DOSIER / Historia e rrallë e Sllave Llambit, legjendës së harruar!

Ti mund ta lexosh kete ne 6 min.
24 Janar 2018 21:33
Kampioni i atletikës, që u kthye në një futbollist simbol të shekullit të kaluar. I pari shqiptar që luajti me Interin

“Duhet mësuar nga të tjerët që janë futur më shpejt në Europën e zhvilluar me anë të Sporteve” - Sllave Llambi 1937

Aktualisht në Serie A aktivizohen një numër i konsiderueshëm i lojtarëve nga Shqipëria. Historia nis që në periudhën para Luftës së Dytë Botërore kur Naim Kryeziu dhe Riza Lushta kanë qenë, pa dyshim, futbollistët shqiptarë më të mëdhenj nga mesi i viteve ‘30 deri në gjysmën e dytë të viteve 40'.

Ndër arritje të tjera, Kryeziu luajti rol protagonist në fitimin e titullit kampion nga RomaItalisë 14 qershor 1942, ndërsa Lushta – siç kështu quhej atëherë – i vetëm kundër Milanos, ishte protagonisti i fitores së Kupës së Italisë më (28 qershor 1942) falë tre golave të tij në përsëritjen e ndeshjes në Torino (4-1) pas rezultatit 1-1 të ndeshjes me gjithë shtesat në Milano, shtatë ditë më parë.

Diçitura e fotos: Juventus – Milan (28.06.1942) – Lushta shënues i tre golave ne minutat 30, 70 dhe 72.

Renditja më e mirë në Serinë A ka qenë në edicionin 1942-1943, kur arriti i treti me Juventusin
Duhet kujtuar që në nëntor të vitit 1940, Lushta u thirr për stërvitje edhe nga kombëtarja italiane, asokohe dy herë kampione e botës, për ndeshjen miqësore kundër Hungarisë të 1 dhjetorit (1-1); por Vittorio Pozzo mori urdhër të mos e rreshtonte mes të thirrurve për arsye politike.

 

Diçitura e fotos: 1940, Riza Lushta në Kombëtaren e Italisë: i pari i ulur nga e majta. Figurina Panini Campionato 1970/71

Shqiptari i tretë i atyre viteve ka qenë i madhi Loro Boriçi, shok skuadre i lacialit giuseppe meazza, kampion bote. Në vitin 1946, Boriçi ishte kapiteni i Shqipërisë që fitoi Kampionatin Ballkanik. Kombëtarja drejtohej nga trajneri Ljubisha Broçiç, i cili në 1957-1958 fitoi Serinë A me Juventusin. Boriçi është i famshëm nga Roma deri në Pekin, ku ka qenë edhe europiani i parë që ka drejtuar kombëtaren kineze. 

Rasti “i çuditshëm” i Sllave Llambit

Një tjetër lojtar që në ato vite ka luajtur në Itali ka qenë Sllave Llambi. Mund ta quajmë rast të çuditshëm për faktin që deri vonë nuk kishte shumë informacione për ndeshjet që ka zhvilluar në Itali.

Lindi në Tiranë në vitin 1919. Zbuluar nga mjeshtri Besim Qorri gjithë jeta e Sllaves mbeti e lidhur me sportin. Që në fëmijërinë e tij, në aktivitetet shkollore dhe në ato të lagjes, ka luajtur futboll dhe ka garuar në atletikë. Të dhënat sportive dhe talenti i tij u shfaqën dukshëm kur u aktivizua në aktivitetet kombëtare me SK “Tirana”. Ishte viti 1936 kur ekipi i Tiranës e tërhoqi atë nga shoqëria sportive Agimi. Duke u shpallur kampion në vitet 1936 dhe 1937, si dhe në kampionatin e pazyrtarizuar të vitit 1939, ai luajti me këtë klub deri më 1946. Në 1937 fitoi titullin kampion të Shqipërisëkërcim së gjati dhe mori pjesë në Kampionatin BallkanikAtletikësZagreb. Në kohën e pushtimit fashist është aktivizuar me skuadrën e mirënjohur “Shprefeja”. Shkoi për studime në shkollën e mesme bujqësore në Itali, fillimisht në Napoli ku u shpall kampion në kërcim së larti me ekipin e Virtus Napoli.

