Arsenal shkatërron BATE Borisov

Ti mund ta lexosh kete ne 0 min.
7 Dhjetor 2017 22:59
Arsenal shkatërron BATE Borisov

Arsenal ka shënuar plot 6 herë ndaj BATE Borisov duke e mbyllur në mënyrën më të mirë fazën e grupeve në Europa League.

Golat për vendësit u shënuan Debuchy, Walcott, Wilshere, Polyakov, Giroud dhe Elneny.

Pas kësaj fitoreje, Arsenal kalon mes 32 skuadrave në Europa League si lider i Grupit H me 13 pikë

Në grupin H është kualifikuar edhe Crvena Zvezda pas fitores 1-0 me Koln.

 

Shpërthen Luftëtari: Hienat sulmuan ata që i konsideronin heronj

Ti mund ta lexosh kete ne 2 min.
21 Korrik 2018 12:12

Klubi i Luftëtarit i ka hedhur poshtë të gjitha deklaratat dhe komentet për trukimin në dy ndeshjet e Europa League kundër Ventspils, me letonezët që fituan në total 8-3. Bluzinjtë sqarojnë opinionin sportiv nëpërmjet një komunikate për shtyp se nuk janë bërë kurrë pjesë e pavazreve ndërsa shpërfytyrimin në Evropë e argumentojnë me faktin se nuk kishin eksperiencë në këtë veprimtari dhe për më tepër arbitri ka ndikuar në ndeshjet me Ventspils.

“Deklaratë: Klubi i futbollit Luftëtari ka ndjekur me interes dhe shqetësim ato çka kanë shkruar mediat duke aluduar për trukime, tolerime apo rezultate të paracaktuara. Luftëtari nuk është bërë kurrë pjesë e pazareve apo fiksimeve. Në këtë moment delikat të skuadrës e cila nuk përmbushi pritshmëritë në debutimin e saj europian, të gjithë u sulën si hiena mbi të gjithë ata që deri pak ditë më parë ishin heronj. Kjo është mosmirënjohja e vërtetë ndaj një skuadre që dështoi në një aventurë të paprovuar më parë. Për sa i përket çështjeve teknike është stafi teknik ai që vendos dhe merr vendimet, dhe sigurisht merr meritat ose paguan për dështimet. Për sa i përket atyre që aludojnë për trukime dhe fshihen pas profileve false në rrjete sociale Luftëtari i fton që të paktën të falenderojnë për arritjen e skuadrës në nivele të larta në një kohë kaq të shkurtër. Nëse do analizojmë humbjen të mos harrojmë që në ndeshjen e parë skuadra kishte mungesa titullarësh dhe një arbitrim skandaloz që mohoi gola dhe penallti për skuadrën tonë. Për këtë klubi ka reaguar me një notë proteste të dërguar në UEFA. Të gjithë atyre që mezi presin dështimin e skuadrës për të gjetur fajtorët, i ftojmë të kenë durim sepse Luftëtari është ndërtuar dhe destinuar për të qenë fitues. Faleminderit”, përfundon deklarata e klubit të Luftëtarit. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

 

Presidenti i Federatës së Letonisë akuzon: Kishte veprime të dyshimta

Ti mund ta lexosh kete ne 2 min.
21 Korrik 2018 09:49
Shpërthen Gorkšs

Presidenti i Federatës së Futbollit të Letonisë, Kaspars Gorkšs i ka cilësuar si të dyshimta veprimet e futbollistëve të Luftëtarit në ndeshjen me Ventspils. Gorkšs, i cili ka qenë një mbrojtës beson se bluzinjtë nuk kanë patur motivimin e duhur, ndërsa sqaroi se deri në këto momente nuk ka patur asnjë raport nga UEFA.

“Për momentin, në UEFA nuk është dorëzuar asgjë. Nuk ka dyshim për faktin se ne jemi të gatshëm të bashkëpunojmë me çdo organizatë për të shqyrtuar drejtësinë e lojës, për të shkëmbyer informacion dhe për të inkurajuar përdorimin e sanksioneve të mundshme ndaj atyre që janë përgjegjës”, u shpreh presidenti Kaspars Gorkšs.

