Europa shpëton Milanin dhe Piolin, e ardhmja e trajnerit vendoset në fund të sezonit

11 Shkurt 2020

Humbja në derbi, aq më tepër për mënyrën se si u ndërtua ajo, ka turbulluar sërish atmosferën te Milan. Pas një ecurie pozitive në ndeshjet e para të vitit 2020, skuadra kuqezi është kthyer te zhgënjimi. Vetëm një pikë në dy ndeshjet e fundit kanë risjellë në vëmendje dyshimet që lidhen mbi të ardhmen, sidomos atë të trajnerit Stefano Pioli.

234325873 16c258bc 74d9 4b8a Bba0 81bbb004c285

Rikthimi në Europë është mundësia e vetme për të shpëtuar sezonin, por edhe pankinën e teknikut. Milan renditet në vendin e dhjetë me 32 pikë pas 23 javëve të luajtura. Deri tek Atalanta e vendin e të katërt janë dhjetë pikë diferencë, çka e bën thuajse të pamundur misionin për një vend në Champions. Në këtë mënyrë, Liga e Europës mbetet objektivi kryesor i Milanit. Kuqezinjtë janë vetëm dy pikë larg zonës europiane, ndërsa mund ta arrijnë kualifikimin edhe nga Kupa e Italisë.

Capture B8f70ffcdeebeff80248b06f9542c302b88f83925cc02dff 1920×1080

Por asgjë nuk është e lehtë. Gara në kampionat është shumë e fortë, ndërsa në Kupë, Milanin e presin dy gjysmëfinalet kundër Juventus. Në këtë mënyrë, Pioli dhe të besuarit e tij duhet të ndryshojnë shumë shpejt kurs për të mos I shtuar një tjetër sezon zhgënjyes ecurisë larg emrit të madh që po jeton në vitet e fundit skuadra kuqezi.
(balkanweb)

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.Grupi Balkanweb
www.balkanweb.com