Zhvendoset më vonë në Catania ku del në pah talenti i tij në futboll dhe transferohet te ekipi i Brindisit, që në atë kohë luante në Kategorinë e Tretë. Pas paraqitjeve të mira transferohet te ekipi i Bolonjës. Zyrtarisht me ekipin e Bolonjës nuk ka zhvilluar asnjë ndeshje, por Myslym Alla ish- trajneri i Kombëtares në kujtimet e tij deklaron:

“Në 9 tetor 1941 isha vetë dëshmitar i ndeshjes që do të luante Bolonja me Milanin. Në këtë ndeshje Sllave ishte ngarkuar të markonte futbollistin me famë ndërkombëtare, Giuseppe Meazza. Me lojën e tij Sllavja e kreu më së miri detyrën dhe tifozët e përshëndetën dhe studentët bashkatdhetarë e përqafuan”.

Në kampionatin e vitit të ardhshëm ai transferohet tek Ambrosiana-Inter. Me fanellën zikaltër nuk ka asnjë ndeshje zyrtare, por sipas fotove që po tregojmë duhet patjetër të ketë luajtur te paktën ndonjë ndeshje miqësore.

 

Sezoni 1942-1943 mund të quhet sezoni kur Sllave Llambi do ketë më në fund, historinë e tij në kampionatin italian. Transferohet te Fanfulla, një ekip i Serie B. Me këtë ekip kemi të dokumentuar të gjitha ndeshjet që ai ka zhvilluar. Ndeshja e parë do jetë ajo me Cremonesen dhe deri në fund të kampionatit zhvillon 33 ndeshje dhe 2 ndeshje në kupë.

Vitet e mëvonshme do ta rikthejnë në Shqipëri. Fillimisht do të aktivizohet me Tiranën ku për 2 sezone do të mbrojë ngjyrat bardheblu, por pa arritur të fitojë asnjë kampionat. Nga sezoni 1947 deri në 1951 ai do luajë me Partizanin që sapo ishte krijuar.

Më 7 prill 1946 zhvillohet ndeshja “përuruese” Partizani – 17 Nëndori, ku për herë të parë skuadra e Ushtrisë Kombëtare del në fushën e lojës me emrin e saj Partizani, që do të sundonte futbollin shqiptar për gati 50 vjet me radhë.

Ndeshja fitohet 2-0 ndaj Partizanit, por ajo ka rebelimin e Sllave Llambit, i cili, nga stoli i rezervave ku ndodhej, sulmon në fushë gjyqtarin Abdurrahman Toptani. Kryesia e FSSH-së (Federata Sportive Shqiptare) i përjashton të dy për një kohë të pacaktuar. Shtypi shqiptar nuk e përshkruan këtë ndeshje të parë të Partizanit, por mbush faqet me komunikatën kërcënuese të këtij dënimi.

Kjo komunikatë e një diktature shkruan fjalë për fjalë:

“Dhe le ta dijë mirë Sllave Llambi e Abdurrahman Toptani se po nuk ndrruen rrugë dhe nuk dhanë shejë përmirsimi, kanë për t,u nxjerrun përjashta organizatës tue u hjekun njiherë e përgjithmon triska e antarë-sis së F.S.SH!”

Partizani e kishte nisur me dënime historinë e tij të madhe. Ky do të ishte edhe fundi i gjyqtarit Abdurrahman Toptani (më forti i fisit të Toptanëve), ndonëse prej vitesh kontributet e tij ishin tejet të mëdha. Por ky nuk mund të ishte fundi i Sllave Llambit, një sportist universal, atlet e futbollist i jashtëzakonshëm, shumë shpejt madje themelues dhe kampion me Partizanin; e deri dhe trajneri i parë i tij, duke qenë njëkohësisht edhe lojtar titullar. 

KOMBËTARJA:

Llambi për shumë vite ka mbrojtur ngjyrat kuqezi, duke qenë edhe protagonist në fitoren e trofeut të parë për Kombëtaren, atë të Kupës Ballkanike. Sllave Llambi ka drejtuar edhe kombëtaren në rolin e trajnerit-lojtar për 3 ndeshje miqësore, duke qenë një ndër të parët në botë që kanë realizuar diçka të tillë.

Albania-Romania 1-0 1946; nga e majta: Rexhep Spahiu, Muhamet Dibra, Aristidh Parapani, Bimo Fakja, Bahri Kavaja, Pal Mirashi, Sllave Llambi, Vasif Biçaku, Qamil Teliti, Xhakomino Pozeli (Giacomino Poselli), Loro Boriçi

Vdes më 1985 në Tiranë, duke lënë pas një histori aq sa të bukur po aq edhe të mistershme, duke qenë i pari lojtar që vesh ngjyrat e një ekipi aq të dashur për shqiptarët si Interi, por dhe duke qenë pjesë e atij brezi që i dhuroi Shqipërisë një trofe, që edhe sot mbetet i fundit.

