Finalja e çmendur e Kupës UEFA: 9 gola dhe një ëndërr e ndërprerë! (VIDEO)

Ti mund ta lexosh kete ne 7 min.
10 Janar 2018 18:10
Historia e duelit të famshëm mes Liverpool dhe surprizës Alaves e 17 viteve më parë

Një autogol i pafat në minutat e fundit mposht spanjollët e Alaves, duke caktuar Liverpool-in si fitues në finalen e Kupës UEFA në përfundim të një ndeshjeje të pabesueshme dhe emocionuese: 5-4 rezultati përfundimtar, në minutën e 26-të të kohës shtesë, pasi koha e rregullt u mbyllë me rezultatin 4-4.

Imagjinoni Lushnjen ose Kamzën në finalen e Europa League kundër Liverpool-it? Diçka që kërkon shumë imagjinatë: në fakt, si mundet një ekip që nuk ka luajtur kurrë në Europë, që ka një palmares të zbrazët dhe që ka lojtarë vendas dhe të huaj jo të famshëm, që herën e parë që luan në Europë të arrijë deri në finale, duke guxuar të sfidojë një klub të pasur dhe me histori, me shumë “yje” në fushë dhe 37 trofe në palmares? Nuk ka dyshim: do të ishte një histori e mrekullueshme.

Finalja e Kupës UEFA ndërmjet Liverpool-Alaves e sezonit 2000/01, përshkruan më së miri këtë situatë. 37 trofe, nga të cilat 6 Kupa Europiane (4 Champions, 2 Uefa) kundër 0, 28 “edicione” europiane kundër 1.

Alaves është ekipi i futbollit i Vitoria, kryeqyteti i provincës Alava dhe kryeqyteti administrativ i vendit bask. Ka 80 vjet histori, por vetëm 8 sezone në “Primera Division”; 13,500 të anëtarësuar dhe një stadium, “Mendizorroza”, i cili nuk arrin 20,000 vende. Në debutimin e saj në Kupën Uefa, fiton 7 ndeshje nga 12, duke humbur vetëm një nga dy derbet iberik kundër Rayo Vallecano dhe eliminon rivalë me emër si norvegjezët e Rosenborg-ut, Inter-in që u poshtërua në San Siro dhe gjermanët e Kaiserslautern-it, të shkatërruar në gjysmëfinale me një rezultat të përgjithshëm 9-2.

Trajneri protagonist i kësaj mrekullie është José Manuel Esnal, i quajtur “Mané”, trajner 53-vjeçar, i cili në karrierën e tij deri më tani ka fituar dy kampionate të divizionit të tretë dhe dy kampionate të divizionit të dytë. Mané ka një nuhatje për talentet në tregjet pak të rrahur. Dhe? kështu që ai zbuloi rumunin Contra, kroatin Vucko, norvegjezin Eggen dhe serbin Tomic, që ishte i harruar te Roma, bomberin Javi Moreno, i skarcuar nga Barcelona dhe Jordi Cruijff, që ishte lodhur duke fituar në Manchester pa luajtur dhe që po përpiqej të fitonte një trofe në Europë 28 vjet pasi asaj që i ati kishte fituar me Ajax.

Pastaj, ishte i qartë në caktimin e roleve: 15 “titullarë”, pjesa tjetër të grumbulluar dhe duke pritur, në heshtje, momentin e tyre. Ai moment, sidomos në Europë, vinte shpesh. Tre shembuj: Epitiéi ardhur nga ekipi B, vendimtar kundër Lillestroem; Ganan, zero minuta në La Liga, shënoi një gol në Kaiserslautern; Vucko, një lojtar rezerve, në kupën Uefa mund të krenohej me 4 gola në 211 minuta.

Liverpool nuk ka nevojë për ndonjë hyrje. Drejtohet nga Houllier, një trajner francez i cili zëvendësoi Evans-in në nëntor të vitit 1998, pasi të dy bashkëdrejtuan së bashku ekipin; duke përshtatur parimin e Churchill që demokracia funksionon kur janë dy njerëz që vendosin. Evans bën një hap prapa, duke deklaruar se situata ishte një burim konfuzioni; Houllier pastaj bëhet trajner i vetëm, duke qëndruar në detyrë deri në 2004.

