Çmenden në Madrid, duan Neymar për shifra të çmendura

Ti mund ta lexosh kete ne 1 min.
12 Janar 2018 19:42
Sipas Marca, kërkesa për yllin brazilian është konsideruar thelbësore

Real Madrid ka përgatitur një investim prej 400 milionë euro për të fituar shërbimet e Neymar për sezonin e ardhshëm. Sipas Marca, kërkesa për yllin brazilian është konsideruar thelbësore, konkurruese dhe ekonomike, një prioritet në strategjinë e merkatos që do të nisë më 1 korrik, për të riprodhuar ambiciet e klubit: çfarë dysheje do të jetë me Ronaldon?

E mundshme? Apo jemi në kufijtë e tejkaluar të merkatos? Sipas Marca, dështimet e Zidane do të bëjnë që drejtuesit të binden për të marrë lojtarë që bëjnë diferencën. Si lojtari kampion i PSG, faktikisht.

Në Madrid ata janë të vetëdijshëm për vështirësitë në lidhje me blerjen e kartonit të Neymar, por synojnë të "veprojë me respekt të plotë dhe absolut".

Nëse Real Madrid bën për vete Neymar, do të ishte një goditje e keqe për Barcelonën, edhe nëse Coutinho ka mbërritur aktualisht. Korrikun e kaluar, Neymar kishte lëvizur nga Barcelona te Paris Saint Germain për 222 milionë euro. A është e mundur që pas një sezoni klubi parizien të lejojë atë të largohet? Ndër të tjera, në Champions League do të ketë përballje midis Realit dhe PSG. Kalimi ... i pamundur. /EDS/

'Me atë Atlético Madrid do të fitojë Champions-in e parë'

Ti mund ta lexosh kete ne 2 min.
22 Korrik 2018 18:33

Pasi u mbyll kapitulli i vendimit për të ardhmen, ku Erika Choperena kishte shumë për të thënë, gruaja e Griezmann është e lumtur dhe optimiste, ndërsa sulmuesi po shijon pushimet e tij pas Kupës së Botës. Erika dëgjoi ndjekësit e “Instagram” dhe iu përgjigj disa pyetjeve në lidhje me Atlético. "A mendoni se Atlético do të fitojë Champions League e parë me Griezmann?". Ajo nuk hezitoi: "Po, besoj." Choperena ishte ajo që i ndikoi në vendimin e Griezmann për t’u bashkuar me katalanasit. "Në Barça do të jesh një më shumë, por te Atlético nëse fiton do të jesh një legjendë", ishte komenti i bashkëshortes së sulmuesit francez. Ajo ishte një nga ato që e shijoi më shumë suksesin e Atlético në Europa League. Megjithatë, ai veproi në këtë mënyrë edhe për disa arsye të tjera personale, por edhe të lidhura me Atlético.

Për shembull, marrëdhënia e tij me Godin dhe gruan e tij Sofia (ata sapo u martuan): "Me ta ne e plotësojmë njëri-tjetrin, jemi bashkë në të mirë dhe në të keqe, kemi kaluar sëbashku mijëra gjëra, nëse unë jam duke qarë, ata vijnë për të më parë mua dhe nëse kam për të festuar, unë shkoj tek ata. Ata janë një shembull për Mia, unë nuk mund ta imagjinoja Madrid pa to", vazhdoi Erika. Gjithashtu një tjetër mik i mirë i Griezmann është Koke, i cili gjithashtu i ka dhënë fund beqarisë. Erika dhe Antoine nuk mund të ishin prezentë në dasmën e tyre për arsye të ndryshme, por të dy çiftet e festuan në mënyrën e tyre: "Ishte një turp (duke mos qenë në gjendje të shkonim), por pak ditë më parë ne kishim një darkë në shtëpi ku u argëtuam shumë", tha gruaja e Antoine. Griezmann është i qetë në Atlético, gjithashtu edhe gruaja e tij si në Madrid ashtu edhe në klub. Pas dyshimeve, ylli i ekipit është i përfshirë plotësisht tek projekti i “Cholo”. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Ky është ospioni i vetëm që Barça të nënshkruajë me Willian

Ti mund ta lexosh kete ne 2 min.
22 Korrik 2018 17:08

Merkato e transferimeve është duke ecur përpara dhe një operacion i ri që do të jetë gati të bëhet zyrtar, mund të ndikojë direkt në FC Barcelona. Kjo është ardhja e mundshme e Aleksandr Golovin nga CSKA Moscow në Chelsea, i cili do t’i hapë rrugën Willian të transferohet te Barcelona. Mesfushori është shumë afër kalimit në “Stamford Bridge”, pasi palët kanë gjetur marrëveshjen dhe tani pritet vetëm që mesfushori të prezantohet. “The Sun” pretendon se Chelsea ka arritur akordin me CSKA për një tarifë që besohet të jetë rreth 30 milionë euro, me mesfushorin që refuzoi një ofertë nga Monaco për të shkuar në “Stamford Bridge”. Konfirmimi i Golovin në Chelsea mund të jetë një hap i rëndësishëm për largimin e Willian nga kampi blu. Braziliani është një nga lojtarët e kërkuar nga FC Barcelona, për të cilin katalanasit kanë bërë tre oferta deri tani. E fundit ishte mbi 60 milionë euro dhe afrimi i Golovin në Londër do t’i hapte derën yllit brazilian të bashkohej me gjigandët e La Liga.

