Formula 1/ Lewis Hamilton dhe kontrata e re, vjen vendimi

Ti mund ta lexosh kete ne 1 min.
16 Maj 2018 17:52
Flet piloti

Duket thjesht një formalitet rinovimi i kontratës mes Lewis Hamilton dhe Mercedes. Palët e përfshira, në fakt, shumë herë kanë deklaruar se janë gati që të vijojnë të ardhme së bashku për të arritur tituj dhe fitore në seri.

Pak pas fitores në Barcelonë, vetë Hamilton deklaroi për shtypin anglez: “Arritëm që të bënim një takim me të gjithë kryetarët dhe kemi vetëm një person në skuadër që ka disa shqetësimë, se për çfarë, nuk e di. Po flasim për kontratën dhe nuk jemi shumë larg përfundimit të gjërave, shpresojmë që të ndodhë në të ardhmen e afërt”.

Qetësi edhe te drejtuesit, siç qartësojnë dhe fjalët e Toto Wolff: “Normalisht që ne nuk duam ta humbasim atë dhe nuk mendoj që të shkojë në një tjetër ekip, çdo gjë po shkon mjaft mirë. Nuk ka motiv pse ne duhet që të nxitojmë për diçka tjetër për vitin e ardhshëm, kemi pasur prioritete të tjera gjatë javëve të fundit, nuk kemi qenë të lumtur nga prezantimi i makinës tonë dhe duhet që të sistemojmë këto çështje. Përfundimi i një kontrate është një diçka që kërkon kohë. Kemi vendosur që të lëmë mënjanë këtë çështje për një moment, sepse duam ta mbyllim në momentin e duhur”. /EDS/

MotoGP | Marc Marquez nuk i ndahet Rossit

Ti mund ta lexosh kete ne 2 min.
18 Korrik 2018 15:30
Deklarata e spanjollit

Marc Marquez duket çdo ditë e më shumë si Zoti i këtij sezoni, e ka mbyllur pjesën e parë të sezonit me të nëntën fitore në karrierë në pistën e Sachsenring në Gjermani. Spanjolli në një intervistë për të përditshmen “Marca” është kthyer që të flasë për raportin e tij me Valentino Rossi-n.

“Dua t’ia di se si ja bën Rossi, sepse fizikun mund ta stërvitësh por kokën, motivimin dhe kapacitetin e të bërit gara, mediat, presionin, që nuk është stërvitur, është i çmendur, e admiroj shumë”.

Marquez nënvizon  se nuk është harruar çdo gjë nga e shkuara, duhet akoma kohë. “Për paqen nuk varet nga unë, pas vitit 2015 e kemi zgjidhur. Në Argjentinë problemi ndodhi gjatë garës, i kërkova falje dhe për këtë u dënova. Çfarë duhet të bëja tjetër?”.

Duke folur për shokët e skuadrës të së tashmes dhe të së ardhmes, kampioni i botës shtoi: “Nuk ndihem absolutisht keq për ardhjen e Jorge Lorenzo-s. Që të garosh me të njëjtin motor qartëson shumë gjëra, kushdo që humbet nuk ka justifikime dhe çdo pilot duhet të tregojë se është i fortë. Jam i lumtur që vjen dhe dua të shtoj se askush nuk do që të fitojë lehtësisht një garë. Për sa shoh Pedrosa-n, tërheqja e tij më trishtoi shumë, ka qenë një hero për të gjithë ne, për të gjithë fëmijët spanjollë që kanë nisur të drejtojnë një motor”, tha spanjolli që kryeson renditjen e MotoGP me 145 pikë, duke lënë pas me largësinë e 46 pikëve Valentino Rossi-n për këtë botëror. /EDS/

************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Formula 1 | Vettel bëhet gati për triumf në shtëpinë e tij

Ti mund ta lexosh kete ne 2 min.
18 Korrik 2018 12:11
Garohet në Hockenheim

Pas triumfit në Silverstone, Sebastian Vettel mbërrin në Çmimin e Madh që do të diskutohet në shtëpinë e tij, me moralin për të marrë pikët maksimale edhe në Hockenheim. “Hockenheim është gara ime e shtëpisë! Është më pak se 50 kilometër larg nga vendi ku unë kam lindur: jeni të mirëpritur!”. Me këto fjalë ferraristi prezanton garën e ditës së diel.

Vettel më pas analizon edhe karakteristikat e pistës: “Forma e ‘U’-së është vendi më mirë për të bërë parakalimet sepse është e rëndësishme që të frenosh në vendin e duhur, ndërsa kthesa është shumë e ngushtë dhe më pas të lejon të dalësh në rrugën e drejtë ku duhet të shtosh shpejtësinë. Në Mobil1 është e vështirë që të gjesh pikën e duhur për të bërë kthesën, kthesa është e verbër dhe e shpejtë, koha është vendimtare, por është shumë argëtuese nëse e bën në mënyrën e duhur dhe përfiton nga të gjitha frenimet”.