Duke përfituar nga ambienti dhe talentet që kishte në ekip me lojtarë si Robbie Fowler, McManaman (i cili së shpejti do të largohet drejt Real Madridit), dhe i riu Michael Owen, Jamie Carragher, Steven Gerrard me kalimin e kohës vijnë edhe Babbel dhe Hyypia, i cili do të bëhet kapiten i “Reds”. Houllier-it i duhen 3 vjet për ta çuar ekipin në majat e futbollit.

Rruga në UEFA për Liverpool-in është me pengesa dhe pas raundeve të para që i kalon pa problem, I duhet të përballet me Romën në raundin tjetër. Roma ndalet nga Liverpool me një Owen në superformë që bën të heshtë “Olimpico”-n me një të dopjetë, duke i mbyllur të gjitha llogaritë. Gjysmëfinalja me Barcelonën është e një niveli komplet tjetër. Në “Camp Nou”, Liverpool vuan dhe vendos të jetë një ekip sulmues, por pa rezultat pasi ndeshja mbaron 0-0, një rezultat gjithsesi i vlefshëm. Në ndeshjen tjetër anglezët janë më agresivë dhe të vendosur dhe kalojnë në finale me anë të një penalltie realizuar nga Gary McAllister. Mjafton që të shkojnë në finale gjashtëmbëdhjetë vjet pas mbrëmjes tragjike të Heysel.

Finalja është spektakolare dhe e çmendur në fushë, por një “party” i vërtetë jashtë. Asgjë e ngjashme me spektaklin e pahijshëm të ofruar vitin e kaluar në Kopenhagen nga grupimet e tifozëve të dehur dhe të dhunshëm të Arsenal-it dhe Galatasaray, të cilët mbollën panik për 24 orë në qendër të kryeqytetit danez. Miqësia midis britanikëve dhe baskëve krijuan një atmosferë të bukur në rrugët e Dortmund-it. Në mes të birrave gjigante dhe verës, wurstel pa limit një paella gjigante të përgatitur nën tendën që mirëpret 13 mijë njerëz, orët e pritjes kalojnë. Pastaj, të gjithë në stadium.

Megjithatë, të paktën për 20 minuta, Alaves “zhduket”. Goditja e parë dhe menjëherë gol: goditje dënimi e McAllister, Babbel shmang Astudillo dhe shënon pas 3 minutash dhe 2 sekondash. Alaves ka marrë goditje tashmë, reagon në minutën e 13-të me një goditje nga Óscar Téllez, devijuar në korner nga Westerveld, por në minutën e 16 ndëshkohet përsëri: Owen nis një top për Gerrard që gjuan me një të djathë vdekjeprurëse dhe shënon. Duket se është goditja e knock-out për Alaves, por Mané bën një lëvizje në minutën e 23-të që do të rezultojë e suksesshme: jashtë Eggen, mbrojtës, brenda Ivan Alonso, sulmues. Kalojnë 4 minuta dhe uruguaiani dërgon rezultatin në 1-2, duke rihapur gjithçka.

Tani Liverpool gjithashtu po kalon një çerek orësh të keq. Skuadra që e kishte mbyllur pa pësuar gol në 12 ndeshjet e para në këtë kompeticion , vihet në vështirësi nga baskët. Javi Moreno, shënuesi n. 1 i La Ligës, humbet rastin të barazojë rezultatin në minutën e 36-të duke e nxjerrë jashtë. Anglezët qetësohen në minutën e 41-të: McAllister shënon me anë të një penalltitë të siguruar nga Owen. E mbaruar? Jo, jo edhe këtë herë.

