Bayern Munich do të bëjë ofertë për Wengerin

07 Nëntor 2019

Klubi i madh gjerman, Bayern Munichu është vendosur të bëjë një ofertë kontrate për trajnerin francez, Arsene Wenger.

Bavarezët kanë vendosur të shkarkojnë trajnerin kroat, Niko Kovac, shkaku i rezultateve të dobëta dhe Wenger shihet si pasuesi i tij më i mundshëm.

Sipas mediumit britanik The Sun, Wenger raportohet se do t’i ofrohet puna e trajnerit të Bayerni për pjesën e mbetur të sezonit.

Lexo po ashtu: Wenger, favorit për të marr detyrën e trajnerit te Bayerni

70-vjeçari kuptohet se është i hapur për të marrë vendin e punës, pasi ka dalë jashtë menaxhimit të klubeve që kur la Topçinjtë në vitin 2018.

Arsene Wenger (Foto: Getty Images/Guliver)

Wenger është i vendosur për diskutime me kryetarin e Bayernit, Karl-Heinz Rummenigge, me gjigantët gjermanë të gatshëm t’i ofrojnë atij një marrëveshje afatshkurtër.

Ai gjithashtu do të kishte mundësinë të kërkojë për një pozicion të përhershëm, me Bayernin e vendosur të vendosë nëse do t’i ofrojë Wengerit një kontratë më të gjatë, gjatë verës, ose të vendos për një trajner të ri. /Telegrafi/

www.telegrafi.com