Bayerni i konkurron Arsenalit për Nicolas Pepe

19 Mars 2019

Nicolas Pepe vazhdon të shkëlqejë me skuadrën e Lille në Ligue 1 të Francës, ashtu që ka tërhequr interesimin e shumë klubeve të mëdha evropiane.

Lojtari nga Bregu i Fildishtë ka treguar së fundmi se verën e kaluar refuzoi një kalim te skuadra e Lyonit. Vendimi i 23-vjeçarit për të qëndruar edhe një sezon me skuadrën e Lille, duket se ka qenë i duhuri, pasi tashmë është kthyer në shënjestrën e ekipeve më të mëdha të Evropës.

Nicolas Pepe (Foto: Carlos Rodrigues/Getty Images/Guliver)

Sulmuesi, i cili ka shënuar 18 gola në 29 takime në këtë sezon, ndiqet me shumë interes nga Arsenali, por edhe nga Bayerni Munichu – transmeton KP.

Pepe ka një kontratë që përfundon në verën e vitit 2022, ndërkohë që vlera e tij llogaritet afro 40 milionë euro.

Lexo po ashtu: Të gjitha lajmet nga Nicolas Pepe

Të dy këto klube do të bëjnë një garë të ashpër gjatë verës për ta bindur Pepen që të veshë fanellën e tyre.

www.telegrafi.com