Alaves, e mësuar me përmbysje pasi edhe me Interin bëri të njëjtën gjë: Mendon Javi Moreno që në harkun e 2 minutave shënon plot 2 herë duke barazuar rezultatin. Në këtë pikë Houllier dhe Mané vendosin të ndryshojnë lojtarët: francezi rrezikon duke aktivizuar Smicer dhe Fowler, ndërsa Mané heq Javi Moreno, duke menduar, me sa duket se sulmuesi i tij s’ka çfarë të japë më dhe mbi të gjitha, është i lodhur.

Fati kësaj here do të jetë me trajnerin francez: pikërisht Fowler duke përfituar nga hapësirat e lëna bosh shkaktuar nga lodhja shënon golin që dërgon rezultatin në 4-3.

Finale? Jo as këtë herë, sepse Jordi Cruyff, djali i artë që dëshiron një trofe 28 vjet më vonë, pas atij të fituar nga babai i tij, i cili kërkon një sukses ndërkombëtar edhe për shkak të atij mbiemri që mban mbi supe, shënon disa sekonda nga fundi. Ndeshja shkon në kohë shtesë, ku asgjë nuk ka më vlerë, me përjashtim të nervave, të cilat tradhtojnë Alaves, pasi dy lojtarë janë larguar me të kuq. Megjithatë, ekipi i Mané, i reduktuar në nëntë lojtarë, pothuajse e bën ndeshjen të arrijë në penallti, momentin ku edhe të mëdhenjtë shpesh i kap paniku. Fatkeqësisht vjen autogoli i Geli dhe Liverpool-i është, përsëri në krye të Evropës.

SKEDA E NDESHJES:

Westfalenstadion, Dortmund, 16 Maj 2001

 

LIVERPOOL - ALAVES 5-4

Golat: 4 '1-0 L: Markus Babbel; 16 '2-0 L: Steven Gerrard; 27 '2-1 A: Iván Alonso; 41 '3-1 L: Gary McAllister (rig); 48 '3-2 A: Javi Moreno; 51 '3-3 A: Javi Moreno; 73 '4-3 L: Robbie Fowler; 89 '4-4 A: Jordi Cruijff; 116 '5-4 L: Delfi Gelí (aut)

Liverpool: 1-Sander Westerveld; 23-Jamie Carragher, 2-Stephane Henchoz (7-Vladimir Smicer 56), 12-Sami Hyypia, 6-Markus Babbel; 17-Steven Gerrard, 21-Gary McAllister, 16-Dietmar Hamann, 13-Danny Murphy; 8-Emile Heskey (9-Robbie Fowler 65), 10-Michael Owen (15-Patrik Berger 79)

Alaves: 1-Martin Herrera; 2-Cosmin Contra, 5-Antonio Karmona, 6-Oscar Tellez, 4-Dan Eggen (19-Ivan Alonso 23), 7-Delfi Geli; 14-Jordi Cruyff, 15-Ivan Tomic, 16-Hermes Desio, 18-Martin Astudillo (11-Magno Mocelin 46) 9-Javi Moreno (10-Pablo 65)

Arbitri: Gilles Veissiere (Francë)

 

 

E bujshme, Europa League grabitet në Meksikë me ndihmën e... tacos!

Ti mund ta lexosh kete ne 1 min.
21 Prill 2018 18:58

Nga Mekiksa e largët vjen një lajm i bujshëm, që më pas është ridimensionuar falë ndërhyrjes së shpejtë dhe efikase të policisë lokale, që ka riparuar dëmet. Në fakt, të premten e kaluar është vjedhur trofeu i Europa League nga një furgon në qytetin Guanajuato, ku ndodhej me rastin e një turi promocional që po organizohej nga Uefa. Grabitja, që është raportuar nga të gjitha mediat meksikane, ka vënë menjëherë në alarm policinë lokale që brenda një kohe shumë të shpejtë ka mundur të rikuperojë kupën dhe më pas ka dhënë lajmin e mirë përmes një njoftimi një rrjetin social Twitter. Nuk ka shumë detaje për mënyrën e gjetjes së trofeut dhe arsyet e grabitjes, por gjithsesi rëndësi ka që trofeu është sërish në duart e të zotëve.