Golovin tregoi një nivel të lartë në Kampionatin Botëror me Rusinë, duke arritur deri në çerekfinale të kompeticionit. Performancat e tij tërhoqën vëmendjen e klubeve më të mëdha në Evropë, por mesfushori donte vetëm bashkimin me Chelsea, ndërsa gjatë muajve të fundit kishte mësuar edhe anglisht për t’u përshtatur në Premier League. Nga ana tjetër Willian e ka thënë disa herë se dëshira e tij është të transferohet te Barcelona, pasi kjo është mundësija e tij e fundit për të shkuar në një klub kaq të madh, për efekt të moshës. Braziliani është 29 vjeç dhe karriera e tij është drejt perëndimit. Trajneri Valverde e ka prioritet lojtarin e krahut dhe katalanasait do të bëjnë ç'të jetë e mundur për të nënshkruar me me Willian. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.
Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Reali dikur fitonte Kupën duke mundur në finale… Realin - VIDEO

Ti mund ta lexosh kete ne 2 min.
22 Korrik 2018 15:20
Çfarë sezoni!

Sado e pabesueshme mund të duket, kjo ka ndodhur vërtetë. Një kleçkë në rregulloren e Federatës Spanjolle bëri të mundur që në finalen e Kupës së Mbretit të vitit 1980, Real Madrid të luante kundër Real Madrid Castilla… Në stërvitje gjërat do të kenë qenë shumë të çuditëshme…

Edhe pse skuadra e dytë u mund 6-1 në atë finale, sigurisht që ishte një sezon përrallor për të. Jo vetëm se arriti deri në finale e Kupës, por edhe për faktin që u kualifikua për në Kupën e Kupave, pasi skuadra e parë ishte kualifikuar për në Kupën e Kampionëve.

Po si arriti Castilla deri në finalen e Kupës së Mbretit?

Deri në vitin 1991, skuadrat rezervë në Spanjë trajtoheshin krejtësisht si të pavarura nga skuadra e madhe. Edhe pse nuk lejohej që ato të luanin në të njëjtën kategori, ishin të lira të merrnin pjesë në Kupën e Mbretit.

Në përgjithësi, skuadrat rezervë dështonin që në raundet e para të kupës dhe nëse shorti do t’i vendoste kundër skuadrave “mëmë”, ai rihidhej për të nxjerrë një kundërshtar tjetër. Kështu që e vetmja mundësi që përballja të ndodhte ishte në finale, diçka që nuk mund të ndodhte kurrë… të paktën kështu kishin menduar hartuesit e rregullores.

Por edhe pse me lojtarë të gjithë nën 23 vjeç dhe me një trajner të ri si Juanjo Garcia Santos, 34 vjeç, Castilla i kaloi me sukses të gjitha raundet dhe për 45 minutat e para mbajti rezultatin 0-0 kundër skuadrës së madhe. Pas pushimit, Reali dominoi totalisht falë emrave të mëdhenj të kohës, si Del Bosque, Camacho e Santillana, duke fituar 6-1.

Por pavarësisht humbjes, Castilla, mbetet në historinë e futbollit si skuadra e vetme rezervë që ka marrë pjesë në një kompeticion të UEFA-s. Në raundin e parë të Kupës së Kupave, ajo u ndesh me West Ham, duke e mundur 3-1 në Madrid, për t’u thyer 5-1 në ndeshjen e kthimit në Londër./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Kovacic i vendosur, shkon në Madrid dhe takon Lopetegui

Ti mund ta lexosh kete ne 2 min.
22 Korrik 2018 11:00
Mesfushori kroat diskuton të ardhmen

Mateo Kovacic është i vendosur për t’u larguar nga Real Madrid. Mesfushori kroat u takua ditën e premte në qendrën sportive të ekipit me trajnerin e ri, Julen Lopetegui. Siç shkruan e përditshmja spanjolle “Marca”, lojtari ka kërkuar që të largohet nga ekipi. Ai ishte kontakti i parë mes tij me teknikun e ri të “Los Blancos”. Pavarësisht nga biseda që pati me Lopetegui, lojtari dukej i bindur për t’i dhënë fund aventurës në “Santiago Bernabeu”. Të njëjtën gjë ai e pati deklaruar edhe në intervistën e dhënë po për “Marca”, më 23 qershor gjatë Botërorit në Rusi.

“Do të doja të luaja më shumë në Madrid, sepse e dua futbollin dhe dëshiroj të jem aktiv në fushë. E di që është e vështirë të luash te Reali, veçanërisht kur je shumë i ri. E kuptoj situatën, por pikërisht për këtë mendoj se më mirë për mua është që të shkoj tek një ekip tjetër, ku të kem mundësinë të luaj rregullisht. Kjo është një mundësi e mirë për mua, ku kam të drejtë”- deklaroi më parë Kovacic.

Manchester City, United, Bayern Munich dhe Liverpool janë disa prej ekipeve që kanë shfaqur interes për të marrë shërbimet e tij, ku i kanë premtuar edhe një rol të rëndësishëm në grupin e tyre.

Fakti që ish-mesfushori i Inter vetëm pesë ditë pas përfundimit të Kupës së Botës vendosi të udhëtojë menjëherë drejt Spanjës dhe të takojë trajnerin e ri, e konfirmon qartë dëshirën e tij për të ikur. 24-vjeçari u shfaq tepër serioz dhe i vendosur në takimin me trajnerin e ri, të cilit ia bëri të qartë që dëshiron të nisë një aventurë të re me një ekip tjetër.

Dëshira e tij, pas pushimeve është që të nisë fazën përgatitore me klubin e tij të ri, ndaj edhe vizita e tij në Madrid ishte kaq e shpejtë. Mirëpo, nga ana tjetër drejtuesit e galaktikëve pritet të hapin derën për shitjen e tij ndërsa shpresojnë të marrin të paktën 50 milionë euro. /EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.