Di Maria drejt largimit nga PSG, e ardhmja e tij në Serie A

29 Mars 2020

Angel Di Maria do të largohet nga Paris Saint Germain në afatin kalimtar veror.

Anësori argjentinas është duke kaluar nëpër një formë të shkëlqyer këtë edicion, por që kontrata e tij skadon në verën e vitit 2021.

PSG i ka ofruar vazhdimin e kontratës, por lojtari nuk është i kënaqur dhe ende nuk ka rinovuar për dy vite të tjera.

Kjo ka alarmuar skuadrat e mëdha italiane Juventus, Napoli e Inter që po duan transferimin e argjentinasit në Serie A.

Angel Di Maria. (Photo by Lintao Zhang/Getty Images)

Në rast se Di Maria nuk pajtohet për rinovimin e kontratës deri në qershor, atëherë PSG do ta nxjerr në shitje yllin e tyre.

Kampioni në fuqi i Francës është gati ta lë të lirë Di Marian të largohet për një shumë prej 35-40 milionë eurove.

32-vjeçari këtë edicion ka luajtur 37 ndeshje në të gjitha garat ku ka shënuar 11 gola dhe ka bërë 21 asistime. /Telegrafi/

www.telegrafi.com