Çmenduria, shiten të gjitha biletat që kushtonin 1 milion euro një copë

Ti mund ta lexosh kete ne 1 min.
15 Dhjetor 2017 10:16
Ka shumë njerëz të pasur në këtë vend

Kupa e Botës që do të mbahet në Rusi vitin e ardhshëm ka thyer një tjetër rekord. Të gjitha biletat që kushtonin 1 milion euro një dhe ishin VIP janë shitur. Ata që kanë arritur të blejnë një biletë të tillë do të kenë mundësi të shikojnë 19 ndeshje në total, përfshi gjysmëfinalen dhe finalen.

Kjo bileta ka disa privilegje që janë normale për çmimin që kishte. Kështu mbajtësi i saj do të ketë një dhomë private në zonën më të mirë të stadiumit për të parë takimin, një staf të dedikuar dhe në shërbim gjatë gjithë luajtjes së ndeshjes, por edhe ushqim pije e gjithçka tjetër për të justifikuar më së miri çmimin e biletës që ka blerë.

Botërori Rusi 2018, FIFA arrin akordin me një tjetër sponsor të turneut

Ti mund ta lexosh kete ne 1 min.
24 Prill 2018 20:40

Miniera e diamantit e zotëruar nga shteti Rus, Alrosa, është përcaktuar si sponsori i katërt dhe i fundit rajonal i Kupës së Botës që do zhvillohet këtë vit në Rusi. Në këtë mënyrë Alrosa i bashkohet gjigantëve të Alfa-Bank, Rostelecom dhe Hekurudhës Ruse, si sponsorë rajonalë të turneut të futbollit, i cili do të luhet në datat 14 qershori deri më 15 korrik.

Alrosa ka fituar të drejtën për të përdorur markën e tyre gjatë këtij turneu, ku mund të promovohen edhe në rrjetet sociale të Botërorit. Kompania do të përfitojë nga reklamimi në ekranet LED të stadiumit ku do të zhvillohet Kupa e Botës, si dhe ekspozimi i markës në zona të zgjedhura të stadiume.
“Me Kupën e Botës që po afron, ne jemi shumë të lumtur t’ju njoftojmë që kemi nënshkruar një marrëveshje sponsorizimi me një kompani prestigjoze si Alrosa”, - deklaroi shefi i marketingut pranë FIFA-s, Philippe Le Floc'h. “Turneu do të jetë një festë e futbollit në Rusi dhe në të gjithë globin. Është gjithashtu një platformë e pabesueshme marketingu ndërkombëtar, duke tërhequr miliarda njerëz në çdo vend të botës, ku futbolli ndiqet”.


16 vendet e caktuara për sponsorë të tjerë rajonal - për Amerikën Veriore dhe Qendrore, Amerikën e Jugut, Afrikën dhe Lindjen e Mesme dhe Azinë - janë akoma bosh, dhe duhen plotësuar para datës 14 qershor. Kompania ruse e energjisë shtetërore Gazprom është midis shtatë sponsorëve të nivelit të lartë.
FIFA këtë edicion ka nënshkruar vetëm me sponsorë nga Rusia, Kina dhe Katari, për shkak të reputacionit në zbritje, nga hetimet zyrtare për korrupsion në vitin 2015, që u zhvilluan nga Zvicra dhe Amerika. /EDS/

Tronditet kombëtarja e Egjiptit, ylli i skuadrës mund të humbasë Botërorin?

Ti mund ta lexosh kete ne 1 min.
23 Prill 2018 23:28

Te kombëtarja e Egjiptit janë optimistë sa i përket dëmtimit të lojtarit të Arsenalit, Mohamed Elneny. Frika është se ai mund të mungojë në Rusi, për shkak se u dëmtua në ndeshjen e fundit, ku Arsenali fitoi me rezultatin 4-1 ndaj West Ham.

Problemi fizik fillimisht u mohua nga stafi mjekësor Arsenalit, ku u deklarua se nuk bëhej fjalë për një diçka serioze, duke sjellë reagimin e ashpër të tifozëve egjiptianë, të shqetësuar nga dëmtimi i talentit të kombëtares.

Zv.trajneri i Egjipti-t Mahmoud Fayez postoi në Twitter lajmin që dëmtimi i lojtari nuk ishte serioz dhe që me shumë mundësi do të jetë në Kupën e Botës. Menjëherë pas këtij postimi ekipi i Arsenalit doli me një deklaratë zyrtare: "Pasi vlerësuam situatën, ku lojtari iu nënshtrua analizave mjekësore të dielën dhe të hënën, ne mund të konfirmojmë se Mo Elneny ka pësuar dëmtim në ligamentet e gjurit të majtë. Ne shpresojmë te rikthimi i lojtarit për ndeshjet e mbetura të sezonit, dhe jemi në kontakt me federatën egjiptiane".

