Gjesti i madh i Bukayo Saka – Zbret nga autobusi dhe ia dhuron fanellën e tij djaloshit nga Kosova, tifozët e Arsenalit tani kërkojnë t’ia blejnë

05 Shtator 2020

Talenti i Arsenalit, Bukayo Saka e ka gëzuar tifozin e Topçinjve nga Kosova, Vërshim Kastrati, pasi ia ka dhuruar fanellën e tij pas ndeshjes së Anglisë U21 ndaj Përfaqësueses së Kosovës.

Ekipi i Anglisë U-21 luajti gjatë mbrëmjes së premte në Prishtinë, ku mposhti Përfaqësuesen e Kosovës U-21 me rezultat të thellë 6-0.

Golat në këtë fitore të Tre Luanëve u shënuan nga Eddie Nketiah (51′, 55′, 61(pen)), Reiss Nelson (66′), Ryan Sessegnon (82′), Jude Bellingham (85′).

Lexo po ashtu: Kosova U21 turpërohet nga Anglia U21, anglezëve iu deshën vetëm 45 minuta për të shënuar gjashtë herë

Megjithatë, për një tifoz nga Kosova pati edhe lumturi, edhe përkundër humbjes së djelmoshave Dardanë.

Bëhet fjalët për djaloshin nga Prishtina, Vërshim Kastrati, i cili njihet si tifoz i zjarrtë i Arsenalit.

Vërshim Kastrati

Kastrati ‘fitoi’ një fanellë të ndeshjes nga talenti anglez i Arsenalit, Bukayo Saka.

E veçanta e gjithë kësaj historie është se Saka zbriti nga autobusi i ekipit të Anglisë për t’ia dhuruar fanellën e tij prishtinasit, i cili mbante një pankartë ku i kërkonte anglezit fanellën.

Pankarta e Kastratit

Këtë gjest të Sakas, Kastrati e ka vlerësuar lartë, duke e falënderuar me anë të një postimi në profilin e tij privat në Twitter.

“Një dhuratë e pa çmimi nga një person mahnitës dhe një lojtar shumë i talentuar Bukayo Saka. Kurrë nuk do ta harroj atë që bëre për mua vëlla, duke dalë nga autobusi, duke hequr bluzën dhe duke ma dhënë. Është një ëndërr e bërë realitet”, ka shkruar Kastrati.

A priceless gift from an amazing person and a very talented player @BukayoSaka87 I will never forget what you did for me bro, getting out of bus taking you t-shirt off and giving it to me. It’a dream came true! @England #englandu21 #bukayosaka @Arsenal pic.twitter.com/8UKgJOJy9q

— Vërshim Kastrati? (@vershimkastrati) September 4, 2020

Dhurimi i fanellës nga Saka ka bërë që Kastrati të bëhet tani shumë i kërkuar në rrjetet sociale.

Është vet Kastrati, i cili ka dërguar edhe fotografi nga biseda të ndryshme me tifozët të Arsenalit nëpër botë, të cilët i kërkojnë ta blejnë fanellën apo edhe ta dinë çmimin.

Më poshtë keni disa nga fotografitë e bisedave të tij me tifozët që i kërkojnë fanellën e Sakas. /Telegrafi/

Coronavirus – Statistikat

TotalKosova

Infektuar
Shëruar
Vdekur

Data credits CSSE at JHU

Shfaq statistikat COVID-19

Trendi i Coronavirus-it në Kosovë

Data credits:corona-ks

Të gjitha lajmet rreth Coronavirus-it
www.telegrafi.com

ulaş utku bozdoğan
ulaş utku bozdoğan astrolog
ulaş utku bozdoğan