Babai i Neymarit i jep fund spekulimeve: Lojtari do të qëndrojë te PSG-ja

12 Prill 2019
Babai i Neymarit i jep fund spekulimeve: Lojtari do të qëndrojë te PSG-ja

Neymar Jr. gjithnjë e më tepër po spekulohet se do t’i bashkohet skuadrës së Real Madridit.

Futbollisti brazilian që u transferua për 222 milionë euro nga Barcelona te PSG-së, duket se do t’i mbetet besnik kontratës me parisienët.

Kështu së paku ka thënë babai i lojtarit, Neymar Sr., i cili nuk e sheh të birin në fanellën e ndonjë ekipi tjetër për momentin.

“Kontrata është e gjatë me PSG-në”, tha ai për RMC Sport. “Ne jemi vetëm në sezonin e dytë dhe nuk ka përfunduar akoma. Këto zëra për një largim do të ekzistojnë gjithmonë”.

“Neymari ka treguar dëshirën se do të shkojë në PSG para dy vjetëve, kështu që tifozët mund të flenë lehtë. Ai nuk dëshiron të largohet dhe kërkon të fitoj tituj me parisienët”, pohoi braziliani.

Ndryshe, lojtari këtë sezon ka shënuar 20 gola në 23 ndeshje në të gjitha garat për PSG-në. /Telegrafi/

www.telegrafi.com