Favoritët e Ligës së Kampionëve, sipas Arsene Wenger

03 Gusht 2020

Manchester City dhe Paris Saint-Germain duhet të konsiderohen favoritë për edicionin e sivjetmë të Ligës së Kampionëve – konsideron Arsene Wenger.

Gara më e madhe evropiane do të rikthehet këtë javë pas mungesës disamujore si pasojë e pandemisë së coronavirusit, ndërsa ishte ndërprerë në fazën e 1/8 së finales.

Në këtë fazë kanë mbetur pa zhvilluar edhe katër ndeshje kthyese, ndërsa më pas çerekfinalja, gjysmëfinalja dhe finalja do të zhvillohen në Lisbonë të Portugalisë.

(Foto: Boris Streubel/Getty Images for Laureus/Guliver)

“Kur zhvillon një ndeshje ndaj Atalantas apo Atletico Madridit, gjithçka mund të ndodhë. Mirëpo, sipas meje, Manchester City dhe PSG janë dy favoritët sa i përket potencialit që kanë”, ka deklaruar Wenger për Europe 1.

Megjithatë, ish-trajneri i Arsenalit konsideron se skuadra e tanishme e kampionit të Francës është më e dobët sesa para disa vitesh, mirëpo mendon se konkurrenca asokohe ka qenë më e fortë se aktualisht. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com