E konfirmon trajneri, largimi i Rashicës nga Werderi çështje ditësh – nuk u lejua inkuadrimi i tij në ndeshje miqësore

10 Gusht 2020

Largimi i Milot Rashicës nga Werder Bremen është thjeshtë çështje ditësh.

Sulmuesi kosovar prej kohësh është përfolur për një transferim, pasi shumë skuadra janë vënë pas tij.

E në ndeshjen e parë kontrolluese të Werderit, Rashica mungoi edhe pse ka stërvitur rregullisht me skuadrën.

Trajneri i Werder, Florian Kohfeldt tha se nuk e aktivizoi kosovarin pasi ai është në një situatë ku së shpejti do të ndërroj skuadër.

“Ne vendosëm së bashku të mos ta përdorim Rashicën për shkak të situatës së tij”.

“Ai është pranë transferimit dhe nuk deshëm të rrezikojmë”, ka deklaruar Kohfeldt.

Milot Rashica (Foto: Oliver Hardt/Getty Images)

Sipas medieve gjermane RB Leipzig mbetet skuadra favorite për të nënshkruar me kosovarin, por një gjë e tillë pritet të ndodhë pas ndeshjes çerekfinale në Ligën e Kampionëve, që ekipi gjerman e zhvillon ndaj Atletico Madrid.

Gjithsesi në garë për vushtrriasin mbeten edhe skuadra tjera si Hertha Berlin, Wolverhampton, West Ham United dhe Aston Villa.

Milot Rashica. (Photo by Pool/Ronald Wittek/Pool via Getty Images)

Werder po synon të përfitojë rreth 25 milionë euro nga shitja e Rashicës. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com