Bayerni përgatitet për revolucion në mesfushë, gati ofertat për dy mesfushorët francezë

13 Korrik 2020

Bayern Munich pritet të ndryshojë shumë për edicionin e ardhshëm.

Kampioni i Gjermanisë do të bëjë revolucion në skuadër ku reparti i mesfushës pritet të ndryshojë më së shumti.

Thiago Alcantara, Javi Martinez dhe Corentin Tolisso janë tre emrat e parë që do të largohen nga bavarezët.

Bayern tanimë kanë nënshkruar me talentin francez Tanguy Kouassi nga PSG, por edhe dy prurje të reja priten në repartin e mesfushës.

Tanguy Ndombele. (Photo by Dan Istitene/Getty Images)

Mediat franceze dhe ato gjermane kanë raportuar se Bayern është duke përgatitur dy oferta për mesfushorët francezë Tanguy Ndombele i Tottenham Hotspur dhe Tiemoue Bakayoko i Chelseat, që edicionin e kaluar ishte i huazuar te Monaco.

Sa i përket Ndombeles, Bayern po e kërkon francezin si huazim nga Spurs, por me mundësi blerje në verën e vitit 2021.

Bayern është gati ta paguajë pagën e plotë të tij, ndërsa duan opsionin e blerjes prej 50 milionë euro.

Tiemoue Bakayoko. (Photo by Stuart Franklin/Getty Images)

Lojtari tjetër që kërkohet nga Bayern, Bakayoko nuk është në planet e Chelseat dhe bavarezët e kanë më të lehtë angazhimin e tij.

Për Bakayokon, Bayern ka përgatitur një ofertë prej 30 milionë eurove, ofertë që pritet ta kënaq gjigantin anglez për ta lënë të lirë lojtarin. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com