Mesfushori Elneny është titullar në kombëtare, që nga debutimin e tij në vitin 2011, ku është aktivizuar në 57 ndeshje dhe ka shënuar 5 gola.

Egjipti është në Grupin A, së bashku me Uruguain, Arabinë Saudite dhe organizatorët e Rusisë. Ndeshjen e parë në këtë botëror do ta luajë me 13 qershor, kundër Uruguajit. /EDS/

A do të jetë Zlatan Ibrahimovic në Botërorin Rusi 2018 apo jo?

Ti mund ta lexosh kete ne 1 min.
23 Prill 2018 23:01
Përgjigjet trajneri i Suedisë

Zlatan Ibrahimoviç tani mund të ndalë së luajturi me emocionet e fansave të futbollit, sidomos të atyre që mbështesin Suedinë. Pavarësisht largimit nga futbolli ndërkombëtar dy vite më parë, super-ylli i Suedisë gjatë muajve të fundit ka ngacmuar me një kthim të mundshëm në ekipin kombëtar për të qenë prezent në kompeticionin e Kampionatit Botëror të Rusisë.

Trajneri i Suedisë Janne Andersson të hënën i ka mbyllur dyert për pjesëmarrjen në Botërorin e vitit 2018 shtatlartit Ibrahimoviç, duke thënë në një intervistë për mediat se ai nuk do të rikthejë në kombëtare lojtarin më të madh të vendit të tij në Rusi këtë verë.

“Ibrahimoviç i ka thënë jo ekipit kombëtar”, tha Andersson të hënën për TYC Sports. “Ai nuk ka dashur që të jetë pjesë e skuadrës pas Kampionatit Europian të vitit 2016, dhe unë e respektoj atë dhe atë që ai ka kërkuar. Nëse tërhiqesh nga ekipi, nuk mendoj se duhet të kthehesh pas, unë respektoj atë që ai ka thënë, por edhe ata që kanë thënë ‘po’”.

“Ibrahimoviç nuk më ka telefonuar mua, por përfundimisht ai nuk do të përfshihet në listën e lojtarëve për Kupën e Botës”, me këtë fjali Andersson u shpreh fare qartë për të gjithë ata që kishin pikëpyetje mbi sulmuesin suedez. Kështu, Zlatan Ibrahimoviç mund të jetë i pranishëm në Kampionatin Botëror të Rusisë 2018 vetëm si spektator.

“Bomberi” shtatlartë në merkaton e janarit u largua nga Britania e Madhe ku luajti 33 ndeshje në Premier League dhe shënoi 17 gola. Pa harruar dhe ndeshjet e tjera ndërkombëtare ku ai tregoi se mosha nuk do të thotë asgjë për aftësitë që ka. Aktualisht ndodhet në Shtetet e Bashkuara të Amerikës ku ka veshur fanellën e Los Angeles Galaxy me të cilët ka gjetur tre herë rrugën e rrjetës në dy takime. /EDS/

Botërori 2018, e dini cila është skuadra e parë që do shkojë në Rusi?

Ti mund ta lexosh kete ne 1 min.
23 Prill 2018 20:46

Kombëtarja e Iranit në futboll do të jetë e para që do të mbërrijë në Rusi në kuadër të finaleve të Botërorit 2018. Lajmin e ka konfirmuar për gazetarë Zv.kryeministri i Rusisë, Vitaly Mutko. Të hënën e ardhshme Moska zyrtare do të organizojë një takim për diskutuar rreth gatishmërisë së qyteteve ruse për të pritur 32 skuadrat pjesëmarrëse në finalet e Kupës së Botës në futboll.

“Kombëtarja e Iranit do të jetë e para pjesëmarrëse në Botëror që do të mbërrijë në Rusi. Iranianët do të jenë këtu më 5 qershor”, - tha Mutko. Skuadra do të akomodohet në bazën stërvitore që ndodhet në Bakovka, jashtë Moskës, që zakonisht përdoret nga moskovite e Lokomotivës.

Russia ka përzgjedhur 11 qytetet pritëse të ndeshjeve për fazën finale të Kupës së Botës 2018 dhe ato janë Moska, St. Petersburg, Soçi, Kazan, Saransk, Kaliningrad, Volgograd, Rostov-on-Don, Nizhni Novgorod, Jekaterinburg dhe Samara. Ndeshjet e finaleve të Botërorit Rusi 2018 do të luhen nga datat 14 qershor deri më 15 korrik në 12 stadiumet që ndodhen në qytetet përkatëse të Rusisë. Dy nga stadiumet pritëse ndodhen në kryeqytetin e Rusisë. Ndërkaq, teksa nisja e turneut po afron është vënë re edhe një fenomen shqetësues. Rreth 591 hotel mësohet se kanë rritur çmimet për turistët, duke bërë që autoritet përkatëse të marrin masa duke aplikuar gjoba./EDS/