Napoli ka arritur që të bëjë një fitore të vështirë në Serie A, pikërisht në Bergamo kundër Atalanta-s. Pikërisht këto tri pikë e mbajnë Napolin të palëkundur në kreun e tabelës, duke vijuar javë pas jave për te qëllimi kryesor, fitorja e titullit kampion.
Kjo fitore ka ngritur në këmbë tifozët napolitan, të cilët janë grumbulluar në aeroportin e qytetit për të pritur skuadrën e tyre të zemrës. Kanë qenë afro 600 tifozë, të cilët kanë pritur mes entuziazmit dhe brohoritjeve Napolin dhe Hysajn.