Përgatiti për Eduasportin.com: Mendrit SHEHU

Salah për ta mbyllur me nder ndaj Arabisë Saudite

Ti mund ta lexosh kete ne 1 min.
25 Qershor 2018 15:27
Formacionet zyrtare

Arabia Saudite dhe Egjipti luajnë sot ndeshjen e fundit në Grupin A. Të dyja skuadrat janë me zero pikë në këtë grup, që udhëhiqet nga Rusia, e ndjekur pas nga Uruguai me pikë të barabrta.

Mungesa e Mohamed Salah në sfidën e parë ndikoi shumë në përformancën e skuadrës, të cilët u mundëm 1-0 nga Uruguai i Luis Suarez. Ndërkohë në sfidën e dytë ndaj Rusisë, që ishte titullar nuk ia doli që të bëjë diçka më shumë për të ndihmuar skuadrën, përveçse ekzekutoi me mjeshtëri një penallti të fituar, të cilën e konvertoi në gol. Egjipti u mund me rezultatin 3-1.

Përballja ndaj Arabisë Saudite është e fundit në këtë grup dhe shanset për kualifikim natyrisht kanë përfunduar. Egjipti nuk ka asnjë motiv për ta fituar këtë sfidë, përveçse në nder të tifozëve që i kanë mbështetur në këtë turne deri  tani. /EDS/

Formacionet zyrtare

Arabi Saudite - Egjipt

“Volvograd Arena”

4-2-3-1/ Arabia Saudite: Almosailem, Osama, Alburayk, Salman, Hatan, Yasser, Motaz, Otayf, Hussain, Salem Fahad.

4-2-3-1/ Egjipt: Elhadary, Ali Gabr, Hegazy, Fathi, Abdelshafy, Tarek Hamed, M.Eneny, Abdalla, Treziguet, Marëan, M.Salah

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Zgjohen te Partizani, njoftohet lëvizja e tretë merkatos

Ti mund ta lexosh kete ne 2 min.
25 Qershor 2018 15:24

Partizani deri më tani ka njoftuar për zëvendësimin e Klevis Dalipit me Skënder Gegën, ndërkohë që është konfirmuar edhe mbyllja e bashkëpunimit me mbrojtësin Blerim Kotobelli. Kanë ikur nga ekipi edhe mesfushorët Idriz Batha dhe Arbnor Fejzullahi, por në lidhje me këta dy lojtarë nga ana e klubit të kuq nuk ka pasur asnjë njoftim. Atyre u kanë mbaruar kontratat dhe nuk kanë rinovuar, ndërkohë që i fundit që largohet është sulmuesi Emran Ramadani. I afruar në janar, 26-vjeçari luajti vetëm në gjashtë ndeshje si zëvendësues me të kuqtë dhe shënoi një gol në fitoren 6-0 ndaj Lushnjës. Ramadani nuk do të jetë largimi i vetëm, pasi edhe Alban Sulejmani pritet të zyrtarizohet si lojtar i lirë. Ky i fundit u mor në verë nga Legia e Varshavës, por nuk pati hapësira, çka ka bërë që palët të mendojnë për të vijuar të ardhmen në drejtime të ndryshme.

NJOFTIMI I PARTIZANIT – “Klubi njofton përfundimin e bashkëpunimit me Emran Ramadanin. Palët vendosën sot të ndërpresin me mirëkuptim kontratën mes tyre dhe mesfushori 26 vjeçar, nuk do të vijojë të jetë pjesë e 15-të herë kampionëve të vendit. Klubi falënderon Emran Ramadanin për kontributin e dhënë te Partizani, duke i uruar njëkohësisht suksese në karrierë”, shkruhet në njoftimin e bërë nga klubi i Partizanit në faqen zyrtare në “Facebook”. Deri më tani te Partizani nuk kanë njoftuar për asnjë afrim. Tifozët po presin me padurim të mësojnë se cilët do të jenë futbollistët që do të afrohen në ekip para ndeshjeve në Europa League kundër sllovenëve të Maribor. /EDS/

*************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Shkëlqeu ndaj Polonisë, Mina ka një mesazh për Barcelonën

Ti mund ta lexosh kete ne 2 min.
25 Qershor 2018 15:08
Mbrojtësi është i vendosur

Mbrojtësi kolumbian, Yerry Mina bëri një ndeshje fantastike mbrëmjen e djeshme ndaj Polonisë me përfaqësuesen e tij në kuadër të ndeshjes së dytë ne Grupin H. Në përballjen e parë fatkeqësisht humbën 2-1 ndaj Japonisë pasi luajtën me një lojtar më pak që nga minuta e tretë e takimit, pas daljes me të kuq të mesfushorit Carlos Sanchez.

