Donnarumma shënjestra kryesore e PSG-së

20 Mars 2020

Paris Saint-Germaini është duke përgatitur një ofertë për portierin italian, Gianluigi Donnarumma, të cilin do të përpiqet ta transferojë gjatë verës.

Kampioni francez është në kërkim të një portieri, pasi Alphonse Areola pritet të qëndrojë te Real Madridi.

Le10 Sport njofton se drejtori sportiv i PSG-së, Leonardo, është një admirues i madh i portierit të Milanit.

(Foto: Gabriele Maltinti/Getty Images/Guliver)

Për këtë arsye, ai do të përpiqet që gjatë afatit kalimtar veror ta transferojë në Parc de Princes.

Lexo po ashtu: Donnarumma e kërkon kontratën e re, Ivan Gazidis mendon ndryshe

Një ofertë në vlerë prej 25 milionë eurosh, pritet t’i bindë Rossonerët që ta lejojnë largimin e portierit kryesor të skuadrës. /Telegrafi/

www.telegrafi.com