REZULTATET LIVE
Shiko listen e plote

Çyrbja: Teutën e pret një sfidë e madhe...

11 Janar 2018 19:29

Teuta vazhdon me përgatitjet në Antalia të Turqisë, nën drejtimin e trajnerit Stavri Nica dhe zv.trajnerit Ilir Biturku. Atmosfera në ekip është pozitive, megjithëse lojtarët pranojnë, se stafi teknik po “ua merr shpirtin” në stërvitje.

Gjatë ditës së sotme bregdetarët kanë zhvilluar dy seanca stërvitore, teksa me grupin janë stërvitur normalisht edhe afrimet e janarit. Edhe e premtja do të jetë shumë e ngjeshur për bregdetarët, pasi paradite do të punojnë individualisht në palestër, ndërsa pasdite do të zbresin në fushë.

Lojtari i krahut Arbër Çyrbja, një nga më të mirët e bregdetarëve në fazën e parë, shprehet për EDS se kushtet në Belek janë të shkëlqyera, teksa skuadra po përgatitet intensivisht për t’u ngjitur sa më parë në klasifikim.

Këtu ndihesh vërtetë futbollist profesionit, çdo gjë është e shkëlqyer. Po punojmë jashtëzakonisht shumë, në mënyrë që të jemi gati për fillimin e kampionatit, pasi na pret një detyrë e vështirë përpara”, tha shijakasi.

I pyetur se ku ndryshon Nica nga Magani, Çyrbja u shpreh: “Magani kishte një mënyrë tjetër, sesi përgatitej për ndeshjen dhe Nica sigurisht, që ka mënyrën e tij. Është ende herët për të bërë dallimet, por them, se kemi për të arritur shumë lart, pasi stafi i ri ka shumë energji dhe dëshirë për të bërë mirë”.

“Merkato? Mendoj se janë afruar lojtarë cilësorë, por besoj se duhen edhe 2-3 afrime të tjera cilësore gjithashtu, në mënyrë që të jemi të kompletuar. Kjo fazë na shërben shumë për ta njohur më mirë lojën e njëri-tjetrit dhe besoj, se do të kthehemi shumë më të fortë në pjesën e dytë të Superiores”, shtoi durrsaku. /EDS/

Jeni i lutur të hyni në llogari që të lini një koment
Juve kërkon të nënshkruajë me mesfushorin që i përfundon kontrata në verë

"Zonja e Vjetër" e fiksuar pas lojtarëve të Arsenalit

22 Janar 2018 00:07

Mesfushori Jack Wilshere duket se është rikthyer në formën e tij më të mirë këtë sezon pas një periudhe tepër të vështirë. Ylli i Anglisë ka tërhequr vëmendjen e kampionëve të Italisë, pas paraqitjeve me “Topçinjtë” këtë sezon. Mesfushori i Arsenalit është jashtë kontratës në verë dhe Juventusi kërkon të përfitojë nga ky fakt.

Sipas “The Sun”, “Zonja e Vjetër” do të përpiqet të nënshkruajë me anglezin në merkaton e verës, megjithatë Wenger nuk do të dorëzohet lehtë, pasi synon t’i rinovojë kontratën. "Jack ka tërhequr interesin e Juves dhe nuk do të ndikohet nga klubi ku është rritur. Ai është një lojtar, që do të përshtatej mjaft mirë në Serie A", i tha një burim “The Sun”. /EDS/

Jeni i lutur të hyni në llogari që të lini një koment
Ajo që ra në sy ishte mungesa e Neymar...

Lyon mposht me super gola PSG-në e milionave

21 Janar 2018 23:22

Lyon ka shkaktuar surprizën e madhe në Francë duke mposhtur me rezultatin 2-1 Paris SG në “Parc Olympique Lyonnais”. PSG sërish qëndron në krye të Ligue 1, megjithatë tani diferenca është 8 pikë me vendin e dytë që mbahet nga Lyon (48 pikë). Vendasit e nisën në mënyrën më të mirë të mundshme takimin duke kaluar në avantazh, që në minutën e dytë me anë të sulmuesit Fekir, pas një perle nga goditja e dënimit. Pa Neymar në fushë dhe me Mbappe, që largohet i dëmtuar pas 36' minutash lojë, fillojnë dhimbjet e kokës për trajnerin e PSG dhe me të drejtë.

