Bën gjestin e famshëm të prangave, më pas pendohet: Gabim i madh/VIDEO

Ti mund ta lexosh kete ne 2 min.
28 Janar 2018 22:36
Mbrojtësi i Chievos imiton Mourinho-n dhe ndëshkohet me të kuq. Pendohet dhe kërkon falje

Mbrojtësi italian, Fabrizio Cacciatore bën “mea culpa” një ditë pasi bëri gjestin e famshëm të prangave (që e kishte bërë Jose Mourinho vite më parë duke ndezur polemika), që i kushtoi kartonin e kuq në sfidën ndaj Juventusit, duke lënë Chievon me 9 lojtarë në fushë: “Kërkoj falje publikisht për gjestin, ishte një gabim i madh... – shkruan ai në Instagram. – U kërkoj falje shokëve, trajnerit, klubit, tifozëve tanë dhe dashamirësve të futbollit. Sigurisht është një gjest i gabuar, që nuk duhet ta kisha bërë, një shembull që një profesionist nuk duhet të japë”.

Më tej, italiani ka theksuar: “Më vjen keq që vura në vështirësi shokët e mi, të cilët po luftonin nga minuta e parë e deri në të fundit... Reagimi im ishte një shfryrje impulsive dhe me të drejtë e pagova...Kërkoj falje...”./EDS/

E kërkon Barcelona, ylli i Interit i përgjigjet katalanasve

Ti mund ta lexosh kete ne 1 min.
23 Maj 2018 23:18

Mbrojtësi Milan Skriniar i ka thënë portalit sllovak “Profutbal” se ai nuk ka ndërmend të largohet nga Interi dhe ka zbuluar se dëshiron të mbetet në Milano. Qendërmbrojtësi ishte i lidhur me gjigandët spanjollë të Barcelona dhe Manchester United përpara dritares së transferimit të kësaj vere, por dëshira e tij është të qëndrojë me zikaltirti. Skriniar është i lumtur që Interi u kualifikua për Ligën e Kampionëve në sezonin e ardhshëm. "Unë nuk u shqetësova për thashethemet në merkato, qëllimi ishte të kualifikoheshim në Ligën e Kampionëve me Interin. Jam i lumtur në Milano, nuk kam folur për të ardhmen, Milan dëshiron të mbetet në Milan", tha Skriniar.

 

23-vjeçari ka bërë një sezon fantastik me Interin, teksa me performancat e tij ka tërhequr vëmendjen e klubeve më të mëdha në Evropë si: Barcelona dhe Man United. "Ndërsa unë jam i lumtur me shfaqjet e ekipit, ata janë gjithashtu të lumtur për mua. Dua të përmirësohem çdo vit dhe të luaj sa më shumë ndeshje të jetë e mundur. Unë arrita të futem në formacionin fillestar të Interit që nga fillimi i sezonit dhe jam i mahnitur. Pastaj u përpoqa të konsolidoj pozicionin tim, duke ofruar ndeshje më të mira dhe duke rritur nivelin tim. Unë mendoj se do të përmirësohet përsëri vitin e ardhshëm", u shpreh Skriniar, që në edicionin e ri duket se do të përfaqësojë Interin e Spalletti-t në Champions League. /EDS/


***********************************
Ndalohet ribotimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

E papritur! Për Milanin ka një opsion të ri për t'i shpëtuar dënimit

Ti mund ta lexosh kete ne 1 min.
23 Maj 2018 21:29

Dje Milani ka marrë një goditje të madhe, pasi UEFA ka vendosur të rrëzojë planin e rifinancimit që kishin paraqitur drejtuesit kuqezinj, dhe në këtë mënyrë kuqezinjtë duhet të dalin para komisioneve të saj për të marrë masa administrative si pasojë e shkeljeve të rregullave të “Fair Play Financiar”.

Dhe për këtë arsye sot në media po qarkullon hipoteza se fondi “Elliott Management Corporation”, ata që i kanë dhënë drejtuesve kuqezinj dhe “Rossoneri Sport Investments Luxembourg” në pronësi të Yonghong Li, një kredi prej 303 milion eurosh plus interesa, në mënyrë që të sigurojë borxhin, mund të vendosë të marrë ekipin e Milanit dhe më pas ta vendosë atë në shitje, një mënyrë ndryshe për të fituar para, duke i garantuar në këtë mënyrë klubit më në fund një shoqëri serioze dhe siguri financiare.

