F1 studion ndryshimet e reja të nisjes fillestare

Ti mund ta lexosh kete ne 1 min.
12 Janar 2018 18:46
Këtë e zbuloi ish-kreu i teknikëve të Williams

Procedurat e trajnimit dhe të njëjtat modalitete fillestare në nisjen e garës në Formula 1 së shpejti mund të ndryshojnë. Në fakt, simulimet janë duke u zhvilluar për të vlerësuar nëse ka mënyra më të sigurta dhe më spektakolare për të filluar Grand Prix.

Këtë e zbuloi ish-kreu i teknikëve të Williams, Pat Symonds - i cili tani është pjesë e specialistëve të ngarkuar nga bosi i ri i F1, Ross Brawn, për të studiuar dhe përcaktuar rregulla të reja për cirk - MIA Entertainment & Energy – Efficient Motorsport Conference të Birmingham.

«Për shumë vite, rrjeta fillestare e nisjes në garat e F1 është një formacion i shkallëzuar. Dhe ne e dimë se një nga problemet tona është se, jo vetëm, e vendosim makinën më të shpejtë në fillim të garës, por ne gjithashtu e ndajmë atë nga të tjerët”, shpjegoi Symonds.

"Por nuk ishte gjithmonë kështu, ka pasur një kohë kur makinat u rreshtuan dy herë në të njëjtën kohë dhe, edhe një herë - kemi një fotografi në selinë tonë në Londër, që unë mendoj se është marrë në Monza - ku ishin katër makina në radhën e parë”.

“Çfarë do të ndodhte nëse do ta bënim përsëri? A do të kemi një raund të parë shumë më emocionues apo një përplasje të madhe në qoshen e parë? " Përgjigja, tha trajneri, do të vijë nga statistikat e përpiluara pas simulimet në një "mjedis virtual", në mënyrë që të shmangim gabimet, siç ndodhi në vitin 2016, kur "dikush që nuk është i përfshirë në F1 vendosi se do të ishte një ide e mirë të ndryshojë procedurën e kualifikimit" dhe ishte "një fatkeqësi ". /EDS/

Formula 1/ Piloti i Ferrarit habit me deklaratën në prag të garës së Azerbajxhanit

Ti mund ta lexosh kete ne 1 min.
26 Prill 2018 17:58
Kjo nuk pritej në këtë skuteri

Sigurisht që Sebastian Vettel nuk ka asnjë kujtim të bukur nga Çmimi i Madh i Azerbajxhanit, duke parë që vitin e shkuar në këtë cirkuit u përfshi në përplasjen me Hamilton. Ndërsa gjermani në mikrofonin e Sky Sport është kthyer që të flasë për kontaktin që ka pasur në Kinë me Max Verstappen.

“Natyrisht që nuk doja që të garoja në mënyrën më të rëndë me të në Kinë, sepse nuk kisha asgjë për të fituar. Në thelb kam pritur që ai të kalonte, por sigurisht që nuk mund të prisja që të vinte mbi mua. Besoj se kam shumë për të mësuar nga ai gabim i thjeshtë që nisi nga unë. Në fund të garës kemi folur me njëri-tjetrin dhe besoj se ka qenë e mjaftueshme”.

Vettel më pas foli edhe për garën e ardhshme, duke e hequr veten nga roli i favoritit. “Nuk jemi ne favoritët. Sipas mendimit tim duhet të shohim tre makinat e nivelit parësor, si përherë, diferencën e bëjnë vetëm detajet. Kush do të jetë në gjendje të dallojë diçka, ai do të ketë shanset që të fitojë. Ne do ta nisim nga një bazë optimale, makina është e fortë dhe e ka treguar në të tre cirkuitet ku kemi garuar”.

Ai gjithashtu u pyet edhe për një shaka të mundshme mbi Daniel Ricciardo: “Nuk e di se si më sheh si shokun e ri të skuadrës. Unë nuk mund ta ndihmoj. Nga Daniel kam kujtime të bukura. Kemi garuar së bashku te Red Bull, në një vit që ishte i komplikuar për mua. Për atë që më mbetet të shtoj? Të garoj më së miri, ka fituar në Kinë”. /EDS/

MotoGP/ Shpërthen Jorge Lorenzo: Ja si më kopjoi Valentino Rossi

Ti mund ta lexosh kete ne 1 min.
26 Prill 2018 17:41
Formula e suksesit

Mes Jorge Lorenzo-s dhe Valentino Rossi-t nuk ka pasur asnjëherë raport të mirë, aq sa mes të dyve është vendosur një mur ndarës në bokse për të mos shkëmbyer asnjë informacion. Rivaliteti ka nisur në fillim të vitit 2015 kur spanjolli fitoi Botërorin nën ndikimin e Marquez-it. Nuk kanë munguar dhe shigjetat apo sulmet ndaj “Doktorit” nga ana e Lorenzo-s në librin e tij të ri “Ato që kam mësuar deri në fund të 30-ave – Sekretet e mia për të arritur suksesin mbi gjithçka që më propozohet”.