“Në dalje e sheh stadiumin e mbushur me njerëz dhe atmosfera është fantastike. Kthesa Sachs është e ngushtë, por ka një prirje të caktuar që e bën argëtuese sepse mund të jesh agresiv për të nxituar më tepër edhe nëse është e vështirë që të gjesh pikën e frenimit kur bën hyrjen, por nuk ka shumë dallime. Nëse e bën mirë këtë pjesë, është e bukur që të lëshosh makinën dhe të nxitosh për të arritur pjesën finale të cirkuitit”, vijoi më tej lideri aktual i renditjes së Formula 1. Vettel ka 8 pikë më tepër se Hamilton që drejton në skuderinë Mercedes. /EDS/

************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.

Formula 1 | Vettel krahason veten me rivalin Hamilton

Ti mund ta lexosh kete ne 2 min.
17 Korrik 2018 15:30
Ja detajet që nxjerr

Pas fitores në pistën e “Silverstone” në Britaninë e Madhe, Sebastian Vettel shfrytëzoi mundësin për të shpjeguar se pse ai është ndryshe nga Lewis Hamilton, si brenda po ashtu edhe jashtë pistës. Shpesh i krahasuar me rivalin e tij, si në faqet e revistave, ashtu edhe në imazhin e markës apo modës, piloti i Ferrari-t tregon se ka një jetë të fshehur. Një menaxhim i privatësisë së tij që u sfidua edhe në të kaluarën, por që pretendon të jetë në stilin e tij.

Për të përditshmen britanike ai shpjegon: “Jam një sportist, jo një i famshëm. Pra, kur shkoj që të garoj dikush më njeh, por mendoj se është në nivelin sportiv dhe jo për modelin e flokëve apo të këpucëve që mbaj veshur, apo të tjera si këto”.

Dhe vijon më tej: “Për mua gjëja më normale është që të jem normal”. Për Vettel atëherë “njerëzit mund të habiteshin. Shumë mendojnë se pilotët poshtë kaskës së tyre janë të gjithë ‘Arghh’. Ndërkohë që duhet të jemi të qetë sepse gara kërkon maksimumin e përqendrimit. Por natyrisht shpesh jam i ngazëllyer, ndonjëherë kam adrenalinë”, tha mes të tjerash piloti gjerman që udhëheq renditjen për pilotë në Formula 1 duke e lënë pas Hamilton-in.

Gara e ardhshme do të jetë vendimtare, sepse do të caktohet se kush do të jetë mbreti i pistës për gjysmën e parë të botërorit të Formula 1. Ndërkohë që në renditjen sipas skuderive 'kokëkuqja' ka nisur të shkëputet ndjeshëm pas dy garave të fundit, ku Mercedes nuk ka marrë pikët që priste pas gabimeve dhe defekteve të bëra. /EDS/

**************************

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota në kohë reale nga Futbolli dhe sportet e tjera.

Arsyeja e vërtetë pse Dani Pedrosa ka vendosur të ''zbresë'' nga motori

Ti mund ta lexosh kete ne 2 min.
16 Korrik 2018 19:19
Vendim i pakthyeshëm

Dani Pedrosa po largohet nga MotoGP sepse e ndjen që do të ishte edhe më pak konkurrues te skuadra satelit e Yamaha-s, Petronas. Sipas gazetarit britanik James Toseland spanjolli ka vendosur t’i thotë lamtumirë karrierës në garat me motorë pas disa javësh që është spekuluar mbi të ardhmen e tij.

Pasi mori njoftimin zyrtar se Honda nuk do t’ia rinovonte kontratën për shkak se skuadra japoneze ka nënshkruar me Jorge Lorenzon, Pedrosa u përfol se mund të kalonte te skuadra e dytë e Yamaha-s, por me sa duket ka ndryshuar mendje.

Toseland tha për mediet britanike: “Oferta ishte tërheqëse por fakti është që ai ka garuar si i barabartë me më të mirët dhe nëse nuk po arrin të jetë konkurrues tani mbi një motor të tillë, ka pak gjasa që gjërat të përmirësohen për të në të ardhmen nëse bën atë zgjedhje”.

“Mendoj se edhe ai vetë e ka kuptuar që asgjë tjetër përveç mundësisë për të dalë kampion nuk i përshtatet më. E nëse mundësia për t’u shpallur kampion është venitur tashmë, atëherë është vendimi i duhur që të tërhiqet”.

Këtë sezon, pozicioni më i mirë që ka arritur piloti spanjoll ka qenë vendio i pestë në Le Mans dhe Barcelonë. Por ka pasur edhe ditë të errëta si në Assen ku e mbylli në vend të 15-të. Dhe bisedimet vendimtare me Hondan, ku mori vesh që nuk do të ishte më pjesë e skuadrës, bënë që të merrte vendimin përfundimtar.

Të dielën, në Çmimin e Madh të Gjermanisë, 32-vjeçari u rendit i teti, duke parë nga larg triumfin e Marc Marquez të ndjekur në podium nga Valentino Rossi dhe Maverick Vinales./EDS/

**********

Ndalohet ripostimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Lajme Sportive nga vendi e bota ne kohe reale nga Futbolli dhe sportet tjera.