Peter Pacult e krahasoi veten me Pep Guardiola-n në konferencën për shtyp ditën e djeshme. Kjo bëri që shumë të qeshnin me deklaratën e tij, por besoj se pas fitores së sotme kundër Partizanit, pothuajse të gjithë janë kthyer pro teknikut.
Për më tepër, edhe lojtarët duhet të jenë të lumtur me trajnerin e tyre. Pas fitores kundër Partizanit në dhomat e zhveshjes së verilindorëve ka zbarkuar një “mal” me pica. Në momentin që Starova bënte sherr me policët për të hyrë në dhomat e zhveshjes, shpërndarësi i picave rrinte dhe priste policinë që t’i hapte derën që të çonte në vend porosinë.
Siç shihet edhe në fotografi, 9 pica iu janë shërbyer lojtarëve që fituan. Kjo është dhe risia e teknikut Pacult, që në shumë vende të Evropës përdoret në mënyrë të gjerë. Ndonjëherë jo vetëm pica, por edhe birrë. /EDS/