Në një nga shkrimet autobiografik shkruhet: “Valentino sapo ishte rikthyer te Yamaha dhe kishte dëshirën për t’u ringritur në nivelet e larta. Një ditë mësova se trajneri im, Antonio Casciani, ishte parë me Rossi-n dhe trajnerin e tij Tavullia dhe u kishte shpjeguar se si stërvitesha. Në atë moment kam ndërprerë raportin tim me Antonio-n. Valentino nisi që të stërvitej me motorin në mënyrë të njëjtë si unë, duke bërë ushtrime të njëjtë me të mitë. Nuk e di nëse kjo mund të ishte një rastësi, por nisi që të ishte më konkurrues”.

Spanjolli vijoi më tej. “Më kopjoi edhe vendosjen para çdo garë, por nuk mund të pranoja se si më kopjoi dhe stërvitjen. Fillova të dyshoja, nuk doja që Meregalli të ishte në takimin mes teknikëve sepse mund t’ia tregonte çdo gjë Valentino-s. Këshilla ime pasi më ndodhi kjo ishte që të mbaja sekret çdo gjë që më jepte avantazh ndaj rivalëve”. /EDS/

Formula 1/ McLaren ka bërë ndryshime, por Alonso jep deklaratën e bujshme

Ti mund ta lexosh kete ne 1 min.
25 Prill 2018 17:52
Ja çfarë thotë piloti spanjoll

Çmimi i Madh i Azerbajxhanit do të nisë shumë shpejtë, ndërsa Fernando Alonso mban vendin e gjashtë në klasifikimin për pilotë, ndërkohë që McLaren pozicionohet ne vendin e katërt për instruktorë. Në fillimin e kësaj gare piloti spanjoll nuk duket optimist. “I dimë limitet e makinës tonë dhe duhet të përmirësohemi në paketat e brendshme”. Kështu është shprehur për shtypin spanjoll dy herë kampioni i botës.

“Çdo fundjavë ne bëjmë përmirësime të vogla në makinë, por nuk presim një hap të madh përpara, bëhet fjalë për garën e fundjavës që do të zhvillohet në Baku. Nuk do të jetë një ndryshim radikal i prezantimit tonë. Gjithsesi, MCL33 është një makinë me një potencial të mirë dhe çdo herë që zbresim në pistë arrijmë që të mësojmë diçka”.

“Në Azerbajxhan do të maksimizojmë paketën, duke kërkuar që të marrim sa më shumë pikë të jetë e mundur. Gara e vitit të shkuar ishte sigurisht e harrueshme për ne. Ishte Çmimi i Madh ku ne shënuam pikët e para në kampionat dhe kërkoj që të ripërsërisim të njëjtën gjë gjatë kësaj fundjave”, përfundoi ish-piloti i Ferrari-t. /EDS/

MotoGP/ Fitorja e Marquez në Amerikë nuk ishte një hakmarrje

Ti mund ta lexosh kete ne 1 min.
25 Prill 2018 16:49
Kjo është deklarata e menaxherit të Honda-s

Fitorja e Marc Marquez në pistën Austin të Teksasit ka ndaluar dhe polemikat që u krijuan pas Çmimit të Madh të Argjentinës. Në shtëpinë e Honda-s ka një kënaqësi të veçantë për mënyrën se si shkuan gjërat në Teksas, diçka që e konfirmon dhe menaxheri i skuadrës, Alberto Puig për mikrofonat e së përditshmes spanjolle “AS”.

“Objektivi ynë ishte që të fitonim garën dhe këtë objektiv e arritëm. Nuk e shoh si një hakmarrje nga ana e Marquez. Ka marrë 25 pikë, pikërisht objektivin që kishim në këtë pistë. Na duhet që të jemi të lumtur. Nuk mund të them se pse Marquez është aq dominues në Austin. E vërteta është se është shumë i shpejtë dhe këtë herë kishte supermaci totale, të pakontestueshme”.

Sa i përket raportit mes Honda-s dhe konurrentëve të tjerë, drejtuesi spanjoll ka shtuar: “Mendoj që motorët tanë janë duke shkuar shumë mirë dhe po punojmë që të jemi në gradën për të ofruar produktin më të mirë për pilotët tanë. Nuk e di nëse Honda po përmirësohet në kampionat. Besojmë se këtë vit motori ynë është më i miri në respekt të vitit të shkuar. Ka më tepër forcë, kjo duket qartë. Çdo gjë shkon mirë dhe pilotët janë të lumtur, por kjo nuk dot thotë se nuk duhet të kërkojmë të përmirësohemi”.

Në fund shprehet edhe për ish-pilotin e tij, Dani Pedrosa: “Mendoj se ka bërë shumë mirë. Ka qenë një fundjavë shumë e vështirë për të dhe sërish ka treguar kurajo. Për Dani-n është një hap i rëndësishëm që arriti t’ia dalë në këto kushte”. /EDS/