Gotze merr vendim për tu larguar nga Dortmundi, alarmohen skuadrat e mëdha evropiane

26 Mars 2020

Mario Gotze ka marrë vendim që të largohet përfundimisht nga Borussia Dortmund në fund të këtij edicioni.

Mesfushori gjerman përfundon kontratën e tij me verdhezinjtë në qershor dhe nuk ka marrë ofertë për vazhdimin e bashkëpunimit.

Hapësirat e pakta këtë edicion nën urdhrat e Luciane Favre kanë bërë që gjermani të vendos përfundimisht për largimin.

27-vjeçari ka disa opsione për ta vazhduar karrierën e tij dhe duke parë që është lojtar i lirë skuadrat e mëdha kanë shprehur interesim për të.

Mario Gotze. (Photo by Alex Grimm/Getty Images)

Roma, Inter dhe Milan e duan në Itali, derisa Liverpooli dhe Tottenham Hotspur kanë shprehur interesim në Ligën Premier.

Megjithatë mediat gjermane këmbëngulin se Gotze do të vazhdoj të mbetet pjesë e elitës së futbollit gjerman.

Bayer Leverkusen, Hertha Berlin dhe Hoffenheim janë skuadrat që po e duan heroin e Gjermanisë që në vitin 2014 shënoi golin e fitores në finalen e Kupës së Botës.

Gotze gjatë karrierës së tij ka luajtur vetëm për dy klube, Borussia Dortmundin ku ka filluar karrierën dhe për tri vite ishte pjesë e Bayernit nga 2013 deri më 2016. /Telegrafi/

www.telegrafi.com