Bundesliga hap dyert e stadiumeve për sezonin e ri, ndeshja Bayern-Schalke luhet me tifozë

16 Shtator 2020

Bundesliga është gati të rihapë stadiumet për tifozët duke nisur nga ndeshja e parë e sezonit të ri Bayern Munich-Schalke, që do të luhet të premten në mbrëmje. Sipas “Kicker”, qeveria gjermane ka hartuar një rregullore të njëjtë që do të rikthejë publikun në stadiume në vetëm 20% të kapacitetit të secilit impiant. Po ashtu, duke qëndruar në atë që raporton prestigjozja gjermane, kjo do të vlejë si një periudhë prove vetëm për gjashtë javët e para.

Fans Von Hansa Rostock

Më pas, situata do të rivlerësohet në fund të tetorit. Gjatë kësaj periudhe do të vlerësohet nëse do të ketë ose jo ndikim në përhapjen e infeksionit të Covid-19. Disa Lande kishin lejuar tifozët në stadium në mënyrë të pavarur për ndeshjet e Kupës. Pamjet e 7500 tifozëve pa asnjë masë mbrojtëse në sfidën mes Hansa Rostock dhe Shtutgart bënë xhiron e botës. Por duke nisur nga e premtja numri i të pranishëmve do të jetë vetëm sa 1/5 e kapaciteteve të stadiumeve.
(balkanweb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
www.balkanweb.com