Buffon ndërron fanellën me djalin e Maldinit: Nuk pensionohem, po pres nipat e legjendave

14 Shkurt 2020

Gianluigi Buffon ka ndërruar fanellën me djalin e legjendës së Milanit, Paolo Maldini, Daniel, duke ia shtuar vetes edhe një fanellë në koleksionin e tij.

Portieri italian vazhdon të luajë me Juventusin edhe pse ka mbushur plot 42 vite.

Ai ishte titullar në ndeshjen e parë gjysmëfinale të Kupës së Italisë, në të cilën Juventusi barazoi 1-1 me Milanin në San Siro.

Lexo po ashtu: Nga Buffon deri te Ronaldo – formacioni me lojtarët më të mirë të moshës mbi 35 vjeç që ende vazhdojnë të luajnë

Pas ndeshjes, italiani kishte ndërruar fanellën me Daniel Maldinin, djalin e legjendës italiane dhe të Milanit, Paolon.

Në konferencë pas ndeshjes, Buffon tregoi se koleksionit të tij i kishte shtuar edhe një fanellë, ndërsa krijoi të qeshura me fjalët e tij.

Buffon tregoi se tashmë ka ndërruar fanellat me katër legjenda dhe djemtë e tyre, ndërsa po pret nipërit para se të pensionohet.

Lexo po ashtu: Milan 1-1 Juventus, notat e lojtarëve

“Në koleksionin tim kam fanellat e Enrico Chiesas dhe djalit të tij (Federico), George Weah dhe djalit të tij (Timothy), Lilian Thuram dhe djalit të tij (Marcus) dhe tani Paolo Maldini dhe djalin e tij”.

“Tani po pres nipërit e mbesat e tyre!”, ka thënë Buffon pas ndeshjes. /Telegrafi/

Buffon after being given Daniel Maldini’s shirt by father Paolo Maldini… “In my collection I have Chiesa and son, Thuram and son, Weah and son, and now Maldini and son. I’m waiting for their grandchildren” pic.twitter.com/jQ0sVd4npb

— ForzaItalianFootball (@SerieAFFC) February 13, 2020

www.telegrafi.com