Challandes: Serie A ideale për Rashicën, e kam pritur rritjen e Rrahmanit

26 Maj 2020

Bernard Challandes ka qenë gjithmonë i bindur se disa prej futbollistëve që drejton te Kosova do të bënin emër në skuadra të mëdha dhe ndër ta janë edhe Amir Rrahmani dhe Milot Rashica.

Rrahmanit ka kaluar te Napoli dhe do të bashkohet me ta pas këtij edicioni, ndërsa edhe Rashica pritet të bëhet me një klub të madh.

Në një intervistë për “Radio Marte”, Challandes ka folur për të dy lojtarët dhe suksesin që pret prej tyre.

“Nuk jam çuditur që Rrahmani ka shkuar te Napoli, është një lojtar shumë i mirë dhe është rritur shumë duke luajtur ndeshje të mëdha ndërkombëtare, më parë me Dinamo Zagreb e më pas me Veronën dhe Kombëtaren tonë”.

“Napoli ka bërë një blerje inteligjente për raportin cilësi-çmim, duke siguruar një lojtar të mirë me një vlerë të ulët. Cilësi më të mirë ka mbulimin, por është edhe i aftë të ndërtojë aksionin nga mbrapa”.

“Është i aftë edhe në goditjet e dënimit në fazën ofensive, mund të shënojë 3-4 gola në sezon. Ka që tani nivelin për të qenë një titullar atje, është inteligjent dhe i përgatitur taktikisht, me Veronën luan me tre, por nuk do të ketë probleme të kalojë te mbrojtja me katër. Te Napoli mund të bëhet i rëndësishëm menjëherë”, ka thënë ai për mediumin italian.

Challandes më pas u ndal te Rashica që shihet gjithnjë e më pranë napolitanëve.

“Është një sulmues i fortë dhe i shpejtë, por sidomos punon shumë për skuadrën edhe në fazën mbrojtëse. Me Werderin ka vështirësi pasi për momentin luan në mënyrë mbrojtëse si skuadër, duke parë krizën, por në një ekip që luan mirë futboll mund të tregojë të gjithë vlerën e tij”.

“Mendoj se pas këtij sezoni do të ketë oferta dhe Italia është një destinacion ideal. Nuk kam lajme rreth ofertës së Napolit, por nuk do të çuditesha nëse do të ekzistonte një e tillë”.

“Ai ka aftësitë për të shënuar dhe të bëjë të shënojë, siç duhet në Serinë A”, ka thënë përzgjedhësi i Kosovës. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com