Djali i Zidane, Luca do të huazohet te Racing Santander

09 Korrik 2019

Racing Santander pritet ta konfirmojë huazimin njëvjeçar të portierit të Real Madridit, Luca Zidane, djalin e legjendës franceze, Zinedine Zidane, i cili është trajner i Los Blancos.

Largimi i përkohshëm i 21-vjeçarit do të thotë se Thibaut Courtois dhe Keylor Navas do të jenë portierët kryesorë të Mbretërve në sezonin e ri.

Po ashtu, edhe ukrainasi Andriy Lunin është kthyer në Madrid, pas huazimit te Leganes në edicionin e kaluar.

Lexo po ashtu: Të gjitha lajmet nga Luca Zidane

Përkundër largimit, Marca raporton se Luca vlerësohet shumë nga klubi dhe konsiderohet si portier i të ardhmes për Realin.

Francezi debutoi në ekipin e parë në fund të sezonit 2017/2018 që ishte edhe ndeshja e fundit e Zidane si trajner i Los Blancos, nga ku u largua, për t’u rikthyer sërish në sezonin e kaluar.

Raul de Tomas, Marcos Llorente e Theo Hernandez janë disa nga talentët e Realit që janë larguar në këtë verë, derisa janë huazuar edhe Sergio Reguilon e Martin Odegaard. /Telegrafi/

www.telegrafi.com