Ende pa datë zyrtare për El Clasicon: Barcelona dhe Real Madridi duhet të zgjedhin datë tjetër pasi 19 dhjetori nuk pranohet

22 Tetor 2019

Komisioni i Konkurrencës i Federatës Spanjolle të Futbollit ende nuk kanë qenë në gjendje për ta gjetur një zgjidhje për shtyrjen e El Clasicos.

Tani përsëri topi është rikthyer te Barcelona dhe Real Madrid, ku të dy klubet iu kërkohen një datë deri në orën 20:00 të martën.

Komiteti i Konkurrencës do të mblidhet përsëri dhe do t’i rishikojë propozimet e bëra nga klubet.

Ramos e Messi pas ndeshjes së fundit

Ndeshja u desh të zhvillohej në Camp Nou, por u shty për shkak të krizës politike dhe sociale në Kataluni.

La Liga e ka bërë të qartë se El Clasico, tani do të ishte mirë të zhvillohej me 4 dhjetor, ndërsa klubet e kishin gjetur datën e 18 dhjetorit si më të pëlqyerën për ta.

Lionel Messi – Sergio Ramos (Foto: David Ramos/Getty Images/Guliver)

Pra 18 dhjetori data që u pajtuan Barcelona dhe Real Madrid, nuk është pranuar nga La Liga, pasi në atë datë zhvillohen ndeshjet e Kupës së Mbretit.

Tani Komiteti i Konkurrencës i ka kërkuar RFEF (federatës) që të verifikojë nëse El Clasico do të lejohej të luhet në 18 dhjetor. /Telegrafi/

www.telegrafi.com

ulaş utku bozdoğan
ulaş utku bozdoğan astrolog
ulaş utku bozdoğan