Arsenali kalon në gjysmëfinale të FA Cup në fitoren ndaj Sheffieldit

28 Qershor 2020

Arsenali ka kaluar në gjysmëfinale të FA Cup me fitoren 2-1 kundër Sheffield United.

Vendasit e filluan mjaftë mirë takimin duke shënuar qysh në minutën e tetë me anë të John Lundstram, mirëpo ajo u anuluar për pozitë jashtë loje nga VAR.

Arsenali filloi të këndellej dhe arriti të shënonte golin e vetëm të pjesës së parë në minutën e 25-të me anë të Nikolas Pepe.

Sheffield United – Arsenal (Foto” Oli Scarff/Pool via Getty Images/Guliver)

Pjesa e parë përfundoi me këtë gol, ndërsa në të dytën u shënuan edhe dy të tjera.

Si në 45 minutat e parë, edhe në të dytën, Sheffieldi kishte një gol të anuluar nga VAR në minutën e 60-të për shkak të pozitës jashtë loje.

Por, vendasit nuk u dorëzuan aq lehtë dhe arritën t’i barazonin shifrat me golin e shënuar nga David McGoldrick (87’).

Skuadra që udhëhiqet nga Mikel Arteta arriti që në sekondat e fundit të takimit të shënonte golin e epërsisë për herë të dytë me anë të Dani Ceballos (90’+1). /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com