe do të nënshkruajë kontratë deri në vitin 2023.

(Foto:  Emilio Andreoli/Getty Images/Guliver)

Ish-anësori i Udineses u huazua në Giuseppe Meazza në verën e kaluar duke kontribuuar me katër gola dhe nëntë asistime në 22 ndeshjet e zhvilluara në Serie A.

Ai mungoi në një pjesë të madhe të sezonit si pasojë e lëndimit, mirëpo ishte i përkushtuar prej se u rikthye në muajin qershor. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com