Griezmann është prioritet i PSG-së në rast të shitjes së Neymar ose Mbappe

19 Mars 2019
Griezmann është prioritet i PSG-së në rast të shitjes së Neymar ose Mbappe

Antoine Griezmann ka qenë vazhdimisht shënjestër e klubeve të pasura evropiane, ndërsa nuk ka dyshim se në afatin e ardhshëm kalimtar do të nisen ofertat drejt Atletico Madridit.

AS raporton se edhe francezi është duke i shqyrtuar opsionet për të ardhmen e tij, mirëpo duke qenë se ka një klauzolë prej 200 milionë eurosh për prishjen e kontratës, atëherë ngushtohet lista e klubeve që mund ta transferojnë atë.

Antoine Griezmann (Foto: Gonzalo Arroyo Moreno/Getty Images/Guliver)

Aktualisht, Atletico nuk dëshiron të bisedojë për një shifër më të ulët, ndërsa Paris Saint-Germaini është ndër klubet që mund ta paguajnë këtë shifër.

Lexo po ashtu: Të gjitha lajmet nga Antoine Griezmann

Derisa po flitet që Real Madridi mund ta rrëmbejë njërin nga yjet e kampionit francez, Neymarin apo Kylian Mbappen, PSG është vënë pas Griezmannit.

27-vjeçari e konsideron si mundësi të mirë transferimin e klubi kryeqytetas, i cili po forcohet çdo vit e më shumë. /Telegrafi/

www.telegrafi.com