Barcelona e hapur për ofertat në drejtim të Coutinhos

09 Shkurt 2019
Barcelona e hapur për ofertat në drejtim të Coutinhos

Klubi spanjoll, Barcelona thuhet se është gati të dëgjojë ofertat që vijnë në drejtim të yllit brazilian, Philipe Coutinho.

Coutinho u nënshkrua vetëm një vit më parë nga Liverpooli për një shifër të raportuar prej 145 milionë eurosh.

Megjithatë, ylli brazilian nuk ka qenë në formë të mirë për ekipin katalunas në gjysmën e sezonit të kaluar dhe deri më tani në këtë sezon.

Lexo po ashtu: Në Spanjë po e shohin si dështim, lëndimi i Dembeles shihet si një mundësi për Coutinhon

Paraqitjet e luhatshme dhe forma jo e mirë thuhet se kanë bërë Barcelonën të mendojë të ardhmen e tij.

Coutinho nuk ka bindur ende drejtuesit e Barcelonës (Getty Images)

Sipas gazetës spanjolle Marca, Barcelona është e hapur për të dëgjuar ofertat për Coutinhon vetëm një vit pas nënshkrimit të tij.

Skuadrat e interesuara për yllin brazilian nuk mungojnë dhe ato vijnë kryesisht nga kampionati anglez, Liga Premier.

Lexo po ashtu: Chelsea rivalizon Unitedin për Coutinhon, Blutë kanë gati ofertën

Manchester Unitedi dhe Chelsea raportohet se janë duke shikuar situatën e brazilianit dhe është njëri nga objektivat e tyre të verës.

Marca shton se Blaugranët mund ta lënë të lirë lojtarin të largohet nëse vjen një ofertë e përafërt me tarifën që kanë paguar një vit më parë. /Telegrafi/

www.telegrafi.com