Bayern Munich mbyll sezonin në Bundesliga me fitore bindëse ndaj Wolfsburgut

27 Qershor 2020

Bayern Munich ka fituar 4-0 në udhëtim te Wolfsburgu në kuadër të javës së 34-të në Bundesliga, e që është xhiroja e fundit për këtë edicion.

Pas vetëm katër minutash lojë, Kingsley Coman kaloi Bavarezët në epërsi me një asistim të Thomas Muller.

Bayerni vazhdoi me këtë presion të lartë edhe në minuta në vazhdim duke arritur të dyfishonte epërsinë me anë të Mickael Cuisance (37’) që u asistua nga Coman.

Wolfsburg – Bayern Munich (Foto: Stuart Franklin/Getty Images/Guliver)

Pjesa e parë përfundoi me këto dy gola, ndërsa në të dytën u shënuar edhe dy të tjera.

Ishte minuta e 70-të kur Bavarezët fituan një penallti të cilën në gol e konvertoi Robert Lewandowski.

Shtatë minuta më vonë, Thomas Muller (79’), e shënoi golin e katërt për Bayernin, e që ishte edhe i fundit për këtë edicion për skuadrën e drejtuar nga Hansi Flick.

Wolfsburg – Bayern Munich (Foto: Stuart Franklin/Getty Images/Guliver)

Bayern Munich u shpallë kampion i Bundesligës për të tetën herë me radhë dy xhiro më parë, derisa këtë edicion e mbylli me 82 pikë.

Bavarezët tani do të përballen me Bayer Leverkusenin në finale të DFB Pokal dhe po ashtu do të zhvillojnë ndeshjet e dytë me Chelsean në Ligën e Kampionëve më 7 gusht, gjersa takimin e parë në Stamford Bridge e kishin fituar 3-0. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com