Ky lajm është publikuar në edicionin e sotëm të gazetës 'Milano Finanza', ku është shpjeguar se në rast se Milani përfundon në duart e “Elliott Management Corporation”, për t’u rishitur më vonë për një shifër rreth 400 deri në 500 milionë euro, atëherë në skenë mund të dalë një grup financiar, e gatshme të blejë klubin e Via Aldo Rossi, grup që përbëhet nga emra të mëdhenj dhe serioz bankar, si për shembull Goldman Sachs dhe Stephen Ross, që aktualisht ka në pronësi Miami Dolphins, një ekip futbollit që militon në National Football League. /EDS/

***********************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Lidhje me Ndrangheta-n, ish-kampioni i botës rrezikon 6 vjet burg

Ti mund ta lexosh kete ne 2 min.
23 Maj 2018 17:30

Kampioni i Botës me Italinë, Vincenzo Iaquinta, rrezikon të përfundojë pas hekurave për 6 vjet, pasi akuzohet për lidhje me organizatën kriminale italiane, Ndrangheta. Akuza kryesore ndaj tij është se ka ruajtur armë që i përkisnin grupit criminal, por edhe falsifikim dokumentesh fiskalë, fajde, marrje parashë me anë të shantazhit dhe mashtrim.

Emri i ish-sulmuesit të Juventus është përfshirë në një listë me 147 vetë të arrestuar, mes tyre edhe babai i tij, i cili rrezikon deri në 19 vjet burgim. Sipas pretendimeve të prokuorëve, 38-vjeçari është përfshirë në këtë histori që prej periudhës kur luante vetë, pasi është me origjinë nga Kalabria, krahina bazë e Ndrangheta-s, një prej katër organizatave kriminale kryesore në Itali.

Sulmuesi bëri emër në futboll kur luante te Udineze, me të cilën arriti të kualifikohej edhe në Champions League në sezonin 2004-2005. Falë paraqitjeve të tij në fushë arriti të siguronte edhe një vend në kombëtaren e Italisë që luajti dhe fitoi Kupën e Botës 2006, duke shënuar edhe një gol kkundër Ganës në ndeshjet në grupe. Në vitin 2007 ai nënshkroi një kontratë me Juventus-in, por dëmtimet ia vështirësuan karrierën në Torino dhe nuk pati impaktin që të gjithë prisnin. Deri në sezonin 2011-2012 ai luajti te Cesena.

Dy ditë më parë, tre futbollistë të tjerë që luajnë në kampionatin italian u përfshin në hetime për lidhjet e tyre me grupet kriminale. Pepe Reina, Paolo Cannavaro dhe dhe Salvatore Aronica akuzohen se kanë shkëmbyer favore me persona të inkriminuar që i përkasin Camorra-s, grupit të tipit mafioz që vepron në zonën e Napolit.

Tradicionalisht, në jug të Italisë, grupet kriminale kanë organizuar territoret ku dominojnë. Kështu, ndërsa Mafia, më e famshmja prej tyre, vepron në ishullin e Siçilisë, Ndrangheta është e shtrirë në Kalabri, Camorra në Napoli ndërsa Sacra Corona Unita në Pulia. /EDS/

****************

Ndalohet ribotimi apo kopjimi i këtij artikulli pa lejen me shkrim nga eduasportin.com apo edhe riprodhimi i lajmit pa autorizimin tonë. Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Nga Strakosha te Cutrone, një formacion yjesh në Serie A

Ti mund ta lexosh kete ne 4 min.
23 Maj 2018 16:41

Referuar paraqitjeve të bërë këtë sezon në Seria A, Opta Sports ka përzgjedhur lojtarët më të mirë Under 23 dhe në formacionin më të mirë zë vend edhe portieri Thomas Strakosha i Lazio-s. I dominuar nga milanistë, “gardiani” i Shqipërisë, i cili në mars ka mbushur 23 vjeç është mes shtyllave. I përzgjedhur është edhe mesfushori Milinkovic-Savic, shoku i tij i skuadrës. Strakosha këtë sezon nuk ka humbur asnjë ndeshje me Lazio-n, duke i luajtur të gjitha në Serie A. Në 38 ndeshje ai ka pësuar 49 gola, por është një nga portierët që ka bërë më së shumti pritje, ndaj edhe Opta, që analizon të dhënat, e ka bërë pjesë e formacionet më të mirë.