Luftëtari-Ventspils – “Nëse unë kam për të shprehur mendimin tim subjektiv, kjo ndeshje dhe sidomos veprimet e lojtarëve të ekipit vendas duken qartë të dyshimta. Për shumë vite kam qenë mbrojtës dhe e di se në disa episode lojtarët sigurisht nuk kanë vepruar si profesionistë. Edhe gjuha e trupit të lojtarëve tregoi mungesë të vetëmotivimit. Nuk është sekret që të diskutosh para ndeshjeve është një goditje e madhe në sportet e sotme, veçanërisht në futboll”.

UEFA – “Deri tani, ne nuk kemi marrë ankesa, parashtresa apo raporte të UEFA-s për ndeshje të dyshimta në kampionatin e Letonisë. Megjithatë, ne mbledhim dhe analizojmë të gjithë informacionin në dispozicion, si dhe mbajmë parasysh zhvillimet e fundit në këtë fushë. Ne ftojmë të gjithë të raportojnë tek federata për çdo veprim që synon manipulimin e rezultateve të ndeshjeve. Çdo informacion mund të jetë i dobishëm dhe do të vihet në veprim në mënyrë që të sillet para drejtësisë”, shtoi ai. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Reagon Ventspils: Nuk mund të komentojmë veprimet e Luftëtarit

Ti mund ta lexosh kete ne 3 min.
21 Korrik 2018 08:51
Thumbojnë letonezët

Ndeshja ndërmjet Luftëtarit dhe Ventspils e cila përfundoi në barazim 3-3 e vlefshme për turin e parë të Europa League ka tërhequr një vëmendje të madhe për shkak se golat dukej sikur shënoheshin me telekomandë. Gjithsesi pavarësisht kometeve të shumta klubi i Ventspils nëpërmjet një postimi në faqen zyrtare, ka hedhur poshtë pretendimet për trukim, duke theksuar se kanë luajtur pastër për të arritur objektivin që kishin.

POSTIMI NË FAQEN ZYRTARE TË VENTSPILS:

Për ne është shumë e pakëndshme që po lexojmë dhe dëgjojmë komentet negative në drejtim të skuadrës sonë pas përfundimit të ndeshjes që zhvilluam në Shqipëri. Ju kujtojmë se ndeshja në Elbasan përfundoi në barazim 3-0. Ndeshja ishte interesante dhe e paparashikueshme. Ishte shumë e hapur nga të dyja skuadrat dhe në minutën e 93-të. Abdullahi Alfa arriti të shënonte duke barazuar shifrat. Ishte një lojë e ashpër dhe kjo shihet te dëmtimi që pësoi lojtari jonë Kaspar Kokin, që u detyrua të largohet nga fusha e blertë. Megjithëse luajtëm me një lojtar më pak, sepse i kishim kryer të 3 zëvendësimet, arritëm të shënonim për të shmangur humbjen. Theksojmë se nuk mund të komentojmë veprimet që mund të ketë kryer Luftëtari, por për ne është e papranueshme që pas kësaj ndeshjes, Ventspils është përmendur në komente të ndryshme negative. Ndoshta nuk do t’i kushtojmë vëmendje, por në prag të takimit me Bordeaux, ne jemi të habitur që në vend të gëzimit dhe kualifikimit të merituar, skuadra merr komente qesharake, të cilat ndikojnë në emrin e klubit tonë. Në këtë drejtim, ne dëshirojmë të theksojmë disa pika të rëndësishme të ndeshjes në Elbasan, të cilat ne i konsiderojmë si parimore:

VENTSPIL

1- Ventspils me besim arriti në raundin e ardhshëm të Europa League dhe arriti të kalonte turin e parë, gjë të cilën asnjë skuadër letoneze nuk e kishte bërë më parë.

2- Ventspils nuk angazhohet në ndonjë çështje të kompanive të basteve dhe nuk merr pjesë në çështje që në një mënyrë apo tjetrën lidhen me lotari dhe gjëra të tjera të ngjashme.

