Formacioni i javës në Ligën e Kampionëve, dominohet nga futbollistët e Leipzig

13 Mars 2020

Këtë javë janë zhvilluar katër ndeshje në kuadër të 1/8 së finales në Ligën e Kampionëve.

Atalanta ka marrë fitore të madhe te Valencia 3-4, teksa në anën tjetër RB Leipzig pa problem ka mposhtur Tottenhamin.

Të mërkurën Liverpool është mposhtur para tifozëve të vet 2-3 pas vazhdimeve nga Atletico Madrid.

E ndeshja tjetër e kësaj dite e zhvilluar në Parc de Princes i ka takuar PSG-së që ka mposhtur 2-0 Borussia Dortmundin.

Liga e Kampionëve ka publikuar edhe formacionin më të mirë të kësaj jave.

Ky formacion dominohet nga futbollistët e klubit gjerman RB Leipzig me portierin Gulasci si dhe mbrojtësit Klosterman, Upamecano dhe Angelino. Ndërkohë në repartin ofensivë është edhe Marcel Sabitzer.

Alvaro Morato dhe Llorente janë nga Atletico Madrid, derisa Kevin Gamerio dhe Ferran Torres nga Valencia.

Nga një përfaqësues kanë edhe Atalanta me Josip Ilicic dhe PSG me Juan Bernat. /Telegrafi/

www.telegrafi.com