Është hedhur shorti i Ligës së Evropës për raundin e 32-të. Skuadrat e kualifikuara në këtë fazë kanë njohur kundërshtarët e tyre.

Futbollistët shqiptarë kanë pasur disi fat pasi shorti i ka përballur me ekipe më të dobëta se ato.

Napoli i mbrojtësit kuqezi, Elseid Hysaj do të sfidohet nga ekipi gjerman Leipzig ndërsa Arsenalit të Granit Xhakës i ka buzëqeshur fati. “Topçinjtë” do të sfidojnë ekipin suedez, Ostersund.

Gjithashtu edhe për portierin Strakosha shorti ka qenë i mirë. Gardiani i Kombëtares do të udhëtojë në ndeshjen e parë ndaj FC Steaua Bucuresti.  Shorti ka qenë i pamëshirshëm për Atalantën e Etrit Berishës. Skuadra e portierit kosovar të Kombëtares sonë do të sfidojë një ndër pretendentët kryesorë për këtë trofe, gjigantët gjermanë të Dortmund.

Gjigantët italian të Milan do të përballen me skuadrën bullgare Ludogortes.

Nga Mekiksa e largët vjen një lajm i bujshëm, që më pas është ridimensionuar falë ndërhyrjes së shpejtë dhe efikase të policisë lokale, që ka riparuar dëmet. Në fakt, të premten e kaluar është vjedhur trofeu i Europa League nga një furgon në qytetin Guanajuato, ku ndodhej me rastin e një turi promocional që po organizohej nga Uefa. Grabitja, që është raportuar nga të gjitha mediat meksikane, ka vënë menjëherë në alarm policinë lokale që brenda një kohe shumë të shpejtë ka mundur të rikuperojë kupën dhe më pas ka dhënë lajmin e mirë përmes një njoftimi një rrjetin social Twitter. Nuk ka shumë detaje për mënyrën e gjetjes së trofeut dhe arsyet e grabitjes, por gjithsesi rëndësi ka që trofeu është sërish në duart e të zotëve.

Sipas raportimeve të medias meksikane, personat përgjegjës që po transportonin kupën kishin ndaluar në një restorant për të ngrënë tacos (një ushqim tradicional vendas, i njohur në mbarë botën), në momentin që ndodhi grabitja. Hajdutët kanë arritur të hapin fugonin dhe të vidhnin trofeun e famshëm, por aventura e tyre nuk ka zgjatur shumë dhe pastaj janë vënë në pranga. Finalja e Europa League është programuar për t’u luajtur më 16 maj në Lion të Francës, ku do të vihen përballë dy fituesit e çifteve Arsenal-Atletico Madrid dhe Marseill-Salzburg./EDS/

#PGJEInforma Que a través de elementos de la @AIC_Guanajuato es recuperada la copa @EuropaLeague tras recibir la denuncia que había sido robada del vehículo que la trasladaba posterior a un evento en @municipio_leon. pic.twitter.com/TF8sKjVRAe

— PGJE (@PGJEGUANAJUATO) April 20, 2018

Arsenali dhe Atletico Madrid janë skuadra të cilat kanë histori në kupat evropiane, por gjurmë kanë lënë edhe Salzburg dhe Marseille. Këto shifra tregojnë për duelet anglezo-spanjolle dhe ato francezo-austriake në Evropë. Gjithashtu ka detaje interesante edhe për historikun secilit ekip në këtë fazë.

Statistikat

Marseille është përballur 6 herë me klubet austriake ku ka fituar 2 herë, barazuar 2 herë dhe humbur 2 herë. Por francezët në 3 takimet e fundit nuk kanë fituar.

Ndërsa Salzburg, nuk e njeh humbjen në 3 takime kundër klubeve franceze. Ata i kanë fituar të tria sfidat

Marseille është ndeshur vetëm një herë në një fazë të eliminimit direkt kundër një klubi të shtetit tjetër. Marseille mundi Austria Wien në sezonin 2003/2004 në Champions League në raundin e tretë kualifikues (1-0 jashtë; 0-0 në shtëpi).

Ateltico nuk ka arritur të fitojë në 3 takimet e fundit kundër rivaleve angleze (2 barazime dhe 1 humbje), ehde pse kjo humbje ëhstë e vetmja në 8 takimet e fundit kundër klubeve nga Premier League.

Arsenali nuk është ndeshur me rivalë spanjollë që nga sezoni 2015/16, kur ata u mundën me rezultatin përgjitshhëm 5-1 nga Barcelona në Champions (0-2 në shtëpi; 3-1 jashtë)

“Topçinjtë” kanë fituar vetëm 1 nga 6 sfidat kundër klubeve të La Liga-s (4 i kanë humbur, nga kët 3 janë të fundit)

Arsenali ka 8F 3B 3H kudër klubeve spanjolle, kurse Atletico 2F 6D 4H

Arsenali është përballur vetëm një herë në gjysmëfinale kundër një ekipi spanjoll (eliminuan Villareal në 2005/06 në Champions).

Atletico në gjysmëfinale në Europa League është ndeshur më parë me Liverpool (e eliminoi dhe fitoi trofeun në 2009/10). Ndërkohë në Champions në sezonin 2013/14 bardhekuqtë eliminuan Chelsea-n në gjysmëfinale. /EDS/

Janë përcaktuar dy ndeshjet gjysmëfinale në Ligën e Evropës. Sfida më interesante do të jetë ajo midis Arsenalit dhe Atletico Madrid-it, ndërkohë që pritet të dhurojë spektakël edhe dueli midis Marseille dhe Salzburg.

Vëmendja do të jetë në takimin midis “Topçinjve” dhe bardhekuqve, skuadra këto që ndryshe nga vitet e tjera, ku luftojnë në Champions, këtë herë konkurrojnë Ligën e Evropës. Interesim ka edhe takimi midis Marseille-s dhe Salzburg-ut, ku te austriakët luan Valon Berisha, një nga elementët kryesorë të ekipit.

Europa League - Gjsymëfinalet

Marseille – Salzburg

Arsenal – Atletico Madrid

Datat

Ndeshja e parë: 26 prill

Ndeshja e kthimit: 3 maj

Finalja: E mërkurë 16 maj “Stade de Lyon”, Lyon