Joshua Kimmich ka qenë fantastik në finalen e madhe të Ligës së Kampionëve mes Bayernit dhe Paris Saint Germain.
Mbrojtësi gjerman ishte asistues në golin e vetëm të shënuar nga Kingsley Comman, teksa bëri një ndeshje të madhe.
Kimmich vlerësohet si njëri nga mbrojtësit e krahut të djathtë më të mirë në botë.
Pas ndeshjes gjermani ka thënë se është dita më e lumtur e karrierës së tij pas fitimit të gjashtë të Ligës së Kampionëve.
Kingsley Coman, Niklas Suele, Serge Gnabry, Joshua Kimmich, Leon Goretzka, David Alaba, dhe Robert Lewandowski. (Photo by Miguel A. Lopes/Pool via Getty Images)
“Është dita më e bukur e karrierës sime. Kur fiton një trofe të tillë me vëllezërit e tu në fushën e lojës, është një ndjesi e papërshkrueshme. Jam shumë i lumtur”, deklaroi gjermani pas finales.
Në pyetjen se a ishte trofeu më i rëndësishëm në karrierë, Kimmich thotë se po në nivel të klubeve, teksa deklaron duke qeshur se mund të vdes i qetë tani.
Festa e Bayern Munichut në Ligën e Kampionëve (Foto: Matt Childs/Pool via Getty Images/Guliver)
“Në nivel klubesh sigurisht që është trofeu më i vlefshëm. Tani mund të vdes i qetë”, tha Kimmich duke qeshur.
“Sigurisht që nuk dua të ndalem me kaq, pasi dua të fitoj sërish në të ardhmen. Ishte një sezon fantastik nga e gjithë skuadra, fituam gjithçka në një kohë aspak të lehtë”, përfundoi mbrojtësi gjerman. /Telegrafi/
Coronavirus – Statistikat
TotalKosova
Infektuar
Shëruar
Vdekur
Data credits CSSE at JHU
Shfaq statistikat COVID-19
Trendi i Coronavirus-it në Kosovë
Data credits:corona-ks
Të gjitha lajmet rreth Coronavirus-it
www.telegrafi.com
