E bujshme/ Zbulohet oferta që Mançester Siti kishte përgatitur për Mesin

09 Shtator 2020

Leo Mesi vendosi të qëndronte tek Barcelona edhe për një vit, pasi nuk dëshironte të shkonte në gjyq me ekipin e tij të zemrës. Por nëse katalanasit do e kishin lënë të lirë ose Mançester Siti do kishte paguar klauzolën 700 milionë euro, çdo gjë do ishte ndryshe tani.

Në Zvicër kanë zbuluar ofertën që klubi anglez ishte i gatshëm të bënte për Mesin. Sipas “L’Illustre”, Mançester Siti kishte përgatitur një ofertë prej 200 milionë eurosh, e cila do paguhej me dy këste. Do kishte edhe 20 milionë euro bonuse, nëse Mesi do fitonte Championsin me Mançester Sitin. Por drejtuesit e klubit anglez e kanë përgënjështruar këtë lajm.

Për “Mundo Deportivon”, drejtuesit e Mançester Sitit thanë se nuk kishin bërë ofertë për Mesin pasi nuk e përballonin koston e operacionit.

Manchester City a offert 200 millions pour Messi https://t.co/hgoiD1Bi3I

— L’illustré (@Lillustre) September 8, 2020

PANORAMASPORT.AL

www.panorama.com