Chelsea dhe Atletico duelojnë për mbrojtësin gjerman Ginter

02 Gusht 2020

Matthias Ginter pritet të bëjë hapin e madh në karrierë, pasi është afër largimit nga Borussia Moenchegladbach.

Mbrojtësi gjerman ka shkëlqyer në dy vitet e fundit, teksa për të tani ka interesim nga skuadrat e mëdha.

Mediat gjermane kanë raportuar se Atletico Madrid dhe Chelsea janë dy skuadrat që duan me çdo kusht transferimin e Ginter.

26-vjeçari falë paraqitjeve të mira është bërë ndër lojtarët kryesorë tek Kombëtarja e Gjermanisë dhe çmimi i tij është rritur ndjeshëm.

Matthias Ginter. (Photo by Alex Grimm/Getty Images)

Ginter këtë edicion është paraqitur në 36 ndeshje zyrtare, teksa ka shënuar një gol e ka bërë dy asistime.

Qendërmbrojtësi shtatlartë vlerësohet rreth 40 milionë euro nga Gladbach, para që nuk përbëjnë problem për dy ekipet si Chelsea e Atletico Madrid.

Vet lojtari ka shprehur dëshirën për t’iu bashkuar një skuadrës më të madhe, ndërsa po pret tani lëvizjen e dy ekipeve për të.

Gjithnjë sipas medieve gjermane, dy gjigantët evropianë gjatë ditëve në vijim pritet të dalin me oferta zyrtare për transferimin e Ginter. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com