Formula1/ Red Bull cakton datën kur do të zbulojë njëvendëshen

Ti mund ta lexosh kete ne 1 min.
12 Shkurt 2018 17:24
E publikuan në Twitter

Pak më shumë se një muaj na ndajnë nga nisja e Botërorit të Formula 1, është koha e prezantimit të njëvendësheve. Sot, Twitter na kujton “ditën x”, është Red Bull, që në profilin zyrtar ka postuar një “gif” me datën në të cilën Max Verstappen dhe Daniel Ricciardo do të zbulojnë RB14-ën e re në publikun e gjerë, pikërisht më 19 shkurt. Ajo e skuderisë austriake do të jetë makina e dytë që do të prezantohet, ekzaktësisht një javë para se të nisin testet para-sezonal të Barcelonës.

Takimi i parë është më 15 shkurt, kur Williams do të zbulojë makinën e vet në Londër. Më 20 shkurt do të jetë radha e Sauber-Alfa Romeo dhe e Renault. Ferrari dhe Mercedes do të prezantojnë njëvendëshet e tyre të mërkurën më 22 shkurt, por në orare të ndryshëm. Më 23 shkurt do të jetë Alonso që do të zbulojë MCL33. Më 26 i takon Toro Rosso-s. Ende për t’u prezantuar, mbetet Force India për në fund. /EDS/

MotoGP/ Zarco dhe ëndrra që iu kthye në makth, flet piloti

Ti mund ta lexosh kete ne 1 min.
21 Maj 2018 16:46
Ja çfarë ndodhi në Francë

E nisi nga ‘poleposition’, të dielën Johan Zarco me Monster Yamaha Tech 3 për një moment ëndërroi fitoren në Çmimin e Madh të Francës. Për fat të keq, ëndrra e tij u transferua në një makth, dhe Zarco që humbi gjithçka në kthesën e 8, pothuajse në nisje të rrugës. Francezi, sidoqoftë, nuk ishte i vetmi pretendent që përfundoi në zhavorr, me Andrea Dovizioso-n me Ducati që u rrëzua kur kishte marrë në dorë komandën e garës në xhiron e pestë, ndërsa Andrea Iannone me Suzuki doli jashtë që në xhiron e parë.

“Ka qenë një mëkat i vërtetë, do të më shërbejë si leksion”, kjo është “mea culpa” e Johan Zarco-s, i cili shtoi: “Duhet të isha më tepër në 100%, të mendoja se si të isha para Marquez-it, i cili ma bëri garën më të komplikuar. Marc më superoi dhe nuk mund të rrija pas djemve sepse do të kisha humbur shumë pozicione, ja përse kërkova që të rikthehesha shpejt në vendin e dytë, por në kthesën e tetë hyra pak shpejtë dhe motori ishte ende i rëndë, provova që të frenoja por më pas rashë. Nuk prisja që të përplasesha. Kështu, është mëkat. Ishte Çmimi i Madh i Francës, të gjithë po thërrisnin emrin tim”. /EDS/

*****************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

Formula 1/ Alarm në Angli për Hamilton, në Gjermani qetësojnë situatën

Ti mund ta lexosh kete ne 1 min.
21 Maj 2018 16:24
Çfarë po ndodh me pilotin?

Tratativa e gjatë mes Lewis Hamilton dhe Mercedes mund të mbyllet me një kontratë ‘yjesh’ nga ana e Kampionit të Botës në fuqi. Por, sipas shtypit anglez, zgjatja në kohë e tratativave mund të sjellin dhe hipotezën e tërheqjes së pilotit britanik.

Për të qetësuar tifozët e “Shigjetave të Argjentda” është pikërisht drejtuesi i Mercedes, Niki Lauda, i cili për ‘Bild’ ka thënë: “Lewis është një pilot fitimtar dhe nuk ka asgjë më fitimprurëse sesa suksesi. Vonesa vjen prej negociatave”.

Për të larguar dyshimet e mundshme për një tërheqje të Hamilton ka folur edhe kampioni i botës në vitin 1996, Damon Hill. “Lewis ka mjaftueshëm fuqi për të prezantuar  në mënyrën më të mirë këtë sport, ndoshta pret të djersitet dhe pak”, tha ai për ‘The Sun’. “Por, unë pyes veten nëse tërheqja e Nico Rosberg ka ndikuar pak mentalisht tek ai. Kur je një pilot i Formula 1, ti vdes në ditën që ikën nga pista”, përfundoi Hill. /EDS/

*****************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

MotoGP/ Andrea Dovizioso tregon dështimin në La Mans

Ti mund ta lexosh kete ne 2 min.
20 Maj 2018 17:09
E pabesueshme

Sapo kishte fituar udhëheqjen e garës në cirkuitin e La Mans në Çmimin e Madh të Francës, ndodhi ajo që nuk pritej. Andrea Dovizioso u rrëzua dhe doli nga gara, duke iu hapur rrugën të tjerëve për këtë trofe. “Nuk mbaj mend kur më ka ndodhur një gabim i tillë. Është shumë e dhimbshme për mua që ta harroj. Nuk është një gabim që erdhi nga unë, ndodhi! Është e papranueshme që të humbasësh një garë kështu. I kërkoj falje të gjithë shokëve dhe të gjithë atyre që punojnë te Ducati. Po ndjehesha mirënë atë moment, nuk mendova se po e teproja me shpejtësinë, por gjithçka ndodhi”.