Pjesa e parë mbyllet në barazim, pasi miqtë shënojnë me anë të mbrojtësit Kurzawa, që realizoi një gol të shkëlqyer pas krosit të Alves. Në të dytën loja bëhet interesante me sulme dhe kundërsulme, por me portierët vendimtar. Tensioni fillon të rritet gradualisht dhe PSG mbetet me 10 lojtarë pas largimit të Alves me karton të kuq. Në avantazh numerik Lyon luan më mirë dhe pas disa tentativash gjen golin e fitores me anë të yllit holandez Depay, që realizoi një gol të shkëlqyer nga distanca në minutën e fundit të shtesës. /EDS/

Jeni i lutur të hyni në llogari që të lini një koment
Konfirmimi vjen nga drejtuesit e klubit: Ne po negociojmë

Legjenda e Brazilit i interesuar për blerjen ….

21 Janar 2018 23:04

Nga akuzat për përdhunim tek fakti që është pa ekip, Robinho dëshiron ta mbyllë me futbollin e luajtur, për të provuar një aventurë të re në rolin e pronarit të një ekipi. Ish sulmuesi i Milanit në fakt është i interesuar në blerjen e Sivasspor, ekip që militon në Superligën Turke.

Sipas lajmeve që vijnë nga 'Sky Sport', braziliani dëshiron të provojë një përvojë të re në krye të klubit turk, aktualisht i teti në renditje. Të martën, lojtari i lindur në 1984, do të diskutojë më drejtuesit turq, në mënyrë që të arrihet një marrëveshje.

Konfirmimi vjen drejtpërsëdrejti nga Samet Ayababa dhe Oray Bakal, respektivisht trajneri dhe administratori i Sivassporit: "Ne jemi në bisedime me Robinhon, gjithçka mund të mbyllet në 3-5 ditët e ardhshme, por ka ende disa probleme tatimore që duhen diskutuar.

Pas aventurës së shkurtër në Kinë, Robinho u rikthye në Brazil për të veshur fanellën e Atletico Mineiro, por problemet jashtë futbollit, detyruan klubin brazilian të anulojë kontratën. Tani po prejoktohet një pikë kthese në jetën e ish-sulmuesit të Manchester City dhe Milan.

 

Jeni i lutur të hyni në llogari që të lini një koment
Bashkëjetesa me Mourinhon nuk ka qenë e lehtë

Lojtari i Manchester United gati të kthehet në Spanjë

21 Janar 2018 23:03

Klubi i Valencias po mendon të rikthejë në shtëpi mesfushorin organizator të Manchester United, Juan Mata. Spanjollit i skadon kontrata në fund të këtij sezoni dhe mund të mos pranojë rinovimin edhe për një vit tjetër nëse nuk dëshiron të qëndrojë në “Old Trafford”.

Ardhja nga ҫasti në ҫast e sulmuesit kilian Alexis Sanchez po e rrit rivalitetin në 11-shen e United dhe Mata me siguri që nuk mund të përballojë një tjetër përplasje brenda skuadrës. Qëndrimi i tij në Manchester nuk ka qenë i lehtë sidomos në dy vitet e fundit kur Mourinho ka marrë stolin e “Djajve të Kuq”.

Megjithatë ish-lojtari i Chelsa u rezistoi ofertave të klubeve të huaja dhe pranoi të fitonte besimin e “The Special One” për të vërtetuar se e meriton vendin në formacionin bazë. Por, edhe pse Mata ka siguruar më tepër prezenca këtë vit, në ndeshjet delikate ai është në lënë në stolin e rezervave nga Mourinho.

Skuadra nga “Mestalla” po avancon gradualisht këtë sezon në La Liga duke lënë pas zhgënjimet e sezoneve të kaluara. Me eksperiencën e spanjollit Mata, Valencia do të fitonte më tepër siguri dhe lirshmëri në lojë.

“Lakuriqët e natës” mund të presin dhe fundin e këtij sezoni për të marrë Juan Matën me parametër “zero”, por dëshira për të përfunduar këtë edicion në mënyrë sa më rezultative duket se po e ngut klubin spanjoll

Manchester United ka investuar shumë para, plot 37.1 milionë £ për të sjellë Matën në “Old Trafford” dhe duket e vështirë që ai të shitet për një shifër më të lartë për shkak të moshës (29 vjeҫ).

Drejtuesit e “Djajve të Kuq” nuk do të dëshironin që të pengonin synimet e lojtarit spanjoll dhe një rikthim në shtëpi ku nisi ndërtimin e karrierës futbollistike do të jetë një lajm shumë i mirë për Valencian dhe Juan Matën. /EDS/

Jeni i lutur të hyni në llogari që të lini një koment