MILENKOVIC (FIORENTINA) – Mbrojtësi i djathtë i Fiorentina-s është vetëm 20 vjeç. Mbi 190 centimetra i gjatë, derbi këtë sezon është aktivizuar në 16 ndeshje (14 titullar) dhe është ndëshkuar me një karton të verdhë dhe një të kuq. Nikola u ble në verë për rreth 5 milionë euro nga Partizan Beograd.

SKRINIAR (INTER) – Milan, jo klubi, ka bërë një sezon super te zikaltrit, çka ka bërë që për të të ketë oferta të shumta. Ashtu si Strakosha, edhe ai nuk ka humbur asnjë ndeshje në Serie A këtë sezon, duke i luajtur të gjitha ndeshjet e plota. Në 38 ndeshje ai numëron edhe 4 gola të realizuar. Sllovaku u ble nga Sampdoria për 23 milionë euro dhe i ka justifikuar.

ROMAGNOLI (MILAN) – Mbrojtësi i ka mbushur në janar 23 vjeç dhe ndeshjet e fundit me kuqezinjtë i humbi për shkak të një dëmtimi. Është një nga mbrojtësit më premtues të Italisë dhe paraqitjet me Milanin kanë qenë në nivel të lartë. Alessio mbylli sezonin e tretë me Milanin dhe këtë vit luajti n 28 takime, duke shënuar edhe dy gola.

CALABRIA (MILAN) – Është një produkt i moshave dhe te kuqezinjtë këtë sezon ka luajtur në 21 ndeshje. Davide luan në të dy krahët e mbrojtjes dhe është nga më të spikaturit. Calabria në dhjetor mbush 22 vjec. Këtë sezon ai kë shënuar një gol kundër Romës.

MILINKOVIC SAVIC (LAZIO) – mesfushori serb, i cili në shtator bën 24 vjeç, është ndër më të mirët në Seria A. Anësori po kërkohet me ngulm nga klubet më të mëdha në botë, pasi këtë sezon ka arritur të bëjë një kampionat shumë të mirë, madje ka shënuar edhe 12 gola. Çmimi tij? Më shumë se 100 milionë euro.

TORREIRA (SAMPDORIA) – Shtatshkurtri uruguian mbylli një kampionat mjaft të mirë në Genoa. Mesfushori qendror ka luajtur në 36 takime dhe ka gjetur rrugën e rrjetës 4 herë. Në të shkuarën ka qenë pjesë e skuadrës së Pescara, ndërkohë që ndryshe nga vjet ka përmirësuar shënjestrën para portës.

PELLEGRINI (ROMA) – Vjet bëri një sezon mjaft të mirë me Sassuolo-n dhe Roma vendosi të aktivizonte klauzolën për ta blerë. Mesfushorin 21-vjeçar e kërkonin Milan, Inter dhe shumë klube të tjera. Këtë sezon në Serie A ka luajtur në 28 takime (22 titullar) dhe ka shënuar tre gola në kampionat.

UNDER (ROMA) - Turku i blerë nga Basaksehir për rreth 14 milionë euro, ka bërë që në Romë të dashurohen me të. Ai ka arritur të shënojë shtatë gola dhe 15 herë ka luajtur si titullar. Gjithsesj ka zbritur në fushë në kampionat në 26 takime. Under ka arritur të shënojë edhe një gol në Champions kundër Shakhtar Donetsk.

KOWNACKI (SAMPDORIA) – Sulmuesi polak nuk është se ka pasur shumë hapësira, pasi vetëm 6 ndeshje nga 22 që ka luajtur i ka nisur nga fillimi. Gjithsesi ai ka qenë mjaft efektiv, duke arritur të shënojë pesë gola. Dawid, i cili mbushi në mars 21 vjeç, në të shkuarën ka qenë pjesë e Lech Poznan.

CUTRONE (MILAN) – Kishte debutuar vjet, ndërkohë që këtë sezon i ka mahnitur të gjithë. Parashikohej të luante gradualisht nga pak, por arriti të aktivizohet në 17 takime si titullar. I konsideruar si një pasues i Inzaghi-t, sulmuesi 20-vjeçar Patrick Cutrone ka shkuar 10 herë te goli dhe tanimë po i bëjnë gati kontratën e re. Një zbulim. /EDS/

*****************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.