Deschamps, favorit për ta marr drejtimin e Juventusit

14 Maj 2019

Trajneri i Francës, Didier Deschamps është favorit për të zëvendësuar Max Allegri te Juventusi.

Sipas Tuttosport, Deschamps do të dëshironte të përfundonte punën që ai la papërfunduar në vitin 2007.

50-vjeçari e udhëhoqi Juventusin drejt Series A pas skandalit të Calciopoli, por dha dorëheqjen pas mosmarrëveshjeve me bordin e klubit.

Didier Deschamps te Juventus: Allsport UK /Allsport

Deschamps luajti 173 herë për Zonën e Vjetër ndërmjet viteve 1994 dhe 1999, duke fituar tre tituj dhe një Ligë të Kampionëve.

Ai gjithashtu e ka fituar titullin si trajner me Olympique Marseillen, ndërsa Kupën e Botës vitin e kaluar me Francën.

Didier Deschamps, . (Photo by Julian Finney/Getty Images)

Raportimi vjen vetëm një ditë para se Allegri të takohet me presidentin e Juventusit, Andrea Agnelli, për të biseduar rreth së ardhmes së tij. /Telegrafi/

www.telegrafi.com