Kombëtarja e Francës do të luajë sot miqësoren kundër Ukrainës dhe nga konferenca për shtyp, trajneri i saj ka sulmuar Ronald Kumanin. Didie Deshamp ka marrë në mbrojtje Grizmanin dhe thotë se për momentin nuk është aspak i lumtur te Barcelona sepse nuk po aktivizohet në rolin e tij të preferuar.
Deshamp thotë se Kuman nuk e ka mbajtur fjalën që do ta aktivizonte më në qendër, por është duke e futur si sulmues të djathtë. “Jam i bindur që për momentin, Antuan Grizman nuk është i lumtur te Barcelona. Janë bërë shumë komente në lidhje me Kumanin dhe rolin e tij në fushën e lojës.
Nuk më takon mua të flas për atë që ndodh mes lojtarëve të mi dhe skuadrave të tyre. Për momentin, ai është duke luajtur si sulmues i djathtë dhe nuk e kuptoj pse nuk luan më në qendër, ashtu siç tha më parë Kumani”, ka thënë trajneri i kombëtares së Francës, Didie Deshamp.
LUNIN POZITIV – Lajme aspak pozitive përpara zhvillimit të miqësores. Portieri ukrainas i Realit të Madridit, Lunin, ka rezultuar pozitiv në testin e Koronavirusit. Ditën e djeshme federata ukrainase ka bërë të ditur lajmin duke thënë se Lunin ishte asimptomatik dhe është izoluar duke mos pasur kontakte me pjesën tjetër të skuadrës.
PANORAMASPORT.AL
www.panorama.com