3- Personat të cilët nuk kanë parë ndeshjen dhe kërkojnë të dinë pse u zgjat aq shumë, themi se takimi u ndërpre pasi gjyqtari kryesor pësoi një dëmtim dhe u detyrua të lërë vendin e tij, ku u zëvendësua nga gjyqtari i katërt. Ndeshja u vonua me 12 minuta, gjë kjo e shënuar edhe në procesverbalin e takimin.

4- Në përfundim të pjesës së parë, Ventspils shënoi dy gola me Adeleke Akinemi, gjë që mbylli përfundimisht diskutimin se cili ekip do kualifikohej. Më pas pamë një lojë të fortë nga Luftëtari në pjesën e dytë. Ne nuk kemi qenë dhe nuk do jemi kurrë kundër lojës së ashpër, por jo deri në atë nivel sa nuk mund të pranohet. Në disa raste, Luftëtari dëmtoi lojtarët tanë dhe lojtari Kaspar Kokin iu desh të linte fushën e lojës pasi u dëmtua rëndë. Raste të ngjashme kanë ndodhur edhe me lojtarë të tjerë Toshina, Mamaha, Neziri. Ne nuk duam të largohemi nga beteja e vërtetë, por duke parë veprime agresive, ne mund të humbasim lojtarët tani, gjë që do na ndihmonte edhe si ekip. Në pjesën e dytë u përpoqëm të luajmë qetësisht dhe shmangëm ndërhyrjet.

5- Ventspils kurrë nuk kërkon që të humbasë dhe diçka të tillë e treguam edhe kur rezultati ishte 3-2. Edhe pse rezultati i përgjithshëm i sfidës shënonte 7-3, ne nuk u dorëzuam dhe treguam dëshirën për të mos humbur takimin dhe barazuam ndeshjen. Nuk e kuptojmë, pse duhet të ketë diçka tjetër në këtë ndeshje?”. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Luftëtari mëkatoi, tradhëtoi ata që kurrë nuk e harruan... (VIDEO)

Ti mund ta lexosh kete ne 2 min.
20 Korrik 2018 11:01
Shpërthejnë tifozët

Luftëtari zhvilloi një sezon të shkëlqyer në fushatën 2017-2018 në Kategorinë Superiore ku arriti të sigurojë me meritë kualifikimin në Europa League, një arritje historike për këtë klub. Të gjithë ishin të ekzaltuar për këtë sukses dhe në Evropë pritej të shihej një Luftëtar dinjitoz, që do të impenjohej për të shfaqur më të mirën. Por nuk ndodhi kështu, madje më keq dhe sinjalet bluzinjtë i dhanë që një javë më parë në Letoni ku u shpërfytyruan nga Ventspils (5-0). Një rezultat i turpshëm për një ekip që bëri një sezon mjaft të mirë në Superiore dhe për më tepër kishte në gjirin e tij disa lojtarë me vlera të mëdha. Gjithsesi për humbjen e parë ekipi nuk mund të gjykohet për faktin e vetëm se ndeshja nuk është transmetuar në Shqipëri dhe nuk është ndjekur. Por nuk mund të thuhet e njëjta gjë për takimin e kthimit që u zhvillua pasditen e së enjtes në “Elbasan Arena”, ku bluzinjtë barazuan 3-3, por ajo që bie në sy është se pësojnë gola qesharakë.

Pa mbaruar mirë takimi, tifozët filluan me komente negative kundër ekipit të zemrës, ndërsa një pjesë e tyre e cilësuan ndeshjen edhe si të shitur. Disa muaj më parë të gjithë ishin krenarë dhe mburreshin me atë që Lufëtari arriti në kampionat, por sot janë të gjithë kundër. Madje edhe tifozët, ata që nuk e kanë braktisur kurrë. Ndaj Ventspils nuk humbën tifozët dhe sportdashësit, por vetë klubi i Luftëtarit, i cili zhgënjeu lojtarin e 12-të. Tifozët më besnikë tani ndihen të tradhtuar, të fyer, të poshtëruar nga veprimet apo mosveprimet e futbollistëve në fushë. Në përfundim të takimit presidenti Grigor Tava refuzoi të jepte një koment për performancën e ekipit në fushë, por me veten ishte i sigurt se në fushë nuk ka parë futboll, por teatër. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.