Sipas raportimeve të medias meksikane, personat përgjegjës që po transportonin kupën kishin ndaluar në një restorant për të ngrënë tacos (një ushqim tradicional vendas, i njohur në mbarë botën), në momentin që ndodhi grabitja. Hajdutët kanë arritur të hapin fugonin dhe të vidhnin trofeun e famshëm, por aventura e tyre nuk ka zgjatur shumë dhe pastaj janë vënë në pranga. Finalja e Europa League është programuar për t’u luajtur më 16 maj në Lion të Francës, ku do të vihen përballë dy fituesit e çifteve Arsenal-Atletico Madrid dhe Marseill-Salzburg./EDS/

 

Shifrat/ E kaluara e gjysmëfinalisteve te Europa League në shifra

Ti mund ta lexosh kete ne 1 min.
13 Prill 2018 13:00
Duelet anglezo-spanjolle gjithnjë dhurojnë emocione

Arsenali dhe Atletico Madrid janë skuadra të cilat kanë histori në kupat evropiane, por gjurmë kanë lënë edhe Salzburg dhe Marseille. Këto shifra tregojnë për duelet anglezo-spanjolle dhe ato francezo-austriake në Evropë. Gjithashtu ka detaje interesante edhe për historikun secilit ekip në këtë fazë.

Statistikat

Marseille është përballur 6 herë me klubet austriake ku ka fituar 2 herë, barazuar 2 herë dhe humbur 2 herë. Por francezët në 3 takimet e fundit nuk kanë fituar.

Ndërsa Salzburg, nuk e njeh humbjen në 3 takime kundër klubeve franceze. Ata i kanë fituar të tria sfidat

Marseille është ndeshur vetëm një herë në një fazë të eliminimit direkt kundër një klubi të shtetit tjetër. Marseille mundi Austria Wien në sezonin 2003/2004 në Champions League në raundin e tretë kualifikues (1-0 jashtë; 0-0 në shtëpi).

Ateltico nuk ka arritur të fitojë në 3 takimet e fundit kundër rivaleve angleze (2 barazime dhe 1 humbje), ehde pse kjo humbje ëhstë e vetmja në 8 takimet e fundit kundër klubeve nga Premier League.

Arsenali nuk është ndeshur me rivalë spanjollë që nga sezoni 2015/16, kur ata u mundën me rezultatin përgjitshhëm 5-1 nga Barcelona në Champions (0-2 në shtëpi; 3-1 jashtë)

“Topçinjtë” kanë fituar vetëm 1 nga 6 sfidat kundër klubeve të La Liga-s (4 i kanë humbur, nga kët 3 janë të fundit)

Arsenali ka 8F 3B 3H kudër klubeve spanjolle, kurse Atletico 2F 6D 4H

Arsenali është përballur vetëm një herë në gjysmëfinale kundër një ekipi spanjoll (eliminuan Villareal në 2005/06 në Champions).

Atletico në gjysmëfinale në Europa League është ndeshur më parë me Liverpool (e eliminoi dhe fitoi trofeun në 2009/10). Ndërkohë në Champions në sezonin 2013/14 bardhekuqtë eliminuan Chelsea-n në gjysmëfinale. /EDS/

Gjysmëfinalet/ Finale e parakohshme Arsenal – Atletico në Europa League

Ti mund ta lexosh kete ne 1 min.
13 Prill 2018 12:19
Marseille do të përballet me Salzburg e Berishës

Janë përcaktuar dy ndeshjet gjysmëfinale në Ligën e Evropës. Sfida më interesante do të jetë ajo midis Arsenalit dhe Atletico Madrid-it, ndërkohë që pritet të dhurojë spektakël edhe dueli midis Marseille dhe Salzburg.

Vëmendja do të jetë në takimin midis “Topçinjve” dhe bardhekuqve, skuadra këto që ndryshe nga vitet e tjera, ku luftojnë në Champions, këtë herë konkurrojnë Ligën e Evropës. Interesim ka edhe takimi midis Marseille-s dhe Salzburg-ut, ku te austriakët luan Valon Berisha, një nga elementët kryesorë të ekipit.