Mina ishte një nga lojtarët që spikati më shumë në fitoren 3-0 ndaj Polonisë në “Kazan Arena”, edhe pse “Lojtari i ndeshjes” u shpall mesfushori i Real Madrid i huazuar te Bayern Munich, James Rodriguez. Ai shënoi edhe golin e avantazhit për ekipin në minutën e 40-të të takimit, i pasuar nga Falcao (70’) dhe Juan Cuadrao (75’). Skuadra e Pekerman ia doli që të fitojë tre pikë me shumë vlerë që i mbajnë akoma me shpresa për të kaluar raundin, por kjo do të shihet nëse arrijnë fitore në takimin e fundit ndaj Senegalit.

23-vjeçari në përfundim të takimit ka folur edhe për aventurën e tij të re me ekipin e Barcelonës.

“Për mua Barcelona është skuadra më e mirë në botë. Nuk dua të largohem nga “Camp Nou” dhe kurrë nuk kam dashur të bëj diçka të tillë. Më pëlqen ai klub, qyteti, njerëzit dhe shokët e skuadrës... gjithçka”- tha lojtari pas ndeshjes së fituar me polakët.

Mina shtoi më tej se ishte i lumtur shumë për arritjen e fitores dhe mbështetjen që i japin shokët e skuadrës.

“Është e mrekullueshme, sepse gjithnjë më mbështesin dhe këto janë momente gëzimi për mua. Tani jam i qetë. I kam bërë gjërat në mënyrën time më të mirë dhe gjithmonë përpiqem që të përmirësohem për të kapur nivelin tim, e cila është ajo që dua më shumë”- përfundoi ylli i ri i katalanasve. /EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Uruguai dhe Rusia përballen për vendin e parë, nisin llogaritjet

Ti mund ta lexosh kete ne 1 min.
25 Qershor 2018 15:04
Formacionet zyrtare

Pas pak minutash do të nisë të luhet ndeshja e fundit e grupit A në Kupën e Botës mes Uruguait dhe Rusisë. Kjo përballje është e vlefshme vetëm për përcaktimin e vendit të parë të grupit, për shkak se Rusia ka golavarazhin 8-1, që do të thotë se vetëm fitorja i bën punë amerikano-latinëve për të marrë vendin e parë.

Rezultati që do të prodhojë kjo sfidë do të përcaktojë dhe shortin për takimin e radhës, që do të jetë ai i 1/8-ave të Botërorit. Vendi i parë i grupit A do të përballet me vendin e dytë e grupit B, ndërsa vendi i dytë i grupit A do të përballet me të parin e B-së. Që do të thotë se do të bëhen përllogaritjet duke parë që një mes Spanjës dhe Portugalisë do të jetë kundërshtari i tyre direkt për të vijuar rrugën në Botëror.

Në fushë të dy trajnerët kanë aktivizuar lojtarët e tyre më të mirë, duke mos kursyer asnjë, që do të thotë se emocionet do të jenë të pranishme. Me sa duket, lufta për vendin e parë bëhet me “laps e letër në dorë”. Fitorja vlen më shumë për rritje morali. /EDS/

Formacionet zyrtare:

Uruguai – Rusi 16:00

Uruguai: Muslera, Godin, Bentacur, Nandez, Suarez, Torreira, Vecino, Laxalt, Coates, Cavani, Caceres. Trajner: Oscar Tabarez

Rusi: Akinfec, Kutepov, Ignashevich, Cheryshev, Gazinskii, Zobnin, Kudriashov, Al Miranchuk, Samedov, Dzyuba, Smolnikov. Trajner: Stanislav Cherchesov

Gjyqtarë: M. Diedhiou, D. Camara, E. Samba, T. Bamlak

Stadiumi: Samara Arena

Kapaciteti: 44918 spektatorë

************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.