City i hakmerret Tottenhamit dhe me fitore rikthen pozitën e parë në Ligën Premier

20 Prill 2019

Manchester City ka fituar me rezultat minimal 1-0 ndaj Tottenham Hotspur në ndeshjen e vlefshme për javën e 35-të në Ligën Premier.

Qytetarët i janë hakmerr pas vetëm tri ditëve Spursave, pas asaj humbje që ia shkaktuan në çerekfinale të Ligës së Kampionëve.

Pjesa e parë e ndeshjes u karakterizua me dominim të vendasve, të cilët përveç shumë rasteve të krijuara arritën të gjejnë edhe golin.

Goli erdhi pas vetëm pesë minutave lojë dhe ishte i riu Phil Foden, i cili shënoi nga afërsia për 1-0 pas asistimit të Sergio Agueros.

Festa e Foden pas golit të shënuar (Foto: Shaun Botterill/Getty Images/Guliver)

City provoi përsëri me Foden (23′) dhe Bernardo Silva (33′), por pa arritur të tundin rrjetën.

Në pjesën e dytë, përsëri City e tha fjalën e tyre duke dominuar dhe duke rrezikuar pas vetëm katër minutave me Agueron, por goditja e tij u bllokua.

Vendasit provuan edhe me Foden (50′) dhe Leroy Sane (69′), por shifrat mbeten të pandryshuara dhe City u mjaftua me një fitore minimale 1-0.

City ka rikthyer pozitën e parë me këtë fitore (Foto: Shaun Botterill/Getty Images/Guliver)

Pas kësaj fitore, City rikthen pozitën e parë me 86 pikë apo një më shumë se Liverpooli në vendin e dytë, ndërsa Tottenhami renditet i treti me 67 pikë.

Në ndeshjen e radhës, ekipi i Pep Guardiolas udhëton te rivali lokal Manchester Unitedi, ndërsa Tottenhami e pret Brightonin. /Telegrafi/

Phil Foden with his first PL goal.
Spare a thought for the one commentator sounding as if he’s being throttled ? pic.twitter.com/Kj5gBBuzjE

— missedtea ? (@fromuponthemoon) April 20, 2019

www.telegrafi.com

ulaş utku bozdoğan
ulaş utku bozdoğan astrolog
ulaş utku bozdoğan