Më pas Dovizioso tregoi dhe dinamikën e rënies: “Doja që të isha më përpara, sepse kisha shqetësimin e Zarco-s pas që ishte shumë agresiv dhe ndodhej para Lorenzo-s që në Jerez ishte i vështirë. Kur bëra kalimin në një tjetër linjë në atë kthesë, ajo bëri që të ndodhte gabimi im. Më vjen inat sepse isha i shpejtë dhe kjo më djeg akoma. Në mënyrë paradoksale ajo shpejtësi është gjëja më e rëndësishme që më thotë se ndeshja nuk është mbyllur. Janë 14 gara përpara dhe mund të ndodhin shumë gjëra, edhe pse pikët e diferencës janë shumë”.

Klasifikimi nuk është i bukur, -49 pikë nga Marquez, por kjo nuk e shqetëson Dovizioso-n. “Nuk e di nëse Ducati do të garojë fort kudo, sidoqoftë mungojnë shumë gara, por shpejtësia e përballjeve na jep mundësi që të konkurrojmë me Marquez-in për të mos humbur terren”, mbyll Dovi, i cili sot doli nga pista në xhiron e dytë kur po kryesonte garën. /EDS/

*****************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.

MotoGP/ Marc Marquez hero në Francë, dominon pistën

Ti mund ta lexosh kete ne 2 min.
20 Maj 2018 14:56
Rossi në podium

Nuk ka rivalë këtë sezon! Marc Marquez e mbyll i pari në cirkuitin e La Mans me kohën më të mirë me motorin e tij Honda, i treti për pilotin spanjoll në këtë Botëror të MotoGp. Çmimi i Madh i Francës shkon në duart e Marquez-it, i cili pas daljes nga pista të Andrea Dovizioso-s me Ducati në xhiron e dytë, arriti që të marrë vendin e parë dhe të superojë 27 xhirot e këtij cirkuiti.

Petruçi me Ducati u rendit i dyti, ndërsa në podium do të ngjitet dhe Valentino Rossi, i cili u nis i nënti dhe në fund e mbylli i treti. I katërti e mbylli Miller me Ducati, ndërsa Pedrosa me Honda e mbylli i pesti garën e sotme.

Jorge Lorenzo me Ducati u rendit i gjashti, ndërsa u ndoq nga një tjetër Yamaha, Maverick Vinales. Espargaro me Aprilia dhe Cal Crutchlow me Ducati e mbyllën në pozicionet tetë dhe nëntë, ndërkohë që Rins e mbylli i dhjeti garën e sotme.

Në klasifikimin e pilotëve është Marc Marquez që dominon me 95 pikë, i ndjekur nga Maverick Vinales me 59 pikë dhe Johan Zarco me 58 pikë. I katërti është Rossi me 56, i ndjekur nga Petrucci me 54. Normalisht, mbeten dhe shumë pikë në lojë që do të thotë se gjithçka mbetet e hapur, por spanjolli i Honda-s është favoriti pas pesë garave të para. /EDS/

 

Renditja për garën e La Mans

1              Marc Márquez  HONDA                               

2              Danilo Petrucci  DUCATI                0:00:02.165        

3              Valentino Rossi YAMAHA             0:00:04.358        

4              Jack Miller           DUCATI                0:00:06.482        

5              Dani Pedrosa     HONDA                0:00:08.632        

6              Jorge Lorenzo    DUCATI                0:00:10.869        

7              Maverick Viñales              YAMAHA             0:00:18.999        

8              Cal Crutchloë     HONDA                0:00:20.480        

9              Aleix Espargaró APRILIA                0:00:20.480        

10           Alex Rins              SUZUKI 0:00:21.945        

11           Pol Espargaró     KTM       0:00:24.837        

12           Hafizh Syahrin   YAMAHA             0:00:26.317        

13           Franco Morbidelli             HONDA                0:00:27.756        

14           Bradley Smith    KTM       0:00:27.756        

15           Takaaki Nakagami            HONDA                0:00:29.223        

16           Thomas Luthi     HONDA                0:00:32.127        

17           Karel Abraham  DUCATI                0:00:33.592        

18           Xavier Simeon   DUCATI                0:00:35.045        

*****************************

Ndalohet ribotimi apo kopjimi i këtij artikulli pa lejen me shkrim nga eduasportin.com.

Eduasportin.com është vendtakimi i duhur për lajmet dhe të rejat nga bota e sportit. Ndiqni rrjetet sociale për argëtim, lojëra e quiz-e pafund. Në eduasportin.com do gjeni Parashikime Ndeshjesh për Kampionatet Kryesore, Rezultate Live dhe Statistika Futbolli.