Europa League - Gjsymëfinalet

Marseille – Salzburg

Arsenal – Atletico Madrid

Datat

Ndeshja e parë: 26 prill

Ndeshja e kthimit: 3 maj

Finalja: E mërkurë 16 maj “Stade de Lyon”, Lyon

VIDEO | Marseille kualifikohet me manita ndaj Leipzig, kalon edhe Atl.Madrid

Ti mund ta lexosh kete ne 2 min.
12 Prill 2018 23:08
Payet ylli i mbrëmjes

Marseille është kualifikuar në gjysmëfinale të Europa League pasi mposhti me rezultatin e thellë 5-2 “Stade Vélodrome” ekipi e Leipzig. Të besuarit e Garcia kualifikohen më rezultatin e përgjithshëm 5-3, pasi ndeshja e parë zhvilluar në Gjermani u mbyll me fitoren minimale të vendasve 1-0. Pas suksesit në Gjermani 1-0, Leipzig luan pa presion dhe pas një aksioni të shpejtë kaloi në avantazh me anë të Bruma, që shfrytëzoi asistin e sulmuesit Augustin pas 2’ minutash lojë. Festa është e gjitha për gjermanët, por gjithsesi gëzimi nuk zgjati shumë, sepse 4’ minuta më vonë Ilsanker shkaktoi autogol duke vendosur baraspeshën. Goli u jep zemër francezëve, që në aksionin e radhës kalojnë për herë të parë në avantazh në këtë takim. Pas një zbritjeje të shpejtë në sulm Sanson gjuan dy herë në drejtim të portës, por në të dyja rastet portieri Gulacsi tregohet vigjilent duke larguar rrezikun. Gjithsesi në rastin e tretë Sarr nuk e ka të vështirë ta dërgojë sferën në rrjetë. Pak para fundit të pjesës së parë Marseille shënoi edhe golin e tretë me anë të sulmuesit Thauvin, pas krosit nga një goditje dënimi e ekzekutuar nga Payet (38’).

Pjesa e dytë është më interesante me Leipzig që luan në sulm, pasi nuk ka çfarë të humbasë. Pas një aksioni të shpejtë topi shkon te Keita, i cili pasi driblon kundërshtarët e pason për Augustin, i cili nga brenda zonës nuk e ka të vështirë ta dërgojë në rrjetë (55’). Gjithsesi gëzimi zgjat vetëm pesë minuta, pasi Payet shënoi një gol të mrekullueshëm duke i dhënë një goditje të fortë shpresave të gjermanëve për të kaluar më tej. Në minutat e fundit Marseille, menaxhon avantazhin, ndërsa Sakai i dha goditjen e nokautit shpresave të miqve duke blindur kualifikimin.

Atl. Madrid është kualifikuar në gjysmëfinale të Europa League edhe pse në ndeshjen e kthimit u mposht 1-0 në Portugali nga Sporting. Vendasit e nisën shumë mirë ndeshjen duke kaluar të parët në avantazh, por vetëm kaq, pasi spanjollët u mbrojtën mirë dhe falë fitores 2-0 në ndeshjen e parë kaluan më tej. 45’ minutat e para të ndeshjes u mbyllën me avantazhin minimal të vendasve, 1-0. Sporting e nisi në sulm ndeshjen dhe pas disa aksionesh të rrezikshme Montero kaloi portugezët në epërsi duke e shfrytëzuar në maksimum krosin e Fernandes nga e djathta. Atl. Madrid mundohet të reagojë, por pavarësisht dëshirës së spanjollëve ky fraksion u mbyll në shifrat 1-0. Në pjesën e dytë Atl. Madrid mbrohet mirë dhe provon me kundërsulm, me portugezët që i afrohen disa herë golit të barazimit, por Oblak bën disa ndërhyrje vendimtare. Pavarësisht rasteve të rrezikshem ndeshja mbyllet me rezultatin 1-0, që i jep të drejt të besuarve të Simeone për të kaluar në gjysmëfinale. /EDS/