Napoli ka nënshkruar për katër vitet e ardhshme me mesfushorin Zinedine Machach si një lojtar të lirë.
Talenti franko-algjerian që mbushi 22 vjeç javën e kaluar do të jetë pjesë e Napolit deri në qershor 2022.
Lajmi u konfirmua nga presidentit Aurelio De Laurentiis nëpërmjet llogarisë së tij në rrjetin socail “Twitter”.
Gjithashtu klubi i Napolit nëpërmjet një deklaratë në faqen zyrtare ka njoftuar afrimin e mesfushorit, i cili ndërpreu kontratën e tij në Toulouse muajin e kaluar pas një grindje në stërvitje me stafin teknik.
Ai e kaloi sezonin e kaluar në huazim në Olympique Marseille, ndërsa shënoi tre gola në 38 paraqitje në Ligue 1.